پەنابەرانی تورک پەیوەندی ئەڵمانیا و تورکیا گرژتر دەکەن
پەنابەرانی تورک پەیوەندی ئەڵمانیا و تورکیا گرژتر دەکەن ‌ ئامادەکردنی: بورهان ئەمین‌ 19/7/2017
لەدوای هەوڵی کودەتا شکستخواردوەکەی ساڵی ڕابردوی تورکیاو تێوەگلاندنی هەزاران هاوڵاتی تورکیا‌وگرتن‌ودەرکردن‌وڕاوەدونان‌وترساندن لەلایەن دەزگای میت‌ونهێنیەکانی تورکیا،هەزاران کەس لەوانە لەترسان‌وڵات بەجێدێڵن‌وخۆیان دەگەیەننە ئەڵمانیاو داوای مافی پەنابەرێتی دەکەن،کەیسی پێدانی مافی پەنابەرێتی بەو تورکە ڕاکردوانەی  سیاسەتی ئەردۆغان یەکێکە لەو دۆسیانەی کە پەیوەندیەکانی نێوان تورکیاو ئەڵمانیا خراپترکردووە.

هه‌ڵاتن له‌ تورکیا
بەپێی زانیاری دەزگای ڕۆژنامەوانی»فۆنکە»ی ئەڵمانی کە لەنوسینگەی یەکێتی کۆچ و پەنابەران دەستی کەوتوە لەدوای کودەتاکەوه‌،٢٠٩ دیپلۆمتکارو٢٠٥ بەرپرسی دەزگا جیاجیاکانی حکومەتی تورکیاوهەزاران کەسی تریش داوای مافی پەنابەرێتیان لە ئەڵمانیا کردوەو ژمارەیەکی زۆر لەوانە بەتایبەتیش ئەوانەی مەترسی لەسەر ژیان و گوزەرانیان هەبوە وەرگیراون‌و بە بەردەوامیش تورکەکان داوا پێشکەش دەکەن‌.

هه‌تادێت زۆرتر ده‌بن
 ئەو دیاردەیە هه‌تادێت زۆرتر دەبێت بۆنمونە لەساڵی ٢٠١٤ تەنها ١٨٠٠ داوای مافی پەنابەرێتیان کردبو بەڵام لەساڵی ٢٠١٥ بوە٤٦٠٠ کەسو لە٢٠١٦ بون بە٥٧٤٢ و ئەمساڵیش تائێستا زیاتر لە٣٠٠٠ کەس و لەوانە تاکۆتایی ئەمساڵ ئەو ژمارەیە دووقات بێتەوە.

زۆربه‌یان کوردن
ڕاپۆرتێکی ماڵپەڕی «شپیگل ئۆنلاینە» ئەوە ئاشکرا دەکات کەلە کۆی ئەو٥٧٠٠ هاوڵاتیە تورکیەی کە لە ٢٠١٦ هاتونەتە ئەڵمانیا ٤٤٠٠ یان کوردن و خەڵکی ناوچە کوردنشینەکانی تورکیان، چونکە ئەوان زیاتر لەوانی دی مەترسی لەسەر ژیانیان هەیە و ئەوانەی پەنا بۆ ئەڵمانیادەبەن زۆربەیان لە ١٣٠ هەزار کارمەندە دەرکراوانەن کە حکومەتی ئاکپارتی بەنزیکی لەڕێکخراوەکەی»فەتحوڵلا گویلەن» تۆمەتباری کردون و لە خۆیان دەترسن.

پاشه‌کشه‌ی دیموکراسی
لەمبارەیەوە «دیتر کیمبف» سەرۆکی یەکێتی پیشەوەرانی ئەڵمانی FDI بۆ ماڵپەڕەکە ڕایگەیاندوە: کە حکومەتی ئەردۆغان هەمیشە لەهەوڵی پاشەکشەی دیموکراسیدایە لە وڵاتەکەی و ئەمەش مەترسیە بۆسەر هەموولایەنەکانی ژیان و دەبێتە هۆی دواکەوتنی بواری پیشەسازی‌و کەمبونەوەی بایەخ بەو کەرتە گرنگەی تورکیا لەنێوەندە جیهانیەکاندابە تایبەتیش لەگەڵ ئەوروپا.ووتیشی: دەبێ بەرپرسانی ئەو وڵاتە درک بەوە بکەن کە وڵاتەکەیان بەبێ ئەوروپا ناتوانێت کێرڤی ئابوری خۆی بەرز بکاتەوە، ئەوەش پێویستی بەمتمانەو ئارامی‌وگەشەکردن هەیە، ئەوانەش لە کۆمەڵگەیەکی مەدەنی و دیموکراسی دێنەدی.

تێکچوونی په‌یوه‌ندی نێوانیان
شایانی باسە لەساڵی پارەوەو لەوکاتەی کەپەرلەمانی ئەڵمانیا کۆمەڵکوژی ئەرمەنەکانی لەساڵی ١٩١٧بەدەستی تورکەکان بەجینۆساید ناساند لەو کاتەوە پەیوەندی نێوان هەردوو وڵات تێکچوە، دواتریش کە کودەتاکە دەستیپێکرد حکومەتی تورکیا کەوتە ڕه‌شبگیرکردنی خەڵکی و٥٠ هەزار کەسی خستە زیندانەوە، هەروەها ١٠٠ هەزار فەرمانبەری حکومەتی لەسەر کاردەر کردو بەهۆی ڕەخنەبارانکردنی لەلایەن حکومەتی ئەڵمانیاو ڕێکخراوە مرۆییەکان، تورکیا کەوتە پڕوپاگەندە لەدژیان‌ و بەوە تاوانباریکردن کە گروپی گویلەن داڵدە دەدەن‌و پشتیوانیان لێدەکەن.

راپرسی له‌ تورکیا
 لەکاردانەوەی ئەمەشدا کەوتە وێزەی ڕۆژنامەنوسان‌وئەکادیمیەکان‌وژمارەیەک ڕۆژنامەنوس و میدیاکاری ئەڵمانیشی دەستگیر کرد،لەپرۆسەی بانگەشەش بۆدەنگدان لە ڕاپرسی فراوانکردنی دەسەڵاتەکانی سەرەک کۆماریشدا دیسان ئەردۆغان هەوڵیدا بچێتە ناو ڕەوەندی تورکی لە ئەڵمانیاو بانگەشە بۆخۆیی‌وسیستەمی سەرۆکایەتی بکا، حکومەتی ئەڵمانیاش بوە ڕێگر لەو هەوڵەیی و نەیهێشت ئەردۆغان لەناو ڕەوەندی تورکی ووتار بداو بانگەشە بۆ سیستەمی سەرۆکایەتی وڵاتەکەی بکات، 
بنکه‌ی ئه‌نجه‌رلیک
لەڕوبەڕوبونەوەیەکی تریشدا بەتایبەتی لەدوای ئەوەی سەدان سەربازی تورک لە ئەڵمانیا مافی پەنابەرێتیان پێدرا، حکومەتی تورکیا نەیهێشت وەفدێکی پەرلەمانی ئەڵمانیا سەردانی بنکەی ئینجەرلیک بکاو سەربازە ئەڵمانیەکان بەسەربکەنەوە، هەربۆیە پەرلەمانی ئەڵمانیاش بڕیاریدا ئەو بنکەیە لە خاکی تورکیاوە بگوازێتەوە بۆ وڵاتی ئوردن و ئەم هەنگاوانە بونە گرژتربونی پەیوەندیەکانی نێوانیان. 
لەتازەترین پێشهات‌و لەچەند ڕۆژی ڕابردوشدا دیسانەوە تورکیا سەردانی پەرلەمانتارانی ئەڵمانیای بۆلای سەربازەکانیان لەبنکەی سەربازی «قونیە «ڕەتکردەوەو کە بۆشەڕی داعش لەسوریاو عێراق لەچوارچێوەی هێزەکانی ناتۆدا لەوێ  دانراون، ئەمانە هەمووی بونەتە گرێکوێرەی پەیوەندیەکانی نێوان هەردوو وڵات و حکومەتی ئاکپارتی بەوەرگرتن‌و پێدانی مافی پەنابەرێتی بەهاوڵاتیانی تورکی زۆر بێزار بووە.


ناو:  
ئیمه‌یل:    
سه‌رنج:  

#7373
26/9/2017
ئه‌رشیف
وه‌رزش
‌ هه‌ڵبژارده‌ی‌ ئه‌وروپا جامی لیڤه‌ری برده‌وه‌ 26/9/2017
‌ پێگه‌ی‌ فوتباڵ لیكس ورده‌كاری بۆندی نێیمار بڵاوده‌كاته‌وه‌ 26/9/2017
زانست
‌ پاسێكی كارەبایی ژمارەی پێوانەیی جیهانی تێكشكاند ئایندە بۆ ئۆتۆمبیلی كارەباییە 25/9/2017
‌ وریای سوپەر مەلاریا بن 25/9/2017
‌ دیزاینەرە گەورەكەی ئەپڵ 25/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP