مێرکل و ماکرۆن، دۆستن یان رکابەر؟
مێرکل و ماکرۆن، دۆستن یان رکابەر؟ ‌ ئامادەکردنی: بورهان ئەمین‌ 2/8/2017
ئەڵمانیا وەک گەورەترین‌و بەهێزترین‌و دەوڵەمەندترین وڵاتی ناو یەکێتی ئەوروپاو «ئەنجێلا مێرکل»یش وەک دیارترین و کارامەترین سەرکردەی وڵات لەناو سەرۆکەکانی ئەو وڵاتانەدا شوێنێکی شایستەی هەیەو هەموان وەک ڕابەرو سەرۆک تێی دەڕوانن و بە کرداریش لەتەنگژەو چارەسەرکردنی قەیرانە ناوخۆو نێودەوڵەتیەکانیشدا، ئەو کەسایەتیە ڕۆڵی ئەرێنی و لایەقی گێڕاوەو دەگێڕێت،بەڵام مانەوەی ئەو ڕابەرایەتییە بۆماوەیەکی دورودرێژو سێ خولی لەسەریەکی پۆستی ڕاوێژکاری ئەڵمانیا ئەو پێویستیە دەهێنێتە گۆڕێ کەجێگۆڕکێ لەسەرکردایەتیکردنی وڵاتانی ئەوروپابکرێ ، دیارترین و سەرەکیترین کەسایەتیش بۆ ئەو ئەرکە «ئیمانوئێل ماکرۆن»ی سەرۆکی تازەی فەرەنسایە.

پاڵێواراوە بۆ ڕابەرایەتی ئەوروپا
هەرچەندە بەهاتنی ماکرۆن و شکستی پۆپۆلیستەکان، ئەڵمانیا خۆشحاڵی خۆی دەربڕی و بەوەرچەرخانێکی مەزنی لەقەڵەمدا بۆ پتەوبونی ڕەوتی عەلمانیەت و یەکێتیەکە و ژیانی مۆدێرن بەڵام هاتنی ئەو گەنجە بۆ بەرزترین لوتکەی دەسەڵات لە دووەم گەورە وڵاتی ناو یەکێتیەکە، مەترسی بۆسەر مێرکل دروست دەکاو جێی لەق دەکات،ئاماژەکان وانیشان دەدەن کەدوای مێرکل، ماکرۆن دێت و جڵەوی دەسەڵاتی ئەوروپیەکانی دەگرێتە دەست.

پوتین وتره‌مپ
سەردانی هەریەک له‌ فلادیمێر پۆتین و دواتریش دۆناڵد تره‌مپی سەرۆکی ئەمریکا بۆ فەرەنساو لە کۆڕبەندی گروپی گی ٢٠ یش لەهامبۆرگ لێکنزیکی تره‌مپ‌و ماکرۆن لەلایەک‌و لەگەڵ پۆتینیش لەلایەکی تر سەرەتاکانی ئەو ئاماژانە دەردەخەن کەئیدی دەبێت ڕۆڵی کاراکتەرەکان بگۆڕدرێ بەتایبەتیش کە مێرکل ناکۆکی سیاسی لەگەڵ هەردوو ئەو سەرۆکەدا هەیە، لەسەر لێکنزیکی تره‌مپ و ماکرۆن لەو ماوەیەدا گۆڤاری «دێر شپیگل»  لەڕاپۆرتێکیدا مەیلی ماکرۆن نیشان دەدات بۆ سەرکردایەتی ئەوروپاو بەهێزی‌وتوانای سیاسی خۆی لەمەیدانی نێودەوڵەتیەکاندا.

مێرکل بەهێزە
مانەوەی مێرکلیش بەو بەهێزیە تائێستا لەئەنجامی چوونە دەرەوەی بەریتانیا لەناو یەکێتی ئەوروپاو هاتنی دۆناڵد ترەمپ بوە، چونکە ئەو ژنە لە هەموو سەرۆکەکانی تر توانای ڕوبەروبونەوەی ڕاستڕەوەکانی هەبوەو توانیویەتی لەهەموو ئاستەکان شکستیان پێ بێنێت،لەقەیرانی کۆچبەرانیشدا دەرگای وڵاتەکەی ئاوەڵاکردوە بۆ لێقەوماوان‌وڕاکردوانی شەڕوشۆڕەکان،جگەلەوەش توانای ئابوری‌وپیشەسازی وڵاتەکەی  هاندەرێکی گەورەبوە کە لەنێو سەرانی وڵاتاندا ڕاوێژکار وەک کەسایەتیەکی بەهێز نمایش بکات.

ماکرۆن خۆی ئامادەکردووە
لەسەر ئەمە ڕۆژنامەی «نۆیەزیوریشەزایتۆنگ»ی سویسری دەڵێت: لە کۆڕبەندی گروپی ٢٠ ماکرۆن وەک گەورە سیاسەتمەدارێکی ئەوروپا خۆی دەرخست و سەرۆکەکانیش هەروا مامەڵەیان لەگەڵ کرد بۆیە ڕۆژنامەکە پێی وایە کە دوای مێرکل، ماکرۆن بەهێزترین پاڵیۆراوی سەرکرایەتیکردنی وڵاتانی یەکێتی ئەوروپایە لەناو کۆمەڵگەی جیهانیدا، بەڵام مانەوەی مێرکل بەندە بە ئەنجامی هەڵبژاردنی گشتی پەرلەمانی مانگی ئەیلولی داهاتووی وڵاتەکەی و چارەنوسی ئەو ژنە لە خولی چوارەمی پۆستی ڕاوێژکاریدا، دوای ئەوەش لەسەر گفتوگۆو پڕۆژەکانی چاکسازی وەستاوە لەناو یەکێتی ئەوروپادا، ئەوکات دەردەکەوێت کەکێ ژیرو ووریاو سیاسەتزانترەو کامیان دەتوانن بۆ ماوەی داهاتوو رابەری ئەو وڵاتانە بن.


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP