بەریتانیا نهێنییەكانی سەدام ئاشكرا دەكات
بەریتانیا نهێنییەكانی سەدام ئاشكرا دەكات ‌ 9/1/2017
لەدوای چەندین ساڵ لە بەنهێنی هێشتنەوەی حكومەتی بەریتانیا چەند بەڵگەنامەیەكی بڵاكردەوە كە تیایدا چەندین نهێنی جەنگی كوێتی ساڵی 1990و مامەڵەی وڵاتان لەگەڵ رژێمی سەدام حسێن ئاشكرا دەكات بە هۆی داگیركردنی كوێتەوە.  

سەدام هەوڵیداوە بەرتیل بدات بە حوسنی موبارەك
بە پێێ بەڵگەنامەكان سەدام حسێن هەوڵیداوە بەرتیل بدات بە حوسنی موبارەك سەرۆكی پێشوتری میسر و بۆ ئەو مەبەستەش بە عەلی عەبدوڵڵا ساڵح سەرۆكی پێشووی یەمەن و بڕی 25 ملیۆن دۆلاری بۆ ناردووە تا لە هەڵوێستە دژەكانی پەشیمان بێتەوە سەبارەت بە داگیركردنی كوێت لە لایەن رژێمی بەعسەوە.
هاوكات لە بەڵگەنامەكاندا ئەوەش ئاشكرابووە كە كێشە كەوتۆتە نێوان زۆرێك لە سەركردە عەرەبەكانی ئەوكاتەوە لەسەر دۆسیەی داگیركردنی كوێت لە ساڵی 1990داو قسەشیان بە یەكتر وتووە و حوسنی موبارەك هێرشی توندی كردۆتە سەر عەلی عەبدوڵڵا ساڵح و رەخنەشی لە شا حسێن پادشای ئەو كاتەی ئوردون گرتووە كە بێدەنگە لە سەر ئەو پرسە.

بەبێ هێز لە كوێت ناچێتە دەر
لەمیانەی وتوێژێكیدا لەگەڵ بریتانییەكان، حوسنی موبارەك وتویەتی، سەدام دوای ئەو خەونە كەوتووە كە عێراق بكاتە دەوڵەتێكی بەهێزی هەرێمی و بەبێ هێز لە كوێت ناچێتە دەر.
بەپێی ئەو بەڵگەنامانەی بەریتانیا ناكۆكی هەبووە لە نێوان شا حسێن و  شا حەسەنی برای و  جێنشینی لەسەر پرسی داگیركردنی كوێت لە لایەن سەدامەوە‌و شا حسێن نەیویستووە لایەنێك بێت لە كێشەكە بەڵكو رۆڵی نێوەندگیر ببینێت، بە پێچەوانەی شا حەسەنی برایەوە كە زیاتر لە هەڵوێستی وڵاتانی كەنداوەوە نزیك بووە بۆ گوشار خستنە سەر سەدام.
لەیەكێك لە بەڵگەنامەكاندا هاتووە، سەرۆكی پێشوی یەمەن بە دۆگلاس هێرد وەزیری دەرەوەی بەریتانیای وتوە كە سەدام هیچی لە ژاپۆنییەكان زیاتر نەكردووە كە لە جەنگی جیهانی دووەمدا كردیان و وەزیرە بەریتانیەكەش وەڵامی داوەتەوە كە ژاپۆنییەكان ئەو كارەیان كرد بەڵام چارەنووسیان كوشتن و دەستگیركردن بووە.

پێویستە پاساوی یاسایی بدۆزنەوە 
ئەو كات مارگرێت تاچەر سەرۆك وەزیرانی بەریتانیا بەپێی بەڵگەنامەكان بە حكومەتی ئەمریكای وتووە، پێویستە پاساوی یاسایی بدۆزنەوە بۆ هێرشكردنە سەر سوپای عێراق و ناچاری بكەین لە كوێت بكشێتەوە و وتووشێتی، سەدام لە كوێت ناكشێتەوە تا هەڵی نەیەینە دەرەوە و ئەگەر ئێمەش هێرش نەكەینە سەری، ئیسرائیل هێرش دەكاتە سەری.


ناو:  
ئیمه‌یل:    
سه‌رنج:  

#7301
23/6/2017
ئه‌رشیف
وه‌رزش
‌ یۆرۆی لاوان 22/6/2017
‌ رۆناڵدۆ كه‌ی ده‌چێته‌ دادگا؟ 22/6/2017
زانست
‌ دروستبوونی ورگ و هۆكار و چاره‌سه‌ر 22/6/2017
‌ دۆزینه‌وه‌یه‌كی سه‌رنجڕاكێش له‌ پیرۆ 22/6/2017
‌ ناسا : له‌ خۆر نزیك ده‌بێته‌وه‌ 22/6/2017

© 2009 KURDISTANY NWE, All RIGHTS RESERVED. | CREATED BY AVESTA GROUP