بەرەی پۆلیساریۆ: هەموو ئەگەرێك لە ئارادایـە بۆ بەدەستهێنانی مافی چارەی خۆنووسین
بەرەی پۆلیساریۆ: هەموو ئەگەرێك لە ئارادایـە بۆ بەدەستهێنانی مافی چارەی خۆنووسین ‌ 9/2/2017
لە عەرەبییەوە: شۆڕش حەمید
ئەمینداری گشتی بەرەی پۆلیساریۆ ئاشكرایكرد، هەموو ئەگەرێك لە ئارادایە بۆ بەدەستهێنانی مافی چارەی خۆنووسین لە بیابانی خۆرئاوا، هەروەها مەغریب‌و فەرەنساو ئەنجومەنی ئاسایشی نێودەوڵەتی بە كۆسپ لەقەڵەمدا لەبەردەم بەدەستهێنانی ئەو مافە رەوایەی دانیشتوانی بیابانی خۆرئاوادا.
بە ئاشتی چارەسەركردنی كێشەكان
ئیبراهیم غالی ئەمینداری گشتی بەرەی پۆلیساریۆ لە بیابانی مەغریب، دوای گەڕانەوەی لە سەردانێكی بۆ یەكێتیی ئەفریقا، لە چاوپێكەوتنێكیدا لەگەڵ ئاژانسی فرانس پرێس رایگەیاند: ئێمە نەتەوەیەكی ئاشتیخوازین‌و ماوەی 26 ساڵە چاوەڕوانین تا بە ئاشتی پرسەكانی پەیوەست بە مافە رەواكانمان چارەسەربكەین‌و بە مافی چارەنووسی خۆمان شادبین، هۆكاری درێژەكێشانی ئەو ماوە دورودرێژەشی گەڕانەوە بۆ هەوڵەكانی مەغریب‌و لە ئەستۆنەگرتنی بەرپرسیارێتی ئەنجومەنی ئاسایشی نێودەوڵەتی لەو هەنگاوانەی پێویستە بۆ كۆتایهێنان بەو پرسە بیگرێتەبەر، ئاماژەی بۆئەوەشكرد لەوەها قۆناغێكدا هەموو ئەگەرێكیان لەبەردەمدایە بۆ ئەوەی هانای بۆ بەرن، تا بە مافی چارەی خۆنووسین شادبن كە ساڵەهای ساڵە خەباتی بۆئەكەن.
لەوەڵامی پرسیارێكیشدا سەبارەت بەوەی كە ئەگەر ناچاربكرێن بۆ بەدەستهێنانی ئەو مافە پەنا بۆ چەك ببەن، هەڵوێستیان چۆن‌و چی دەبێت؟، غالی وتی: هەموو بژاردەیەكمان لەبەردەمدا كراوەیە، ئەوەشی رەتكردەوە كە ئەو هەنگاوەیان هەڕەشە بێت، یاخود ناخوازن كە ئەو وشیە بەكاربهێنن، وتیشی: بەڵام هەموو رێگایەك دەگرینەبەر تا گەیشتن بە خواست‌و ئامانجەكانی خەڵكی بیابانی خۆرئاوا.
سەرزەنشتی نەیارانی پڕۆسەكە
لەلایەكی ترەوە ئیبراهیم غالی ئەمینداری گشتی بەرەی پۆلیساریۆ لە بیایبانی مەغریب، بەتوندی سەركۆنەی هەڵوێستەكانی فەرەنسای كرد لەبەرامبەر ناكۆكییەكانی خەڵكی ناوچەكەی لەگەڵ وڵاتی مەغریبدا.
راشیگەیاند: فەرەنسا لە خەبات‌و هەوڵ‌و كۆششی 20 ساڵەی دانیشتوانی بیابانی خۆرئاوا ئاگادارە، بۆیە بە هیوا بووین كە سیاسەتی فەرەنسا لەبەرچاوگرتنی بە ئاشتی چارەسەركردنی پرسی میللەتەكەمان بوایە، بەتایبەتی كە فەرەنسا سەرچاوەیەكی گەشە بۆ داكۆكیكردن لەو گەلانەی تا ئێستا بە مافەكانیان نەگەیشتوون‌و مافی چارەی خۆنووسینیان لێ زەوتكراوە لەنێویاندا گەلی بیابانی خۆرئاوا.
ئەمینداری گشتی بەرەی پۆلیساریۆ ئەوەشی ئاشكراكرد، «فەرنسا كۆسپ‌و ئاستەنگی دروستكردووە لە ئەنجومەنی ئاسایش بەوەی مافی ڤیتۆی بەكارهێناوە لەدژی هەر بڕیارێك كە بریتی بێت لە رەخنەو سەركۆنەكردنی سیاسەتەكانی مەغریب لەبەرامبەر بەرەی پۆلیساریۆ، كە مەغریب مافەكانی مرۆڤی پێشێلكردووە بەتایبەتی لە بیابانی خۆرئاوا»، هیواشیخواست، فەرەنسا پابەندبێت بە بنەما سەرەكییەكانی بڕیارەكانی كۆمەڵی نێودەوڵەتی تایبەت بە دیاریكردنی مافی چارەنووسی ئەو گەلانەی كە تا ئێستا لە مافەكانیان بێ بەشن، بەتایبەتی كە فەرەنسا بۆ خۆی ئەندامی هەمیشەیی ئەنجومەنی ئاسایشی نێودەوڵەتییە.
مافی چارەی خۆنووسین بۆ خەڵكی ناوچەكە
  ئیبراهیم غالی بە فرانس پرێسی راگەیاندووە: سەرباری ئەوەی مەغریب ئەندامە لە یەكێتی ئەفریقادا، بەڵام تا ئێستا پابەند نییە بە رێكەوتننامەی پەیوەست بە دامەزراندنی یەكێتییەكەوە، كە لە بڕگەیەكیدا ئاماژە بۆ ئەوەكراوە، حكومەتی ریبات پابەندبكرێت بە رێزگرتن لە سەروەری سنووری نێودەوڵەتی دانپێدانراوی كۆماری عەرەبی دیموكراتیی بیابانی خۆرئاوا.
ئەوەشی خستەڕوو كە لە ساڵی 1984ەوە ئەوە یەكەم جارە مەغریب دەگەڕێتەوە بۆ یەكێتیی ئەفریقا، پاش ئەوەی لەو ساڵەدا بەهۆی داننانی یەكێتیی ئەفریقا بەو كۆماری بیابانی خۆرئاوایەدا، ریبات پاشەكشێی لە یەكێتییەكەدا كردبوو، ئاماژەی بۆ ئەوەشكرد كە تا ئێستا كێشەی بیابانی خۆرئاوا یەكێكە  لە هۆكارەكانی ئاڵۆزی پەیوەندی نێوان جەزائیرو مەغریب، كە لەو كاتەدا واتا ساڵی 1991 ئاگربەست لەنێوان بەرەی پۆلیساریۆو مەغریب راگەیەنرا دوای زیاتر لە 16 ساڵەی جەنگی نێوانیان، پاشان نێردراوی نەتەوە یەكگرتووەكان لەساڵی 1991ەوە چاودێری ئەو ئاگربەستەی نێوان ئەو دوو لایەنە ناكۆكە دەكات‌و خەڵكی بیابانی خۆرئاواش لە چاوەڕوانی بەدەستهێنانی مافی چارەی خۆنووسیندان.
 مەغریب لە ساڵی 1975دا دەستیگرت بەسەر بیابانی خۆرئاوادا، كە پێشتر لەلایەن ئیسپانیاوە دەستی بەسەردا گیرابوون دواتر مەغریب پێشنیازیكرد كە بیابانی خۆرئاوا بەشێكی دانەبڕاو بێت لە خاكی وڵاتەكەی‌و مافی «ئۆتۆنۆمی» بەخەڵكی ولاتەكەی ببەخشرێت، بەڵام بەرەی پۆلیساریۆ لەو كاتەوە ئەو داوایەی حكومەتی ریبات رەتدەكاتەوەو بە پشتیوانیی جەزائیر هەموو تواناكانی خۆی خستۆتەگەڕ بۆ بەدەستهێنانی مافی چارەی خۆنووسین بۆ خەڵكی ناوچەكە.
سەرچاوە:*ئاژانسی فرانس پرێس


ناو:  
ئیمه‌یل:    
سه‌رنج:  

#7204
26/2/2017
ئه‌رشیف
وه‌رزش
‌ نه‌ورۆز، شیروانه‌، كه‌ركوك، پ.هه‌ولێر بۆ چوارگۆشه‌ی زێڕین 26/2/2017
‌ پێكانه‌كه‌ی‌ كازۆرلا تا كۆتایی وه‌رز درێژه‌ی ده‌بێت 26/2/2017
زانست
‌ هۆكاری خه‌وتنی مرۆڤ و زینده‌وه‌رانی تر ئاشكرا بوو 22/2/2017
‌ میكانیزمێكی نوێ بۆ وه‌ستاندنی خوێنبه‌ربوونی مێشك 22/2/2017
‌ كونێكی ڕه‌ش له‌ گه‌له‌ ئه‌ستێره‌كه‌ماندا خۆی شاردووه‌ته‌وه‌ 22/2/2017

© 2009 KURDISTANY NWE, All RIGHTS RESERVED. | CREATED BY AVESTA GROUP