چه‌ند راستییه‌ك له‌باره‌ی‌ منداڵه‌ ونبووه‌كانی‌ هه‌ڵه‌بجه‌
چه‌ند راستییه‌ك له‌باره‌ی‌ منداڵه‌ ونبووه‌كانی‌ هه‌ڵه‌بجه‌ ‌ 15/7/2017
ڕوونكردنه‌وه‌یه‌ك له‌ سه‌نته‌ری(مایكرۆجین)-ه‌وه‌
ڕوونكردنه‌وه‌ی سه‌نته‌ری(مایكرۆجین) له‌سه‌رلێدوانه‌كانی(هاوناز احمد) و پارێزه‌ره‌كه‌ی و سه‌رۆكی كۆمه‌ڵه‌ی قوربانیانی هه‌ڵه‌بجه‌ و وته‌بێژی وه‌زاره‌تی شه‌هیدان و ئه‌نفالكراوان سه‌باره‌ت به‌ منداڵه‌ ونبووه‌كانی هه‌ڵه‌بجه‌
له‌ 23/6/2017 ، له‌ ڕۆژنامه‌ی كوردستانی نوێدا ، له‌سه‌ر كه‌یسی لێسه‌ندنه‌وه‌ی ناسنامه‌ی باری شارستانی له‌ (هاوناز احمد)ڕێپۆرتاژێك بڵاو كرایه‌وه‌،به‌ناونیشانی(هاوناز احمد ده‌ڵێت:نازانم هاونازم یان مریه‌م،به‌ڵام دڵنیام هه‌ڵه‌بجه‌یم)!!!سه‌ره‌تا له‌ ناونیشانیرێپۆرتاژه‌كه‌وه‌ ده‌ستپێده‌كه‌ین:
1. خاتوو هاوناز؛ به‌دڵنیایه‌وه‌ ئه‌نجامی شیكاری (DNA) ی سه‌نته‌ری مایكرۆجین به‌ به‌رێزتان ده‌ڵیت: «تۆ كچی بایۆلۆجی خاتوو گێلاس ئه‌سكه‌نده‌ریت به‌ رێژه‌ی (99.65%)». ئه‌م ئه‌نجامه‌ رێژه‌یه‌كی ته‌واو په‌سه‌نده‌ له‌ڕووی زانستیه‌وه‌ بۆ ناسینه‌وه‌ی منداڵچ (كچ بێت یان كوڕ یان باوان یا خوێش. 
خۆ ئه‌گه‌ر ئه‌و رێژه‌یه‌ كه‌متربوایه‌ له‌ (99%)، مافی ئه‌وه‌ت ده‌بوو كه‌ دوو دڵ بوویتایه‌ له‌ ئه‌نجامی پشكنینه‌كان. ئه‌مه‌ له‌كاتێكدا، كه‌یسی دیكه‌ هه‌بووه‌ كه‌متر له‌ (98%) دراوه‌ته‌وه‌ده‌ست خاوه‌نی و كه‌سیش كێشه‌ی له‌سه‌ری نه‌بووه‌، چونكه‌ ئه‌وه‌ له‌ ده‌ره‌وه‌ی شار و وڵاتی خۆمان كراوه‌! ده‌نگی ده‌هۆڵ له‌دوره‌وه‌ خۆشه‌.
هه‌ر له‌سه‌ر ئه‌م بنه‌مازانسته‌ ستاندارده‌ جیهانیه‌ و پشتبه‌ستن به‌ ڕاپۆرتێكی تێرو ته‌سه‌لی سه‌نته‌ری مایكرۆجین، وه‌ك شاره‌زای دادوه‌ریی پێشكه‌ش كرد، دادگای باری كه‌سێتی هه‌ڵه‌بجه‌، ڕه‌گه‌زنامه‌ی عێراقی به‌خشیه‌ به‌رێزت. هه‌ركات دادگا بخوازێت هه‌موو به‌ڵگه‌ زانستیه‌كان ده‌خه‌ینه‌ڕوو.
2. سه‌باره‌ت به‌ لێدوانی سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه‌، (لوقمان عبدالقادر)، واده‌رده‌كه‌وێ بیه‌وێت شكستی خۆی بۆ كۆمه‌ڵه‌كه‌ی بخاته‌ سه‌ر شانی سه‌نته‌ری مایكرۆجین وئه‌ركباری بكات، بۆیه‌ ده‌ڵێت:(داوامانكردووه‌ پشكنینه‌كان له‌ ده‌ره‌وه‌ی وڵات بكرێن)!! دیاره‌ به‌ڕێزیان ئه‌وه‌یان له‌یاد كردووه‌ كه‌ پێشتر و چه‌ند جارێك پشكنینه‌كانیان له‌ده‌ره‌وه‌ی وڵات كردووه‌ . ئه‌ی بۆ ئه‌نجامه‌كانیان له‌كات و ساتی خۆیدا ئاشكرا نه‌كرد؟!!
بۆ بیرخستنه‌وه‌ی به‌رێزت، ئێوه‌ (كۆمه‌ڵه‌ی قوربانیان) بوون، هاتنبه‌فه‌رمی داواتان لێكردین كه‌ ئه‌و پشكنینانه‌ بكه‌ین و ئێمه‌ش زۆربه‌ سنگ فراوانیه‌وه‌ پێشوازیمان لێكردن و به‌وپه‌ری دڵسۆزی و له‌ خۆبردووییه‌وه‌ ئه‌ركی نیشتیمانی خۆمان بۆ هه‌ڵه‌بجه‌ی شه‌هید بێبه‌رامبه‌رجێبه‌جێكرد. لێره‌داكۆمه‌ڵه‌كه‌تان ده‌كه‌ین به‌ شاهێدحاڵ له‌سه‌ر چۆنیه‌تی كاركردنمان له‌ كه‌یسی منداڵه‌ وونبووه‌كان،تا به‌ ویژدانه‌وه‌ له‌سه‌ر شێوازی كاركردنمان بدوێن، به‌و پێیه‌ی كه‌ ئاگاداری ته‌واوی پرۆسه‌كه‌ بوون. نه‌ك له‌جیاتی شیرینی ژه‌هرمان بۆ بڕێژن!!!
پێویسته‌ ئه‌مه‌ش به‌ (كۆمه‌ڵه‌ی قوربانیانی كیمیابارانی هه‌ڵه‌بجه‌) بڵێین، هیچ جۆره‌ ئاماده‌كاریه‌كتان نه‌كردبوو له‌ڕووی نیشته‌جێبوون و كۆمه‌ڵایه‌تی و ده‌روونیه‌وه‌ هه‌تا ئه‌ممنداڵانه‌ به‌شێوه‌یه‌كی دروست و ته‌ندروست تێكه‌ڵاوی خێزانه‌كانیان بكرێنه‌وه‌، له‌كاتێكدا ئێوه‌ ته‌نها چاوه‌ڕێی ئه‌نجامی شیكاری (DNA) بوون و واتان ده‌زانی كه‌ ناسینه‌وه‌كه‌یان هه‌موو گرفته‌كان چاره‌سه‌ر ده‌كات.
نه‌ك ئه‌وه‌شتان نه‌كرد،  نه‌تانتوانی پاره‌ی تێچوونی پشكنینه‌كان دابین بكه‌ن، به‌ڵكو پاره‌ی كه‌ره‌سته‌ سه‌ره‌تایه‌كانی پشكنینه‌كانیشتان پێ دابین نه‌كرا. بۆیه‌ مایكرۆجین ئه‌و ئه‌ركه‌یشی دیسان بێبه‌رامبه‌ر خسته‌ ئه‌ستۆی خۆی. 
خۆتان ئاگادارن له‌لایه‌ن داده‌(هێرۆ) ه‌وه‌ بڕێك پاره‌ی باش بۆ پشكنینه‌كان دابینكرا، كه‌ نازانین چی به‌سه‌رهات!!!
جێی خۆیه‌تی لێره‌دا بپرسین، كه‌ بۆچی هیچ كه‌س و لایه‌نێ له‌سه‌ر  ئه‌وهه‌موو هه‌وڵ و ماندوبوون خه‌رجیانه‌ نه‌هاتنه‌ ده‌نگ كه‌ سه‌نته‌ری مایكرۆجین پێشكه‌شی كردووه‌؟!!! كه‌چی به‌رامبه‌ر ئه‌وانه‌، تانه‌و ته‌شه‌رو توانجی بێ بنه‌مای زانستیمان ئاراسته‌ ده‌كه‌ن!!!
زۆر به‌داخه‌وه‌، چاوه‌ڕێی ئه‌وه‌مان ده‌كرد كۆمه‌ڵه‌ی قوربانیان و هه‌ڵه‌بجه‌و هه‌ڵه‌بجه‌یه‌كان یه‌كه‌مین كه‌س ولایه‌ن بونایه‌ له‌سه‌ر ئێمه‌ بێنه‌ ده‌نگ. به‌ڵام له‌جیاتی وه‌فا، جه‌فامان وه‌رگرت.
3. به‌رێز ئه‌یاد كاكه‌یی (پارێزه‌ری هاوناز احمد)؛له‌چاوپێكه‌وتنه‌كه‌تدا ده‌ڵێیت:(هاوناز بێهیوایه‌ له‌ پشكنینه‌كان). ئێمه‌ش هاوڕاتین كه‌ هاونازله‌ پشكنینه‌كان بێهیواده‌بێت، چونكه‌ ده‌ره‌نجامی پشكنینی (DNA) یان ڕه‌شه‌ یان سپی یه‌، ڕێژه‌یه‌كی نه‌گۆڕه‌.به‌خواستی هیچ كه‌سێك نیه‌ ونابێبه‌ ئاره‌زووی خۆی هه‌ڵیبژێرێت سه‌ر به‌چی نه‌ژادو بنه‌ماڵه‌ و تیره‌یه‌كه‌.
كاكی پارێزه‌ر؛ ئایا ئه‌وه‌ت ده‌زانی كه‌پێش دۆزینه‌وه‌و به‌كارهێنانی زانستی (DNA) له‌ بواری دۆزینه‌وه‌ی كه‌سی وونبو و دیاریكردن و سه‌لماندنی نه‌ژاد (اپبات النسب) دا، یه‌كێك له‌بنه‌ما سه‌ره‌كیه‌كانی پێكه‌وه‌لكاندنه‌وه‌ی منداڵ بۆ بنه‌ماڵه‌كه‌ی، به‌پێی شه‌ریعه‌ت و یاسای باری كه‌سێتی، پشت به‌ زانستی لێكچوونی ڕووخسار (علم القیافه‌) ده‌به‌سترا. ئایا ڕه‌چاوی ئه‌م وێنه‌یه‌ت نه‌ كردووه‌ كه‌ هاوپێچ له‌م ڕاپۆرته‌دا دا نراوه‌؟! بفه‌رموون بۆ (وێنه‌ی هاوناز و براكه‌ی)،كه‌ به‌ته‌واوی زانستی لێكچوونی ڕووخساری به‌سه‌ردا جێبه‌جێ ده‌كرێت ئه‌گه‌ر مه‌به‌ستان بێت.
له‌وانه‌سه‌یرتر ئه‌وه‌یه‌ جه‌نابت ده‌ڵێیت: (ئه‌گه‌ر پشكنینه‌كان له‌ هه‌ولێر بكرێت ئه‌وا ڕاست ده‌رده‌چێت!!). به‌راستی له‌وه‌ تێناگه‌ین ئه‌بێت جیاوازی نێوان زانستی (DNA) له‌ سلێمانی یا هه‌ولێر چی بێ؟ بۆچی ده‌بێ پشكنینی (DNA) له‌ سلێمانی هه‌ڵه‌بێ و له‌ هه‌ولێر راست بێ؟ 
كه‌وابوو، ئه‌ی بۆچی یه‌كه‌م جار نه‌تان برده‌ سه‌نته‌ری (DNA) یه‌كه‌ی ناو زانكۆی هه‌ولێری پزیشكی كه‌ خودی (د. فه‌رهاد به‌رزنجی به‌ڕێوه‌به‌ری سه‌نته‌ری مایكرۆجین ) دایمه‌زراند؟ وه‌ هه‌موو به‌راییه‌كانی ئه‌و سه‌نته‌ره‌ی به‌ دۆكیۆمێنت لا پارێزراو، چۆن و له‌گه‌ل كێ ئه‌و سه‌نته‌ره‌ی كردۆته‌وه‌.
ئه‌و بێمتمانه‌ییه‌ی ئاماژه‌ی پێده‌كه‌یت نێوان هه‌ڵه‌بجه‌ییه‌كان و لیژنه‌ی منداڵه‌ ونبوه‌كان و پشكنینه‌كان ، بۆ ئه‌وه‌ ده‌گه‌رێته‌وه‌، زۆرێك له‌ ڕاگه‌یاندن و ڕاگه‌یاندكاره‌كانی ئه‌م هه‌رێمه‌ –به‌داخه‌وه‌ ته‌نها كاری وروژێنه‌رانه‌ ده‌كه‌ن، بێباكگراوندێكی زانستی ته‌واو ده‌كه‌ونه‌ ئاماده‌كردنی ڕاپۆرتی هه‌مه‌جۆری ئاڵۆسكاو و بێبنه‌ما، ته‌نها بۆ ڕه‌شكردنه‌وه‌ی ڕووی لاپه‌ڕه‌كان و بزواندنی هه‌ستی هاوڵاتیان، به‌بێ گه‌ڕاندنه‌وه‌ بۆ لایه‌نه‌ زانستیه‌كان، وه‌كو كه‌ لێره‌دا ده‌گوزه‌رێت. بۆ نمونه‌: هیچ كامێك له‌ ئێوه‌ی پارێزه‌ر،  كۆمه‌ڵه‌ی قوربانیان، پارێزگای هه‌ڵه‌بجه‌، ته‌نانه‌ت بنه‌ماڵه‌ی هاوناز و خودی هاونازیش نه‌هاتونه‌ته‌ سه‌نته‌ره‌كه‌مان هه‌تا له‌ ڕووی زانستیه‌وه‌ بۆتان روونبێته‌وه‌ ئه‌و پشكنینانه‌ چۆن كراون و چۆن ئه‌نجامه‌كانیان شیكاری كراون وه‌ چۆن مریه‌می ونبوو دۆزرایه‌وه‌؟!!!
ئه‌ی تۆی پارێزه‌ر بۆ ناپرسیت رێژه‌ی (99.65%) چۆن ده‌رچوو، بۆته‌ جێی پرسیار؟ له‌كاتێكدا دۆزینه‌وه‌ی منداڵانی وونبوی تر به‌ڕێژه‌ی كه‌متر له‌ (98%) باواڕ پێكراوه‌و نابێته‌ جێی پرسیار !!! هه‌ر هیچ نه‌بێت به‌ وردی گوێتان له‌ ڕاپۆرته‌كه‌ی ئه‌و ده‌زگا ڕاگه‌یاندنه‌ هه‌ڵه‌كاره‌ بگرتایه‌، كه‌ به‌رێزتان هه‌موو گومانه‌كانتان له‌سه‌ر ئه‌م ڕاپۆرته‌ هه‌ڕه‌مه‌كی و نازانستیه‌درووست كردوه‌.له‌كاتێكدا ئه‌و ڕاپۆرته‌ كه‌وتۆته‌ هه‌ڵه‌یه‌كی یاسایی و پیشه‌یی ڕاگه‌یاندنه‌وه‌.
ئایا ده‌زانی پارێزه‌ر پیویسته‌ زۆر به‌وردی به‌دواچوون بۆ داوا و دۆسیه‌كان بكات. بگره‌ پارێزه‌ر ده‌بێت دادوه‌رێكی جوڵاو (القچا‌و المتحرك) بێت،كاربكات. به‌نموونه‌: له‌یاسای عێراقیدا، ئه‌گه‌ر كه‌سێك له‌گه‌ڵ داواكراوێك دا ئه‌گه‌ر له‌ناوی چواره‌میدا جیاوازی هه‌بێت هیچ جۆره‌ به‌رپرسیاریه‌تییه‌كی ئاراسته‌ ناكرێت. ئه‌گه‌ر كه‌یسه‌كه‌یشی تیرۆر بێت. خێره‌ به‌رێزت به‌قسه‌ی ڕاگه‌یاندكارێك كه‌ به‌هه‌ڵه‌ له‌سه‌ر گۆڕی كه‌سێك به‌ناوی دووانی(هاوناز قادر) ه‌وه‌ قسه‌ ده‌كات و ده‌یكات به‌ (هاوناز احمد) و تۆ وه‌كو پارێزه‌رێك پشتی پێده‌به‌ستیت!!! خۆ ئه‌مه‌ له‌ناوی دووه‌مدا جیاوازه‌، نه‌ك ناوی چواری!!! بۆیه‌ به‌شێوازێكی یاسایی لێره‌دا داوا ده‌كه‌ین چاره‌نوسی ئه‌و گۆڕه‌ سا‌غ بكرێته‌وه‌ كه‌ هی كێیه‌ و كێی تێدایه‌.
4. به‌رێز وته‌بێژی وه‌زاره‌تی شه‌هیدان و ئه‌نفالكراوان (كاك فواد عوسمان)،پێده‌چێت جه‌نابتان له‌م كه‌یسه‌ی هاونازدا به‌هه‌ڵه‌ تێگه‌شتبێتن. بۆیه‌ مافی لێدوان و ڕوونكردنه‌وه‌ی بێ به‌ڵگه‌تان نییه‌. له‌به‌ر ئه‌م هۆكارانه‌:
1. وه‌زاره‌تی شه‌هیدان و ئه‌نفالكراوان دوای ئه‌وه‌ی كۆمه‌ڵێك پشكنینی له‌ده‌ره‌وه‌ی وڵات ئه‌نجامداو نه‌تانتوانی ئه‌نجامه‌كان بڵاوبكه‌نه‌وه‌، بۆیه‌ نه‌تانویست جارێكی دیكه‌ نه‌به‌هیمه‌ت نه‌به‌ قیمه‌ت خۆتان له‌ قه‌ره‌ی ئه‌م بابه‌ته‌ بده‌نه‌وه‌.
2. ئه‌نجامدانی پشكنینه‌كان له‌ سه‌نته‌ری مایكرۆجین، له‌سه‌ر داوای فه‌رمی كۆمه‌ڵه‌ی قوربانیانی كیمیابارانی هه‌ڵه‌بجه‌و لیژنه‌ی منداڵه‌ وونبوه‌كانی پارێزگای هه‌ڵه‌بجه‌ كراوه‌، كه‌ ته‌نها ئه‌ندامێكتان له‌ لیژنه‌كه‌دا هه‌بووه‌ ئه‌ویش له‌سه‌ر داوای (د. فه‌رهاد) بووه‌. بۆیه‌ جه‌نابت به‌ هیچ جۆرێك ئاگاداری ورده‌كاری پشكنینه‌كان و كاری لیژنه‌كه‌و سه‌نته‌ری مایكرۆجین نه‌بوویت، دڵنیاشین كه‌ تا چركه‌ساتی ئه‌م لێدوانه‌هیچ ڕاوێژێكت نه‌كردووه‌ به‌ (خاتوو په‌ری نوری به‌ڕێوه‌به‌ری گشتی گۆڕه‌به‌كۆمه‌ڵه‌كان/ وه‌زاره‌تی شه‌هیدان و ئه‌نفالكراوان) كه‌ نوێنه‌ری وه‌زاره‌ته‌كه‌تان بووه‌ له‌ لیژنه‌ی منداڵه‌ وونبوه‌كانی پارێزگای هه‌ڵه‌بجه‌.ئه‌گه‌ر ڕاوێژتان به‌ به‌ڕێزیان بكردایه‌، ئه‌م لێدوانه‌ت به‌م چه‌شنه‌ نه‌ده‌دا. چونكه‌ به‌ڕێزیان ئاگادارن كه‌ له‌ڕووی زانستی و مادی و مه‌عنه‌ویه‌وه‌، سه‌نته‌ری مایكرۆجین، چ جۆره‌ خزمه‌تێكی بێبه‌رامبه‌ری پێشكه‌ش كردوون. ئه‌گه‌ر ئاگاداری ئه‌مانه‌ بوویتایه‌، به‌م بێ منه‌تیه‌ قسه‌ت ده‌رنه‌ده‌په‌ڕاند.
3. كاری زانستی له‌ هه‌ولێر بكرێت یاخود سلێمانی یاخود ئه‌وروپاو ئه‌مریكا یان له‌هه‌ر جێگه‌یه‌كی تر بێت، به‌ پێوه‌ری زانستی هه‌ڵسه‌نگاندنی بۆ ده‌كرێت، نه‌وه‌كو به‌ پێوه‌ری هه‌ولێر و سلێمانی وه‌كو جه‌نابت باسی لێوه‌ ده‌كه‌یت. به‌ڕێز له‌قسه‌كانتا واده‌رده‌كه‌وێت كه‌ده‌ته‌وێ بڵێ ی (له‌به‌ر ئه‌وه‌ی پشكنینی (DNA) بۆ هاوناز له‌ سلێمانی زۆر هه‌ستیاره‌ بۆیه‌ قبوڵمان نیه‌، خۆ ئه‌گه‌ر له‌ هه‌ولێر بكرایه‌ قبوڵمان بوو)
4. سه‌باره‌ت به‌ داواكاریه‌كه‌ت بۆ كردنه‌وه‌ی سه‌نته‌رێكی (DNA) له‌ هه‌ولێر، به‌ تۆش و پارێزه‌ری ناوبراویش دوپاتده‌كه‌ینه‌وه‌ – وه‌ك پێشتر ئاماژه‌ی پێكرا - كه‌ سه‌نته‌ری (DNA) یه‌كه‌م جار له‌ هه‌ولێر بنیات نراو، هه‌ر له‌ لایه‌ن به‌رێوه‌به‌ری سه‌نته‌ری مایكرۆجین (د. فه‌رهاد به‌رزنجی) ه‌وه‌ دامه‌زرا. به‌ڵام  له‌ دوای ڕۆشتنی د. فه‌رهاده‌وه‌، ئه‌و سه‌نته‌ره‌ش ئیفلیج بووه‌. هه‌ربۆیه‌ پێویست به‌ كردنه‌وه‌ی سه‌نته‌ری دیكه‌ ناكات، چونكه‌ سه‌نته‌رێكی حازرو ئاماده‌ی حكومی هه‌یه‌. ئه‌ی بۆ له‌وێ نایكه‌ن؟ كێ ڕێی لێگرتوون؟!!
له‌ كۆتایدا:
سه‌رنجی هاوڵاتیانی به‌ڕێزو هه‌رێمی كوردستانی خۆشه‌ویست بۆئه‌وه‌ ڕاده‌كێشین؛ كه‌ سه‌نته‌ری مایكرۆجین؛ سه‌نته‌رێكی زانستی یه‌و به‌ ستانداردی جیهانی هاوچه‌رخ كارده‌كات. له‌ سه‌ر ئاستی ڕۆژهه‌ڵاتی ناوه‌راست و ئه‌وروپاو ئه‌مریكا پێگه‌یه‌كی تایبه‌ت به‌ خۆی هه‌یه‌و له‌ ئاستی كوردستان و عێراقیشدا سه‌نته‌رێكی بێوێنه‌یه‌. بۆیه‌ داوا له‌وبه‌ڕێزانه‌ ده‌كه‌ین جارێكی تر، تۆمه‌ت و تانه‌و ته‌شه‌ره‌ی بێ بنه‌ما بڵاو نه‌كه‌نه‌وه‌. پێویسته‌ ڕای گشتی چه‌واشه‌ نه‌كه‌ن و ڕاستیه‌كان وه‌كو خۆی بگاته‌ هاوڵاتیانی ئه‌م نیشتیمانه‌ و هه‌ڵوێستی دووفاقی نه‌نوێنن.به‌ڵكو پێویسته‌ ببنه‌ فاكته‌رێكی باش و پردی متمانه‌ بۆ ئاشنا كردنی هاونیشتیمانیانی ئه‌م وڵاته‌ به‌ زانستی تازه‌و سه‌رده‌میانه‌. چونكه‌ زانستی (DNA) زانستێكه‌ هه‌ڵه‌ قبووڵ ناكا. له‌كاتێكدا كه‌ ئێمه‌ی كورد، به‌هۆی هه‌موو ئه‌و كاره‌سات و نه‌هامه‌تیانه‌ی كه‌ به‌سه‌رماندا هاتووه‌ له‌( ئه‌نفالو كیمیاباران و كۆڕه‌ به‌كۆمه‌ڵه‌كان و جینۆسایدی ئێزیدیه‌كان و به‌رزانیه‌كان و...هتد)ئه‌وپه‌ڕی پێویستیمان به‌ زانستی تازه‌ی(DNA) هه‌یه‌ بۆ به‌نێوده‌وڵه‌تی كردن و به‌جینۆساید ناساندنی كه‌یسه‌كانمان.
نه‌ك ته‌نها هاوناز و خانه‌واده‌ به‌ڕێزه‌كه‌ی، به‌ڵكو كۆمه‌ڵانی خه‌ڵكی كوردستانیش له‌وه‌ دڵنیا بن كه‌ كێشه‌ی كه‌یسی هاوناز كێشه‌یه‌كی كۆمه‌ڵایه‌تی و یاساییه‌، له‌ڕووی زانستیه‌وه‌ هیچ هه‌ڵه‌یه‌ك له‌ پشكنینی كه‌یسی هاونازدا نه‌بووه‌. دواجاریش ده‌ڵێین: له‌ هه‌موو ئازارو نه‌هامه‌تیه‌كانی هاوناز و منداڵانی تری وه‌كو هاوناز تێده‌گه‌ین و خۆمان به‌ هاوبه‌شی ئازاره‌كانیان ده‌زانین. به‌ هاونازیش ده‌ڵێن تۆ خۆت ده‌تگووت «من كچی مایكرۆجین و د. فه‌رهادم» ئێمه‌ش وه‌كو كچی خۆمان و نه‌وه‌ی ئه‌م گه‌ل و خاكه‌ كارمان له‌سه‌ر كه‌یسه‌كه‌ت كردووه‌.


ناو:  
ئیمه‌یل:    
سه‌رنج:  

#7321
23/7/2017
ئه‌رشیف
وه‌رزش
‌ بۆڵت له‌ له‌نده‌ن به‌شداری 200 مه‌تر ناكات 23/7/2017
‌ بۆندێكی بۆ ماوه‌ی‌ 5 وه‌رز له‌گه‌ڵ چێڵسی ئیمزاكرد 23/7/2017
زانست
‌ بۆ گه‌رمای هاوین خواردنه‌وه‌ی ئاوی شله‌تێن باشه‌ 23/7/2017
‌ ته‌نه‌ ئاڵۆزه‌كانی گه‌ردوون، ئامانجی به‌ هێزترین ته‌لسكۆبی جیهانه‌ 23/7/2017
‌ دەریا: من و فۆتۆ و کامێرا هاوڕێی هەمیشەیین 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP