دەلای لاما، یەكێك لە گرنگترین پیاوانی ئەم سەردەمە
هێزی گۆڕانكاری پشت بە جووڵەی ئێمە دەبەستێت دەلای لاما، یەكێك لە گرنگترین پیاوانی ئەم سەردەمە ‌ 5/7/2017
دەلای لامای چواردە یەكێكە لە گرنگترین پیاوانی ئەم زەمانە. ئەو سەرۆكی حكومەتی تیبتە لە مەنفا و سەرۆكی رۆحی خەڵكی تیبتیشە.
لە ساڵی 1950 دا لە كاتێكدا كە تەمەنی 15 ساڵا بوو لە پۆستی دەلای لامادا دانرا و بووە گرنگترین سەركردەی رۆحی و سیاسی تیبتییەكان.
بارەگاكەی لە كۆشكی بۆتیلا بوو لە لاسا لە ناوچەی تیبتی سەربەخۆ و ئێستا ئەو بارەگایە بۆتە مۆزەخانە.
دوای هەڵاتنی لە 1959 دا دوای شكستهێنانی هەوڵێكی كۆدەتا لە دژی حكومەتی چین و دوای شكستی رێككەوتنی 17 خاڵی و داكشانی بزووتنەوەی رزگاریخوزای تیبتی، حكومەتی مەنفای لە هندستان پێكهێنا.
دەلای لاما بێوچان هەوڵ دەدات و تێدەكۆشێت بۆ بە زیندوویی هێشتنەوەی شارستانێتی تیبت و كەلتوورەكەی، ئەوەیش بە پشت بەستن بە كۆمەكی هاوكاریی ئەو تیبتیانە لە مەنفا دەژین و شوێنی كەوتوون.
دەلای لاما بە پیاوی هەمیشە ئامادە وەسف دەكرێت و رێنماییەكانی بوزی و رەوشت و پێكەوە ژیانی ئاینی بڵاو دەكاتەوە.
دەلای لاما وتارێكی جەماوەری گەورەی لە لۆس ئەنجلۆسی ئەمریكا خوێندەوە و میدالییەكی ئاڵتونی لە كۆنگرێسی ئەو وڵاتە وەرگرت كە باڵاترین رێزلێنانی ئەمریكییە بۆ كەسێكی نا سیاسی، ئەوەش كاتێك بانگەوازی پێكەوە ژیانی ئاینی و مافی مرۆڤی لەسەرتاسەری جیهاندا كرد و هەوڵی زۆریشی داوە بۆ دۆزینەوەی چارەسەرێكی ئاشتیانە بۆ مەسەلەی تیبت لە رێگەی گفتوگۆ لەگەڵ سەركردایەتی چین.
لە ماوەی سەردانەكەی بۆ بەریتانیا، دەلای لاما باسی مافەكانی مرۆڤی كرد كاتێك وتی: توندوتیژی و دیمەنەكانی لە سەرتاسەری جیهاندا، وای لێكرد كە غەمبار بێت. لە پای ئەوە و بە هۆی هەوڵەكانی بۆ بڵاوكردنەوەی ئاشتی و هاوسۆزی لەگەڵ مەسەلەی تیبت، بڕوانامەی دكتۆرای فەخریی پێدرا.
ئەو دەڵێت، مەسەلەی تیبت لە سەرەتاكانی ساڵانی پەنجاكانەوە یان لە ماوەی شەست ساڵی رابردوودا، نەوەیەكی تازە هاتۆتە ئاراوە، بەڵام كێشەكە هەر بەردەوامە و ماوە. بۆیە پێویستە لەسەرمان چارەسەری بكەین، ئەوەش ئەوەیە كە بەشێوەیەكی دیاریكراو خەریكی دەبین.
لە ماوەی ژیان و پیشە رۆحی و سیاسییەكەیدا، هیچ گۆڕانكارییەك لە پەیامەكەیدا بەدی نەكراوە كە خۆی لە خۆیدا هەوڵێكی زۆری لە پێناویدا داوە.
لە ساڵی 2005 دا، كۆمەڵگای بوزییەكانی شانشینی یەكگرتوو خەڵاتی كریسمس هامفییان پێدا، كە ئەوەش دەكاتە ئەوەی یەكەمین هاووڵاتیی بەریتانییە كە باوەڕی بە بوزی هەبێت. دواتر، كۆمەڵگای بەریتانییە بوزییەكانی دامەزراند و كاریگەری گەورەی لەسەر بوزییەت لە بەریتانیا دانا.
دەلای لاما یەكێكە لەو چوار كەسەی كە رەگەزنامەی فەخرییان لە كەنەدا وەرگرتووە. هەروەك چەندین خەڵاتی وەرگرتووە وەك رێزلێنان لە هەوڵەكانی بۆ ئاشتی و مافی مرۆڤ.
بەڵام، پێش هەموو شتانە، خەڵاتی نۆبڵی ئاشتی لە ساڵی 1989 دا وەرگرتووە، ئەوەش بەشێكە لە قەرەبووكردنەوە و وەفاداری بۆ مەهاتما گاندی و سەركردەیەكی رۆحی و سیاسی بنەڕەتییە لە هندستان بۆ هەوڵەكانی رزگاركردنی تیبت بە بڕیاری ئاشتی و نا توندوتیژی.
لە نێوەندی ئەو هەموو فەوزا و كێشمە كێشەدا كە رووبەرووی دەلای لاما و سیاسەتەكەی بوونەوە، دەلای لاما بەردەوام كەسێكی ئارام و یەكێك بوو لە گرنگترین سەركردە رۆحییەكانی لە جیهاندا. 


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP