کۆچ لە سۆشیال میدیادا
کۆچ لە سۆشیال میدیادا ‌ راپۆرتی، عەلی كاشان‌ 5/10/2017
دوای بڵاوبوونەوەی هەواڵی کۆچی دوای مام جەلال، تەواوی تۆڕە کۆمەڵایەتیەکان بەوێنەی سەرۆک مام جەلال و هاوخەمی و ماتەمینی پڕکرایەوە، بەڕادەیەک ئەگەر سەیری بکەیت سەرتاپا وێنەی سەرۆک مام جەلالەو هەریەکە بەشێوەیەک هاوخەمی خۆی دەردەبڕێت بۆ ئەو کۆستە گەورەیە.

شانازی میللەتێک
د.لوئه‌ی جاف دەڵێت «روحت شاد بێت مامی گەورە و مامی میللەت .. رێبازەکەت لە ئازادی و دیموکراسی و مافی چارەی خۆنووسین بەردەوامی هەیە و بەردەوام دەبێت .. ماڵئاوا مامی گەورە، میللەتەکەت تا مابێت شانازیت پێوە دەکات».
مامۆستایەکی زانکۆ کۆچی دوای مام جەلال بە زیانێکی گەورە بۆ گەلی کورد دەزانێت، مه‌غدید سه‌پان نوسیویەتی: «کۆچی دوایی مام جەلال، زیانێكی گەورەبوو لە ئێمەی کورد کەوت، بەڵام لەوکاتەی بیر لە خەبات و تێکۆشانی مام دەکەینەوە، بیر لەو ژیانە دەوڵەمەندەی مام دەکەینەوە، هەموومان شانازی پێوەدەکەین، بەتایبەتیش لەوکاتەی وەک سەرۆک کۆماری ئێراقی فیدرال دەستبەکاربوو. مام جەلال، ڕووێکی زۆر جوانی کورد و کوردەواری پیشانی وڵاتانی دراوسێ و جیهاندا، بە کردەوە سەلماندی، ئەگەر کورد بژی، وەک چۆن کورد خۆی دەیەوێ، نموونەیەکی جوانی پێکەوە ژیان و دیموکراتی پیشانی جیهان دەدا. 
هەزاران هەزار سڵاو لە روحی پاکت... تۆ کۆچی یەکجارەکیت کرد، بەڵام ڕێبازێکی جوان و مەدرەسەیەکی پتەوی کوردایەتیت بۆ نەوەکانی داهاتوو جێهێشت».

گەشبین بوو
ئیسماعیل حه‌مه‌ ئه‌مین نوسیویەتی : تاڵه‌بانی پیاوێكی گه‌شبین تا دواڕۆژی ته‌مه‌نی؛ دووجار له‌گه‌ڵ مام جه‌لالدا كه‌ گه‌نج بووم و كاری سیاسیم ده‌كرد دانیشتووم، جارێكیان دوو كاژێر و جارێكیتر زێتر له‌ سێ كاژێر. هه‌ردوو جاره‌كه‌ ئه‌وه‌ی له‌و پیاوه‌وه‌ فێری ده‌بیت و هه‌ست به‌تیشكدانه‌وه‌ی ده‌كه‌یت؛ گه‌شبینییه‌، له‌ساته‌ هه‌ره‌ سه‌خته‌كانی ژیاندا گه‌شبین بوو. مام جه‌لال له‌وشه‌ی نائومێدی تێنه‌ده‌گه‌یشت و تێگه‌یشتنی بۆی نه‌بوو. له‌زه‌مه‌نی شه‌ڕ و گه‌مارۆ و ڕاپه‌ڕین و هه‌موو ساته‌كاندا له‌شاخیشدا، ئه‌و پڕ بوو‌ له‌گه‌شبینی و بڕوابوون به‌ دواڕۆژ ...غه‌مبارم به‌كۆچی مام جه‌لال.

فه‌رهاد چۆمانی شاعیرو رۆماننووس لەپۆستێکی فەیسبووکیدا نوسیویەتی «تا تۆ مابووی و سەردار بوویت، هێندە کرێت و ناشرین نەبوو بوو ڕوخساری کورد. تێناگەیشتم سیاسەت چۆن بەم هەموو خەندە و پێکەنینەوە دەکرا. ئەو هەموو سەرەت چۆن لەو مەجەڵەی عێراقدا تەبا و سەڵا بەیەکەوە کۆدەکردەوە، دانووی ئەو هەموو گەنمە جیاوازانەی پەرێزی بەیار و بەراوی کوردستانت چۆن دەکوڵاندن. تۆ کە هەمیشە بۆنی گەنم و هەڵمی نان و ئومێدی داهاتوو و گەشبینیت لێ دەهات. تۆ لەدوای هەر چاوخوراندنێکی ژێر چاویلکە ئاسۆیەکی دوورترت دەبینی. تا بڵێی خەمگینم بۆت مامی مە.»

پیاوە مەزنەکە
توانا حه‌مه‌ موزیکسان ماڵئاوای دەکات و بە پیاوی مەزنی وڵات وەسفی دەکات:
ماڵئاوا پیاوە مەزنەکەی ووڵات..
تاکە سەرکردە کە لە مانا و گرنگی گەشەپێدانی کەلتوور و ھونەر دەگەیشت. ئەو پیاوەی لە شاخدا لە دژی ووشەی (شایەر و لۆتی) وەستایەوە و دروشمی: «نان، ئازادی بۆھونەرمەندانوڕۆشنبیران»ی بەرز کردەوە. ئەو پیاوەی تەنھا بە نوکتەو قسە خۆشەکانی ووڵاتی دەبرد بەڕێوە و ئاوی بە ھەزاران ئاگری گەورەی شەڕی تایفی و نەتەوەی و ناوخۆییدا دەکرد .
ماڵئاوا.. ماڵئاوا.. ڕۆحت شاد..

ئارام مام عوسمان ماڵئاوای دەکات و دەڵێت: مالئاوا سەرۆک، تۆ گەوهەری دیبلۆماسیەت و رەمزی سیاسەت و هیمای خەباتی میللەتیک بوویت، کۆجی دوایت دلگرانی کردین، دلنیاین لەخیابی تۆ هیج شتیک وەک خۆی نابیتەوە.
تەنها کورد خەمبار نەبووە
خەمی لەدەستدانی مام بەڕادەیەک گەورەیە نەک تەنها کورد بەڵکو ڤیکتۆریا رۆڤیرا
 کە رۆژنامەنوسێکی ئیسپانی لە پۆستێکی فەیسبوکیدا نوسیویەتی «بەداخم بۆ هاوڕێ کوردەکانم و لەدەستدانی سەرکردەکەیان».
حاجی ئەرگوشی دەڵێت «به داخه وه بو كوچی دوایت مامه گیان .. اناالله واناالیه الراجعون».
سۆز محەممەد بە دەربڕینی خەمەوە لە فەیسبووکەکەی لەگەڵ وێنەیەکی سەرۆک مام جەلال دەڵێت «زۆر بەداخەوە هەواڵێکی زۆر ناخۆش بوو».
سیدۆ داود نوسیویەتی: بە هەر نرخێک بوو خۆی گەیاندە ئەو ئاستە، ماکیاڤیلی بما، بێگومان شەهریاری پێشکەشی تۆ دەکرد!
وە هەر بە خاتری ئەم تێگەیشتنەمە کە پێم وایە کورد دوای نەمانی تۆ هەر لە رۆژی نەخۆش کەوتنتەوە کەلێنێکی گەورەی دیپلۆماتیکی تێ کەوت.!

عومەر حەسەنی رۆژنامەنووس بە مردنی گەلێکی وەسف دەکات و دەڵێت:
بەم ئێوارەی پایزە
بۆكوێ ئەڕۆی مامی گەورە.... هەستەوە گەورەم 
مردنی تۆ مردنی گەلێكە...

هۆشیار سالح نوسیویەتی «ماڵئاوا پیاوی گەورە». 
ژیمان محەمەد باسی ترسی خۆی لە پایز دەکات و نوسیویەتی:
هەمیشە لە ھاتنی پایز و مانگی ١٠ ئەترسم 
ھەمیشە خەمەکانی من لەگەڵ ئەم مانگە بووە 
بەس نەم زانی ئەم ساڵ خەمەکە وا گەورە ئەبێت

ژوان عوسمان لە تێکستێکی ئینگلیزیدا دەلێت : من زۆر بەداخم بۆ لەدەستدانی باوکی وڵاتەکەم، رۆحت شاد مامە گیان، کوردستان وەک جاران نامێنێ بێ تۆ. خۆری وڵات ئاوابوو...
موراد تاهیری یاساناس دەلێت» دەمێکبوو لەم رۆژە دەترسام، سلێمانی و کوردستان بی مام چۆڵن».

مەستان ئیحسان لەگەڵ وێنەیەکی سەرۆکدا نوسیویەتی :
بەداخەوە كورد بۆی نەنوسراوە دڵخۆش بێت
جێگەت بەهەشت بێت یاخوا مامی گەور

هاوکار عەلی لەسەر وێنەیەکی مام جەلال لەگەڵ سەرکردە کوردەکان دەڵێت « کورد چی لەدەستدا».

مێژویەکی مەزن
بەهەمانشێوەی فەیسبووک تۆڕی کۆمەڵایەتی تویتەریش پرسەی پێوە دیارەو زۆرێک لە تویتەکان بۆ ئەو خەمە گەورەیەیەو جەندین هاشتاگی تاڵەبانی و مام جەلال دانراوە، بەڵام جیاواز لە فەیسبووک زۆربەی تویتەکان بە زمانی ئینگلیزییە، ئیمان ئیبراهیم لەتویتێکدا دەلیت» رۆحت شاد سەرکردە مێژوویەکەو یەکەمی سەرۆک کۆماری کوردی عیراق، تۆ دەڕۆی بەڵام بیروباوەڕت دەمێنێتەوە».
هەروەها د.روەیدا مستەفا سیاسەتمەدار و نوسەری کتێبێک لەبارەی کوردستان لە تویتەکەیدا دەڵێت: لەدەستدانێکی گەورەبوو بۆ کوردو لەم کاتە مەزنە قورسەدا، مام جەلالی ئازیز بیرت دەکەین.
لاوێن ئازاد لەتویتەکەیدا نوسیویەتی « هەموو کەس چاو بەگریانە، مام جەلال ماوەیەکە دورکەوتۆتەوە، بەڵام مردنەکەی هەموومانی شۆک کرد، پیاوێکی مەزن لەگەڵ مێژوویەکی مەزن.
ئەمیر ئاشور نوسیویەتی: یەکێک لەو چەند سەرکردە راستەقینانەی کورد و کلیلی ئاشتی هەرێمی کوردستان و عیراق کۆچی دوای کرد، لەدەستدانێکی گەورەیە.


ناو:  
ئیمه‌یل:    
سه‌رنج:  

#7394
19/10/2017
ئه‌رشیف
وه‌رزش
‌ ئیتالیا مه‌ترسی گه‌وره‌ی سه‌رنه‌كه‌وتنی بۆ مۆندیال له‌سه‌ره‌ 19/10/2017
‌ رۆناڵدۆ زیندانی دەکرێت؟ 19/10/2017
زانست
‌ هه‌سارۆكه‌یه‌ك سڵاوی له‌ زه‌وی كرد و رۆیشت 19/10/2017
‌ چه‌ند خۆراكێكی گرنگ بۆ وه‌رزی پایز 19/10/2017
‌ كاریگه‌ری‌ ته‌له‌فزیۆن له‌ دروستكردنی‌ ترس لای‌ بینه‌ر 19/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP