ئەڵمانیا هێزەکانی لە بنکەی ئینجەرلیک دەگوازێتەوە
ئەڵمانیا هێزەکانی لە بنکەی ئینجەرلیک دەگوازێتەوە ‌ 18/5/2017
لەچوارچێوەی هێزەکانی ناتۆ ئەڵمانیا ٢٦٠ سەربازی خۆی لەناو بنکەی ئینجەرلیک لەتورکیا جێگیرکردوە،ئەو هێزە ئاسمانیە بە فڕۆکەی تۆرنادۆ زانیاری نهێنی و ئیستخباراتی لەسەر داعش کۆدەکەنەوەو دەیدەنە هێزەکانی هاوپەیمانان. به‌ڵام ماوه‌یه‌که‌ به‌هۆی هه‌ڵسووکه‌وتی نه‌شیاوی حکومه‌تی تورکیاوه‌، قسه‌و‌باسێکی زۆر له‌باره‌ی گواستنه‌وه‌و‌ داخستنی ئه‌م هێزه‌ی ئه‌ڵمانیا ده‌کرێت. 
ساڵی پاریش نەیهێشت شانده‌که‌ بچن
بنکه‌که‌  بریتیە لە یەکەیەکی زانیاری نەخشین بە هاوپەیمانێتی دژ بەداعش و بەمەبەستی باربۆی لۆجێستی وبەنزین بۆ فڕۆکەکانی هاوپەیمانێتی بەکاردێت، ساڵی پار وەفدێکی پەرلەمان بەیاوەری وەزارەتی بەرگری ئەڵمانی ویستیان سەردانی ئەو هێزانە بکەن‌ولەکەموکوڕی پێداویستیەکانیان بکۆڵنەوەو لەنزیکەوە بیانبینن، بەڵام تورکیا ڕێگای پێنەدان و لەتۆڵەی ئەوەی کەپەرلەمانی ئەڵمانیا کۆمەڵکوژی ئەرمەنەکانی بەدەستی عوسمانیەکان لەشەڕی جیهانی یەکەمدا بە جینۆساید ناساند،  نەیهێشت وەفدەکە سەردانیان بکەن.
کاردانەوەیە لەدژی ئەڵمانیا 
بەهەمان شێوە دیسان لەسەر پێشنیازو ڕاسپاردەی کۆمیتەی بەرگری پەرلەمانی ئەڵمانیا لەچەند ڕۆژی ڕابردودا شاندێکی هاوشێوە ویستیان سەردانێکی لەمجۆرەبکەن، کەچی ئەمجارەش تورکیالەڕێی وەزارەتی دەرەوەو باڵیۆزخانەی خۆی لەبەرلین ئاگاداری کردنەوە کە ڕێگایان پێنادرێت ئەو هێزانە بەسەر بکەنەوە، کاتێک پرسیاری هۆکاری ئەو هەڵوێستەیان لێکرا، ووتیان: ئەڵمانیا لەم ڕۆژانە مافی پەنابەرێتی داوەتە ٤٤٠ سەربازی تورکی کەلەناوهێزەکانی ناتۆکاریان دەکردو داوای مافی پەنەبەرێتیان لەئەڵمانیا کردبو.
جگەلەگواستنەوە ئەڵتەرناتیڤی تریان نییە
ئێستا ئەو مەسەلەیە لەنێوەندەسیاسیەکانی ئەڵمانیادامشتومڕێکی زۆری پەیداکردوەو لەمبارەیەوە «مارتن شیفەر» وته‌بێژی وه‌زاره‌تی ده‌ره‌وه‌ی ئه‌ڵمانیاووتی:  به‌هیچ شێوه‌یه‌ك قبوڵ ناكەین ڕێگه‌ له‌ په‌رله‌مانتارانمان بگرێت کەسه‌ردانی هێزه‌كانمان بكه‌ن، بۆیه‌ ئەم هەڵوێستەی تورکیا وامان لێدەکات بیر لە ڕێوشوێنی گونجاوی تر بکەینەوە،هەروەها «ڤۆلفگەنگ هێلمیش» سه‌رۆكی کۆمیتەی به‌رگری له‌ په‌رله‌مانی ووتی: تاکە چارەسەری بەردەممان ئەوەیە کە ئەو هێزانە لەناو خاکی تورکیا بگوازینەوەو بیانبەینە شوێنی تر،هەرچەندە ئەو پرۆسەیە ئاسان نییەو کاتێکی چەند مانگی پێویستە بۆ گواستنەوەی ئەو کەلوپەلەسەربازیانە بەڵام تاکە ئەلتەرناتیڤی بەردەممان هەر ئەوەیە.
پارتەکان هاوڕان
ژمارەیەک کەسایەتی ونێوەندی سیاسی تر لەوانە سەرۆکی یەکێتی دیموکراتی کریستیان داوای کردوە دەستبەجێ شوێنی تر بدۆزنەوەو ئەوهێزانە لەتورکیا لابەرن،هەریەک پارتی سەوزو چەپەکان و سۆسیالدیموکراتەکان بڕوایان وایە کە گواستنەوەی ئەم هێزانە لەو وڵاتە زۆر پێویستەو ئەوەی تورکیا دەیکات هیچ مانایاکی بۆ کاری دیپلۆماسی‌وپەیوەندیەکان نەهێشتۆتەوە،بۆیە حکومەت خەریکی داڕشتنی پلانێکی تازەیە بۆ گواستنەوەی هێزەکانی و چەند وڵاتێک پێشنیاز کراوە بۆ دامەزراندنی ئەوهێزە تیایاندا لەوانە: کوێت وئوردن وقوبرس‌وپێشدەچێت ئوردن شوێنێکی پراکتیکی بێت و ڕۆژانی داهاتوو بڕیار لەسەر ئەوپرسەدەدرێت.
مێرکلیش توڕەبوو
لەمبارەشەوە ئەنجێلا مێرکلی ڕاوێژکاری ئەڵمانیا دڵتەنگی وتوڕەیی خۆی ئاشکرا کرد بەرامبەر بەو هەڵوێستەی تورکیاو ووتی: بڕیاری قەدەغەکردنی سەردانیکردنی شاندی پەرلەمانتارانی ئەڵمانیا جێی قبوڵکردن نییە،ڕاوێژكاری ئەڵمانیا لە بەرامبەر ڕێگریكردن لە سەردانی ئەو شانده‌ ، كاردانەوەی توندی نیشاندا و وتی:» یەكێك لەو وڵاتانەی کەلەمەودوا دەکرێت ببێتە جێگرەوەی ئینچەرلیك، وڵاتی ئوردنە.هەروەها مێرکل لە كۆبوونەوەی حیزبەكەیدا وتی: «هەڵوێستەکەی ئەنقەرە جێی بێزاریە، هەرچەندە دانوستانمان لەگەڵ تورکیا درێژەی دەبێت بەڵام جێگرەوەش دیاری دەکەین بۆ ئەم پرسە.
سەرچاوە: کەناڵەکانی میدیای ئەڵمانیا


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP