ڕۆژهەڵاتی ناوەڕاست و بەرمیلێک باروت
ڕۆژهەڵاتی ناوەڕاست و بەرمیلێک باروت ‌ ئامادەکردنی: بورهان ئەمین‌ 23/7/2017
بەهۆی ئەو هەموو قەیران‌و تەنگه‌ژانەی کەڕووی لەناوچەکە کردووە لەلایەک و بە هۆی دامەزرانی هێزە گەورەو نێودەوڵەتیەکان‌ونمایشی هێزی سەربازی وتواناکانیان لە لایەکی تر،لەئێستادا لە هەموو کاتێک زیاتر ئەگەری ڕوودانی شەڕێکی گەورە لە ڕۆژهەڵاتی ناوەڕاست‌و کەنداو لە ئارادایەو لەوانەشە شەڕەکە ناوچەکەو بگرەو جیهانیش بگرێتەوە،ئەو پێشبینیە لە ڕاپۆرتێکی ڕۆژنامەی «میدل ئێست ئای» ی بەریتانیدا هاتوەو ناوچە کەوەک بەرمیلێک باروت وێنا دەکاو مەزەندەی ڕوودانی ئاڵۆزی  زیاترو شەڕوشۆڕی لێ دەکات.

ئاماژەی قۆناغێکی مەترسیدار
گرژی‌وئاڵۆزیەکانی نێوان ئەمریکاو ڕوسیا لەدوای خرانە خوارەوەی فڕۆکەیەکی شەڕکەری سوری لەلایەن هێزەکانی ئەمریکاوە فراوانتربوەو وەزارەتی بەرگری ڕوسی هۆشداری داوەتە هێزە ئاسمانیەکانی ئەمریکاو لەچەند رۆژی ڕابردوشدا دیسان ئەمریکیەکان فڕۆکەیەکی بێ فڕۆکەوانی ئێرانیان لەئاسمانی سوریا خستۆتە خوارەوە، بەڵام مەترسیدارترین بەریەککەوتن ئەوەبوو، کە لە٢١ی حوزەیران فڕۆکەیەکی سەربە هێزەکانی ناتۆ لەفڕۆکەیەکی ڕوسی نزیکبۆوە،وەزیری بەرگری وڵاتەکەی تێدابوو، خەریک بوو لەنێوانیاندا شەڕوبداو کارەساتی لێبکەوێتەوە، هەمان کات هێزە ئاسمانیەکانی ئیسرائیل لەکاردانەوەی کەوتنە خوارەوەی موشەک لە بەرزاییەکانی جۆلاندا بنکە موشەک هاوێژەکانی سوریایان بەخەستی بۆردومان کرد، ئەمانە و دیدی دۆناڵد ترامپ لەڕابردوودا لەو کاتەی هێشتا نەبووە سەرۆکی ئەمریکا ئەوەی درکاندوە کە وڵاتەکەی لەگەڵ ئێران ڕووبەڕوی شەڕ دەبێتەوە، ئەمانە هەمویان ئاماژەی بارێکی ترسناک وشەڕێکی خوێناوی لەناوچەکە دەکەن.

لێدوانە ناکۆکەکان
لەدوای خرانە خوارەوەی هەردوو فڕۆکە سوری و ئێرانیەکە شەڕەقسەی نێوان ئەمریکاو ئێرانیش زۆرتربوەو بەرپرسانیان لە کەناڵە جیاجیاکانەوە لێدوانی دژ بەیەک دەدەن، لەمانگی حوزیرەندا»ڕیکس تیرلسۆن»ی وەزیری دەرەوەی ئەمریکا لە بەردەم ئەنجومەنی پیران ووتی: ئێران لەناوچەکە ئاژاوە گێڕه‌وگۆبەند دروست دەکات، بۆیە داوای گۆڕینی دەسەڵاتی ئێستای کرد، ئەم لێدوانە بەرپرسە ئێرانیەکانی ناڕەحەت کردو «خامەنەئی»ڕابەری ئێران بەتوندی وەڵامی دایەوەو ووتی:  بۆخۆتان لوتتان لەزەوی بدەن.

شەڕی نێوان دوو جەمسەر
لەسەرئەرزی واقیع و لەبەرەکانی شەڕی سوریاش دوو جەمسەر دروستبوە، جەمسەرێک روسیاو ئێرانە لەبەرامبەر جەمسەری ئەمریکاو هاوپەیمانەکانی و هەریەک  لەو هێزانە دەیانەوێت کۆنترۆڵی باشوری ڕۆژهەڵاتی سوریا بکەن کە لە سنوری عێراقەوە نزیکەو ڕێگای سەرەکی نێوان دیمەشق‌وبەغدای پێدا تێپەڕ دەبێت، بۆ ئێرانیەکان ئەم ڕێگایە ڕێگایەکی ستراتیژی‌وگرنگە،چونکە لە لایەک سوریاو عێراق  بەیەکەوە دەبەستێتەوەلەلایەکی تریش بەئێرانیشەوە، بە پێی ڕاپۆرتێکی ڕۆژنامەی  نیۆیۆرک تایمزی ئەمریکی بێت، ئەمریکاش دەیەوێت ئەو ناوچەیە بخاتە ژێر ڕکێفی خۆیەوە،چونکە لە دوای داعش دۆسیەی تر دێتە پێشەوە کە پێیانەوە ئەم پانتاییە جوگرافیە بایەخی تایبەتی خۆی دەبێت‌ و هەژمون لەو ڕوبەرە بایەخدار دەبێ لەسەر سیاسەتی داهاتوی ناوچەکە.

ئێستا شەڕی سارد له‌گۆڕێیە
«میدل ئێست ئای»پێی وایە ئەوەی ئێستا هەیە شەڕێکی ساردەو دواتر گەرم دەبێت، چونکە لایەنەکان سوریایان کردۆتە بەرەیەکی دوژمنداری گەورەو هەموو تواناکانی خۆیان لەوێ نمایشکردوە،لەئەگەری ڕودانی هەر هەڵەیەکدا ئەو هێزانە ڕوبەڕوی یەک دەبنەوەو شەڕ روودەدات.

سعودیەو ئێران
لەلایەکی ترەوە نێوانی سعودیەو ئێران تادێ خراپتر دەبێ و لایەنی تریشیان تێوە گلاندوە، لەدوای هەڕەشەکانی سعودیە بۆ سەر ئێران،داعش پەلاماری پەرلەمانی ئێران‌و مەزاری خومەینیان دا لەسەر ئەوە «میر محه‌مه‌د بن سه‌لمان» وتبوی (نایەڵین شەڕبکەوێتە خاکی سعودیە بەڵکو شەڕەکە دەبەینە ناو ئێران) بۆیە ئێرانیەکان بەگەورەو بچوکەوە لەو باوەڕەدان کەسعودیەلەپشتی ئەو پەلامارەی داعش بوەبۆ سەریان،جگەلەوەش دانانی کەسێکی وەک»محەمەدی کوڕی سەلمان» وەک جێنشین و شازادەی وڵات کەدوژمنی سەرسەختی ئێرانیەکانە دیسان ئەوەش ئاماژەیەکی تری زیادبونی ناکۆکی نێوان هەردو ووڵاتەکەیە،بەتایبەتیش خۆی سەرپەرشتی سیاسەتی دەرەوەو بەرگری وڵاتەکەی دەکاو چاوەڕوان دەکرێت کە ناکۆکیەکان خەستتر بکاتەوەو بارەکە ئاڵۆزتر بکات.

هەمویان شەڕخوازن
لەناو ئەو بارە دژوارو ئاڵۆزەشدا لایەنێک نییە کە هەوڵی ئارامکردنەوەو هێور کردنەوە بدات، هەردوو جەمسەرو هەردوو زلهێزی گەورەی وەک ئەمریکاو ڕوسیا دژوارتر لە جاران کار دەکەن‌و هەوڵی پەرەپێدانی هەژمونی خۆیان دەدەن لە ناوچەکەدا، سیاسەتی ئەو دوو زلهێزە لە ناوچەکە بۆنی شەڕێکی خوێناوی و کارەساتێکی لێ دێ کە لە ئەنجامدا تەنیا زیان بە مرۆڤایەتی و بەهاجوانەکانی دەکەوێت.


ناو:  
ئیمه‌یل:    
سه‌رنج:  

#7373
26/9/2017
ئه‌رشیف
وه‌رزش
‌ هه‌ڵبژارده‌ی‌ ئه‌وروپا جامی لیڤه‌ری برده‌وه‌ 26/9/2017
‌ پێگه‌ی‌ فوتباڵ لیكس ورده‌كاری بۆندی نێیمار بڵاوده‌كاته‌وه‌ 26/9/2017
زانست
‌ پاسێكی كارەبایی ژمارەی پێوانەیی جیهانی تێكشكاند ئایندە بۆ ئۆتۆمبیلی كارەباییە 25/9/2017
‌ وریای سوپەر مەلاریا بن 25/9/2017
‌ دیزاینەرە گەورەكەی ئەپڵ 25/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP