وەزیرە کوردەکە دەستبەرداری رەگەزنامەی تورکی بوو
وەزیرە کوردەکە دەستبەرداری رەگەزنامەی تورکی بوو ‌ ئامادەکردنی: بورهان ئەمین‌ 9/8/2017
«زوهال دیمیر» ژنە وەزیری کورد لەکابینەی حکومەتی بەلجیکا لەواڵەکەی خۆی لەفه‌یسبووک ئاشکرایکرد،کەنامەیەکی بۆقونسوڵی تورکیا لە برۆکسێل ناردوەو داوایکردوە کەڕەگەزنامەی تورکی لێوەرگرنەوە.

به‌ناچاری وڵاتیان به‌جێهێشتووه‌
وەزیری دەوڵەت بۆکاروباری توانای ژنان ئاماژەی بەوەکردوە کە تورکیا وڵاتی زگماکی خۆیەتی و تاهەتایەخۆشی دەوێت بەڵام لەدوای ئەوەی هیچ مانایەکی تێدانەماوە بۆ ژیان‌و دیموکراسی و ئازادی ئەوا دەبێت دەستبەرداری ڕەگەزنامەکەی بێت،هەروەها باسی ئەوەی کرده‌وە کەدایک و باوکی بەکوردی قسەدەکەن ولەوڵاتی خۆیاندا ئەویان گەورەکردوە،بەڵام سیاسەتی ووڵاتی خۆیان نەیهێشتوە بەئاشتەوایی و ئارامی تیایدا بژین و بەناچاری سەری خۆیان هەڵگرتوە بۆ تاراوگە.
ئه‌وروپا و تورکیا
ئەو هەنگاوەی ئەو ژنە وەزیرە لەکاتێکدا دێت کە پەیوەندیەکانی نێوان ئەوروپاو تورکیا تادێت خراپتر دەبێت بەهۆی دوورکەوتنەوەی ئەو وڵاتە لەبنەما سەرەکیەکانی دیموکراسی و مافی مرۆڤ،بەتایبەتیش لەدوای ڕاپرسیەکەی لەسەر هەموارکردنەوەی دەستورو هێنانەوەی یاساکانی لەسێدارەدان و پیادەکردنی سیستەمی سەرۆکایەتی.

ڕەتکردنەوەی ڕەگەزنامەی تورکی کەمێک ئاڵۆزە
بەپێی دەستوری تورکیا ئەو خانمە بۆی هەیە واز لە ڕەگەزنامەکەی خۆی بێنێ مادام  بەهیچ تاوانێک مەحکوم نەکراوەو هیچ قەرزێکی حکومی لانییە،بەڵام ڕاشیگەیاندوە کەهیج پێی سەیرنابێت ئەگەر تورکیا ئەو داوایەی ڕەتکاتەوە،چونکە پێی وایە ڕێوشوێنی ڕەتکردنەوەو هەڵوەشاندنەوەی ڕەگەزنامەی تورکی کەمێک ئاڵۆزەو کێشەیەکی سیاسییە نەک ئیداری و حکومەت بەئاسانی دەستبەرداری نابێت.

بوون به‌ وه‌زیر
شایانی باسە لە کۆتایی مانگی شوباتی ڕابردوو ژنە پەرلەمانتاری بەلجیکا لەسەر لسیتی پارتی هاوپەیمانی فلامانکی لەبەردەم پادشای وڵات سوێندی یاسایی خواردو پۆستی وەزیری دەوڵەت بۆ کاروباری نەهێشتنی هەژاری و ژنان وسیاسەتی زانیاری و شارەکانی پێ سپێردراو لەدوای دەستبەکاربونی ڕایگەیاند کە وەک لای باوکیەوە فێرکراوە هەمیشە هەوڵی پاراستنی خێزان و دۆزینەوەی دەرفەتی ژیان و کارکردن و ئاشتەوایی و خۆشگوزەرانی دەدات.
ژنێکی چالاک
زوهال دیمیر تەمەنی ٣٧ ساڵەو باوکی لەساڵانی حەفتاکانەوە تورکیای بەجێهێشتوەو خۆی گەیاندۆتە بەلجیکا،ئەو لەوێ لەدایکبووە بەڵام وەک دەڵێن بەپێی دەستوری تورکیا دایک و باوک ئەگەر هەڵگری ڕەگەزنامەی تورکی بن ئەوا مناڵەکانیشیان دەبنەخاوەنی هەمان ڕەگەزنامە و بەوپێیە زوهال ڕەگەزنامەی تورکی و بەلجیکی هەیە،خوێندنی یاسای تەواوکردوەو ماوەی چەندساڵێک وەک پارێزەر کاری کردووە،لەتەمەنی هەرزەکاریەوە لەڕیزی ڕێکخراوەکانی ژنان ولاواندا خەباتی کردووە بۆ یەکسانی و پاراستنی مافی ژنان تێکۆشاوە،دوایی چۆتە ریزی پارتی فلامەنکی ڕاستڕەو،لەماوەی ڕابردودا پارتەکەی لەدژی کۆچبەرانی نایاسایی وەستایەوەو ئەو ژنە لەنێوڕەوەندەکان ومیللەتە بێگانەکان توشی ڕەخنەی زۆر بۆوە بەلام دوایی داوای لێبوردنی کردو هەڵوێستی خۆی ساغکردەوە،ئەو کەسایەتییە لەنێوەندە سیاسیەکان بەوە ناسراوە کەدۆستی پارتی کرێکارانە کوردستانەو لەزۆربۆنەو یادەکاندا بەشداری کردوون.


ناو:  
ئیمه‌یل:    
سه‌رنج:  

#7398
24/10/2017
ئه‌رشیف
وه‌رزش
‌ سیمۆنا هالیپ خه‌ڵاتی پۆرشی برده‌وه‌ 24/10/2017
‌ میسی ئێران خه‌ونه‌كه‌ی‌ هێنایه‌دی 24/10/2017
زانست
‌ یه‌كه‌مین نموونه‌ی فڕۆكه‌ی وشكاوه‌كی كاره‌بایی له‌ ڕوسیا خرایه‌ڕوو 24/10/2017
‌ كه‌نگه‌ری خوێنمژ به‌رله‌ ملیۆنه‌ها ساڵ قڕبووه‌ 24/10/2017
‌ سوودی پشوویەكی كورت لە كاتی كاردا 23/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP