لە كۆی 7100 زمان،2500 دانەیان هەڕەشەیان لەسەرە
لە كۆی 7100 زمان،2500 دانەیان هەڕەشەیان لەسەرە ‌ 19/5/2017
دیاری هەركی
لە كۆی 7100 زمان كە مرۆڤ لە ناوچە جیاجیاكانی جیهان قسەیان پێدەكات، نزیكەی 2500 دانەیان هەڕەشەی لەناوچوونیان لەسەرە.
بە پێی داتا و زانیارییەكانی نەتەوە یەكگرتووەكان، لە سەدەی 15 دا مرۆڤایەتی خاوەنی 15 هەزار زمانی ئاخاوتنی جیاواز بووە، بەڵام بە هۆی شەڕ و كۆمەڵكوژی و سیاسەتەكانی پاكتاوكردن، نیوەی ئەو ژمارەیە لە ناوچوون.
ئێستاش كە ساڵی 2017 یە، مرۆڤایەتی خاوەنی 7100 زمانە، ئێستاش نزیكەی سێ یەكی، یان 2500 زمانیان هەڕەشەی لەناوچوونیان لەسەرە.
بە پێی ئەو داتایانە، هەندێك زمان سنووری بەكارهێنان و ژمارەی بەكارهێنەرانیان زۆر بچوك و كەم بۆتەوە. زمان هەیە لە ناوچەیەكی بچوكی دیاریكراودا بەكاردێت و 100 هەزار كەس بەكاریدەهێنن، تەناتەت زمان هەیە تەنها نزیكەی دوو هەزار كەس بەكاریدەهێنن.
نەتەوە یەكگرتووەكان شیكاری و لێكدانەوەی جیاجیای بۆ زمانەكانی مرۆڤایەتی كردووە و پێی وایە، 80%ی زمانەكان كە ئێستا لە ناوچە جیاجیاكاندا بەكاردێن، هەڕەشەی لەناوچوونیان لەسەرە.
ئاماژەشی كردووە، زمانە زۆر بەربڵاوەكانیش بریتین لە زمانی ماندەرینی چینی كە پلەی یەكەمی هەیە. بە دوایدا زمانی ئیسپانی و پاشان ئینگلیزی و دواتر زمانی عەرەبی دێت. 
زمانی ماندەرین زمانی رەسمی هەردوو وڵاتی تایوان و چینە. هەروەك یەكێكیشە لە زمانە سەرەكییە بەكارهێنراوەكان لە برۆنای و كەنەدا و مالیزیا و نیوزیلاند و سەنگاپورە و ڤێتنام.
زمانی ئیسپانی، زمانی رەسمییە لە ئیسپانیا، ئەرجەنتین، پۆلیڤیا، چیلی، كۆڵۆمبیا و كۆستەریكا و كوبا و دۆمینیكان و ئیكوادۆر و سلڤادۆر و گینیا و گواتیمالا و هندۆراس و مەكسیك و نیكاراگوا و پاراگوای و پیرۆ و ئۆرگوای و فەنزویلا، هەروەك زمانی ناوچەییە لە سویسرا و ترینیداد و توباگو و ئەمریكا و كەنەدا.
هەروەك زمانی ئینگلیزی، زمانی رەسمیییە لە بەریتانیا، ئەنتیگوا بەربودا، ئوسترالیا، بەربادوس، بوتسوانا، كەنەدا و دومینیكا و ئەریتیریا، فیجی و گامبیا و گرینادا و ئیرلەندا و جامایكا و كینیا و كیریباتی و لیبیریا و ملاوی و دوورگەكانی ماڵدیف و ماڵتا و دوورگەكانی مارشاڵ و موروچیوس و میكرۆنیزیا و نامبیا و نیوزیلاند و نەیجیریا و بالاو و دوورگەكانی سانت كیتس و سانت لوسیا و رواندا و سیشیل و سیرالیون و باشووری سودان و سوازیلاند و تونگا و توفالوا و ئۆگەندا و فانواتو و زامبیا و زیمبابۆی و لە ویلایەتە یەكگرتووەكانی ئەمریكاش زمانی ئەمری واقیعە.
سەرەڕای ئەو وڵاتانە، زمانی ئینگلیزی، بە زمانی جیهان دادەنرێت، چونكە زۆربەی هەر زۆری وڵاتانی جیهان كار بەو زمانە دەكەن، بە تایبەتی لە بوارەكانی پەروەردە و خوێندنی باڵا و بزنس و بازرگانی.
ئەمەش لە كاتێكدایە، زمانی عەرەبی، زمانی رەسمییە لە وڵاتانی جەزائیر، لیبیا، موریتانیا، تونس و بەحرێن، كوێت و عومان و قەتەر و سعودیە و ئیمارات و یەمەن و چاد و سۆماڵ و جیبۆتی و ئەریتیریا و دوورگەكانی قەمەر و میسر و سودان و فەلەستین و ئوردن و لوبنان و سوریا و عیراق.
هەروەك، زمانی عەرەبی، زمانی ناوچەیی لۆكاڵییە لە ئوسترالیا و كەنەدا و قوبرس و ئێران و پەنەما و باشووری سودان و ئیسرائیل و تەنزانیا.
بە دوای ئەو زمانانەشدا زمانی فەرەنسی دێت كە زمانی رەسمییە لە وڵاتانی فەرەنسا و بەلجیكا و بەنین و بۆركینا فاسۆ و كەنەدا و ئەفریقای ناوەڕاست و چاد و دوورگەكانی قەمەر و كۆنگۆی دیموكرات، كۆت دیڤوار و گینیای ئیستیوایی و گابون و گینیا و هاییتی و لوكسەمبۆرگ و مەدگەشكەر و مالی و مۆناكۆ و نەیجەر و رواندا.
هەروەك بە شێوەیەكی بەربڵاو لە جەزائیر و تونس و ئەندۆرا و ئەرجەنتین و دۆمینیكا و گرینادا و گینیا بیساو و فاتیكان و هەنگاریا و ئیتالیا و لاوس و موریتانیا و مەراكیش و نیوزیلاند، بەكاردێت.
بە دوای ئەو زمانانەشدا، زمانی توركی دێت كە ئەویش یەكێكە لە زمانە بەربڵاوەكان.
زمانی توركی، زمانی رەسمییە لە كۆماری توركیا و كۆماری باكووری قوبرس و ئازەربایجان. زمانی رەسمییە لە هەرێمی گاگاوزیا لە مۆڵدۆفا، زمانی كەمینەیە لە ئەلبانیا و نەمسا و بولگاریا و ئیدارەی قوبرسی رۆمی و كۆسۆڤۆ و رۆمانیا. هەروەك زمانی ناوچەیی توركمانەكانی عیراق و ئەفغانستان و ئۆزبەكستان و تەتەرستان و سوریا و ئێران.
هەروەها، زمانی رەسمیی ناوچەییە لە وڵاتانی توركمانستان و كازاخستان و قرغیزستان و هەرێمی توركمانستانی خۆرهەڵات لە چین، هەرێمە فیدراڵییەكانی تەتەرستان و باشكورستان و داغستان لە روسیای فیدراڵ.


ناو:  
ئیمه‌یل:    
سه‌رنج:  

#7367
19/9/2017
ئه‌رشیف
وه‌رزش
‌ ئایا شه‌ڕی ئه‌ستێره‌كان له‌ پاریس سانجێرمان ده‌ستیپێكرد؟ 19/9/2017
‌ نه‌فرەتی خیتافی به‌رده‌وامه‌ 19/9/2017
زانست
‌ كاسینی شۆڕشێك له‌ زانیاری ده‌رباره‌ی زوحه‌ل 19/9/2017
‌ رۆبۆته‌كان ده‌بنه‌ جووتیار 19/9/2017
‌ لە هەر ١٠ كەسێك، یەكێكیان خواردنی پێویستی نییە 18/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP