رۆژئاوا زەنگی مەترسـی دوای داعـش لێدەدات
رۆژئاوا زەنگی مەترسـی دوای داعـش لێدەدات ‌ ئامادەکردنی: بورهان ئەمین‌ 13/7/2017
لەکاتێکدا کەڕێکخراوی تیرۆریستی داعش لە هەریەک لەسوریاو عیراق بەرەو کۆتایی دەچێ‌و هێزەعیراقیەکان کۆنترۆڵکردنەوەی تەواوی‌شاری موسڵیان ڕاگەیاندو  لە ڕەققەی پایتەختەکەشیاندا گەمارۆدراون‌و لەسوریاش کۆتاییەکەیان نزیکبۆتەوە، کەچی کەناڵەمیدیایی و دەزگا گرنگەکانی ئەوروپا باس لەوەدەکەن کەئەگەرچی ئەو ڕێکخراوە توانا سەربازیەکانیشی کۆتایی پێدێت بەڵام ڕەفتاروسیاسەت‌‌و فکره‌کانی هەردەمێنێ‌وکردەوە تیرۆریستیەکانیشیان بەردەوام دەبێ و بەمزوانە کۆتایی نایەت.

قۆناغی داهاتوو دژوار دەبێت
لەسەرئەمە ڕۆژنامەی فرانکفۆرتە ئەلگێماینە زایتۆنگی ئەڵمانی بە دوو دڵیەوە دەڕوانێتە قۆناغی داهاتوی دوای داعش‌ومەترسی خۆی نیشان دەدات کەبارەکە هەروەکخۆی بمێنێتەوە،لەمبارەیەوە دەنوسێت: قۆناغی قوڕسی داهاتوولەدوای کپ بونەوەی  تەقوتۆقوشەڕە،دوای ئەوەی هاوڵاتیانی ئەو ناوچانە دەبێ درک بەوە بکەن کە داعش زوڵموزۆری لێکردون‌وبەنەمانیان ژیانێکی تازەتر دەستپێدەکەنەوە ، دەبێ بەرپەرچی ئەو بۆچونانەش بدەنەوە کە داعش پەیڕەوی دەکردو نەهێڵن نەوەی نوێ هەڵگری ئەو بۆچون‌وڕەفتارانەبن، چونکە بڵاوبونەوەی ئەو بیرە توندڕەویە بەداگیرکردنی ڕوبەری زەوی‌وسەرکەوتنی سەربازی نییە چونکە خۆ لە ئەوروپا بستێک خاکیان لەژێرکۆنترۆڵی ئەواندانییە کەچی هەوادارو دۆست‌و لایەنگریان  هەیەو خاوەنی هەمان بۆچونی ئەوانن.

ئاسەواریان دەمێنێت
ڕۆژنامەی»تایمز»ی لەندەنی نوسیویەتی: کاتێک داعش کەوتە ڕوخاندن و تەقاندنەوەی ئاسەوارەمێژوویی‌وئاینینەکان لەشاری موسڵ‌ وشوێنەکانی تریش، ئەو کات نیشانەی مەرگ‌ولەناوچونی خۆیان لەهەموو کونجێکی ئەم جیهانە نیشانداو کۆتایی بەو کوشتارو توندوتیژیە دێت کە پێشتر پەیڕەویان دەکرد،بۆیە ئاسەواری ئەو توندوتیژیانەیان تاماوەیەک هەردەمێنێ‌ودەبێت لە قۆناغی داهاتوداموسڵمان و خواپەرستان خەریکی بوژاندنەوەی کەلەپوروبیری ئیسلامی میانڕەو و شارستانیەت و بن  وئەو تارماییە ڕەشە لەسەرئاسمانی پێکەوەژیانی ئاینەکانی تر لەگەڵ ئیسلام  لابەرن‌وهەموو ئەو بیرە توندڕەویانە لەناخی خەڵکدا لابەرن کەببوەهۆی کوشتوکوشتارو ڕق وکینە لە نێوان ئاینەکاندا.

بەره‌و ئەوروپا هه‌ڵدێن
«دی تەلەگراف»ی هۆڵەندیش بەهەمانشێوە: هۆشداری دوای شکستی چەکداری ئەو ڕێکخراوە دەدات لەموسڵ‌وڕەققەو دەڵێت: لەوانەیە لەدوای کشانەوەو پەرتەوازە بونیان بەرەو ئەوروپا ڕابکەن‌وهەوڵی ئەنجامدانی کاری تیرۆریستی‌وتیرۆرو تەقاندنەوە بدەن،وەک ئەوەی لەندەن‌ومانشستەروبرۆکسێل‌‌وپاریس کە لە سەرو بەندی ئەو شکستە سەربازیانەشیاندا لەبەرەکانی شەڕ هێشتا توانای کاری تیرۆریستیان ماوەو دەمێنێت.

تاوانەکانیان دەخەنە ئەستۆی ڕۆژئاوا
ڕۆژنامەی»سمی»سلۆفاکی نوسیویەتی: داعش هەمیشە کار لەسەر چەواشەکردنی خەڵک بڵاوکردنەوەی پڕوپاگەندەوتوندڕەوی دەکات لەناو خەڵکدا بۆ نمونە ئەو کوشتارانەی خۆیان بەرامبەر بەخەڵکی سڤیل دەیکەن یان لەدوای تەقاندنەوەو خاپورکردنی مزگەوت‌ومنارەو شوێنەکە کۆنەکان وا پروپاگەندە دەکەن کەهێزەکانی ڕۆژئاواو هاوپەیمانان ئەوەیان کردوەو فڕۆکەکانیان ئەوشوێنانەو خەڵکەکە بۆردومان  دەکەن، بڵاوکردنەوەی ئەو جۆرە بانگەشانە زیانی دەبێت بەسەرڕای گشتی‌وداهاتووی ژیانوگوزەران لەناو ئەو کۆمەڵگایانەی کە پێشتر لە ژێر دەستی داعشدابون.

ڕادەکەنە ئەفریقیا
ڕۆژنامەی»لۆڤیگارۆ»ی فەرەنسی وایدەبینێ کەداعش لەدوای ڕاکردنیان لەسوریاو عیراق دەچنە ئەفریقیا،ڕۆژنامەکە زانیاری ئەوەی بڵاوکردۆتەوە کە ڕێکخرای داعش وەک خۆئامادەکردنێک بۆ شکستەکانیان لەم دوو وڵاتە ساڵی پار ١٥ کەس لە شارەزاو پسپۆڕی خۆی ڕەوانەی نایجیریا کردوە بۆ زەمینەسازکردنی گواستنەوەیان بۆ وڵاتانی کێشوەری ئەفریقیا،ئەو کەسانە جگە لە خۆشارەزاکردن بەو وڵاتانە ڕاهێنانیان بە چەکدارەکانی بۆکۆحەرامکردوەو حازریان کردوون،لەو ماوەیەش سەرچاوەکانی زانیاری لە ئەفریقیا خەستتربون‌وزۆربونی کردەوەی تیرۆریستی لەنایجیریا و دەوروبەری ڕاگەیاندوە،بۆیە لۆڤیگارۆ پێشبینی ئەوە دەکات کەزۆربەی چەکدارە ڕاکردوەکانیانی سوریاو عیراق بچنە ئەفریقیاو لەگەڵ بۆکۆحەرام دەستپێ بکەنەوە.

بەیەکجاری ناسڕێنەوە
هەرلەمبارەیەوە ڕۆژنامەی»دی ڤێڵت»ی ئەڵمانی پێی وایە،کەناتوانرێ باوەڕ بەوە بهێندرێت کە داعش بەیەکجاری تەواودەبێ‌ولەسەر ئەرزدەسڕێتەوە،چونکە لەماوەی سێ ساڵی ڕابدوردویان لەسوریاو عیراق‌وناوەکانی تر توانیویانە هەڵسوکەوت و سیاسەتی دژواری خۆیان بڵاوبکەنەوەو نەوەیەک لەدوای خۆیان بەجێ بێڵن کە پەروەردەو دروستکراوی خۆیانە، بۆیە ئەو گروپە توندڕەوە ئەگەر لەشەڕگەکانیش شکست بێنن، بەڵام بونیان وەک ئایدۆلۆژیاو ڕەفتاری نامرۆڤانە هەر دەمێنێت.

لە ئەوروپا تەقینەوە  دەکەن
لەلایەکی تریشەوە دەزگای پاراستنی دەستوری ئەڵمانیا ئاشکرایکرد کە لە دوای نەمانی داعش لە سوریاو عیراق لەوانەیە هەوادارانیان لە ڕۆژئاوا ئاگادار بکەنەوە بۆ ئەنجامدانی کردەوەی تیرۆریستی. «هانز ماسن»بەرپرسی ئەو دەزگایە بۆ میدیای ئەڵمانی رایگه‌یاند: کاتێک چەکدارانی داعش لەشاری موسڵ لەژێردەستی پێشمەرگەو سوپای عیراق ڕادەکەن، ئەوانەی ناوخۆ بەختی دەربازبونیان لەبیانیەکان زیاترە چونکە شارەزان‌و لەوانەیە لە داهاتوو خۆیان بگەیەننە ئەوروپاو ڕۆژئاواو لەوێ بەئەنجامدانی کاری تیرۆریستی وتەقاندنەوە تۆڵەی خۆیان  بکەنەوە.


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP