تالیبان سـەری هەڵدایەوە
تالیبان سـەری هەڵدایەوە ‌ ئامادەکردنی: بورهان ئەمین‌ 27/8/2017
شەڕی ئەمریکا لەدژی بزوتنەوەی تیرۆریستی تالیبان لە ئەفغانستان ساڵانێکی درێژی خایاندوەو دوای ڕاودونیان لەلایەن هێزەکانی ئەمریکاوە ماوەیەک کپبونەوەو ئێستا سەرلەنوێ دەستیان بە جموجۆڵ و چالاکی سەربازی کردۆتەوە، لەمڕۆژانە دۆناڵد تره‌مپی سەرۆکی ئەمریکا ڕایگەیاند: کە بەمەبەستی کۆتایی هێنان بە تالیبان و هەموو تیرۆریستانی ناو ڕێکخراوەکە ئامادەیی هێزەکانی وڵاتەکەی لە ئەفغانستان و کوژمەی داراییەکەی زیاد دەکات، چاودێرانیش دەڵێن: لەماوەی ئەو ساڵانەی شەڕی ئەفغانستاندابەبڕی یەک تریلیۆن دۆلار لەسەر ئەمریکا کەوتوە جگە لە زیانی گیانی سەربازو سوپاکەی،بەپێی هەمان ئەو چاودێرە ئەمریکیانە بێت، لەوانەیە تا کۆتایی ئەو بڕە بگاتە ٢ تریلیۆن بەڵام نازاندرێ کە دەتوانێت بە تەواوەتی ئەو ڕێکخراوە بنبڕ بکات یان نا.
درێژترین شەڕ بووە
لەمبارەیەوە ڕۆژنامەی  تاگسزایتۆنگی ئەڵمانی نوسیویەتی: ئەو شەڕە درێژترین و پڕ مەسرەفترین شەڕی ئەمریکا بووەلە مێژووی نوێی خۆیداو تائێستاش نەیتوانیوە کۆتایی پێ بێنێ و بۆتە کێشەیەکی گەورە بۆی،کۆتاییەکەشی دیار نییە.
تالیبان سەرئێشەیەکی گەورەیە 
هەروەها ڕۆژنامەی نیۆیۆرک تایمزی ئەمریکیش دەڵێت: بڕیاری تره‌مپ بەمانەوەو زیادکردنی توانای سەربازی ئەمریکی لەترسی ئەوەیە نەبادا قاعیدە کۆنترۆڵی وڵاتەکە بکاو دەستبەسەر تەواوی وڵاتەکە دابگرێت،هەروه‌ها دەڵێت: تره‌مپ پێشتر پەیمانیدابوو کە ئەو ٨٤٠٠ سەربازەی سوپاکەی لەو وڵاتە بکێشێتەوە، بەڵام ئێستا بڕیارەکەی گۆڕیوەو جۆرێک لەناکۆکی لە بانگەشەو قسەکانیدا دەرکەوتووە. پاشان دەڵێت؛ ترەمپ نازانێ چۆن دەیەوێت بنبڕی تالیبان بکات بەو چەند هەزار سەربازەوە کە باشدەزانێت لەسەردەمی ئۆبامادا بەسەد هەزار سەرباز نەتوانرا بنبڕ بکرێن.

زەلکاوی ئەفغانستان
ڕۆژنامەی «دی ڤێڵت»ی ئه‌ڵمانیاش نوسیویەتی: ترەمپ وکۆشکی سپی دەیانەوێت لەو زەلکاوەی ناو ئەفغانستان خۆیان دەرباز بکەن بەڵام نازانن چۆن و بەچ شێوەیەک،ئەگەر سوپاکەیان بکشێننەوە خراپ دەبێ و مانەوەشی لەوە خراپتر، ئەو هەنگاوەی ئێستاشی ئامانجەکەی دیار نییە.
کارتی فشارە
ڕۆژنامەی لۆس ئەنجلۆسی ئه‌مریکاش لەمبارەیەوە نوسیویەتی:ترەمپ لەسەرو بەندی بانگەشەی هەڵبژاردندا ڕایگەیاند: بەکارهێنانی هێز لە ئەفغانستان و ناردنی سوپای ئەمریکا بۆ ئەوێ،  کارێکی هەڵەبوەو هەوڵی ڕاستکردنەوەی دەدات کەچی ئێستا هێزەکانی زیاد دەکات، ئەم هەڵوێستەی ئێستای پێدەچێت بۆ ڕاکێشانی تاڵیبانە بۆسەرمێزی دانوستان وگفتوگۆ.
ئەمریکا لەو وڵاتە ستراتیژیەتی نییە
رۆژنامه‌ی واشنتۆن پۆستی  ئه‌مریکاش پێیوایە: ترەمپ دەیویست سوپاکەی لەئەفغانستان بکێشێتەوە،بەڵام ڕاوێژکارەکانی هۆشداریان پێدا لە ئەنجامی خراپی چۆڵکردنی ئەو وڵاتەو سەرلەنوێ خۆبنیاتنانەوەی تاڵیبان، بۆیە نەبونی ستراتیژیەتی ڕوونی ئەمریکا لەسەر ئەو دۆسیەیە لەداهاتوو کاریگەری خراپ بەجێدەهێڵیت.
بڕیارێکی باشە
«نۆردوێست زایتۆنگ»ی ئەڵمانی نوسیویەتی: لەگەڵ بزوتنەوەو ڕێکخراوە تیرۆریستیەکان جگە لەشەڕو بەکارهینانی هێز هیچ چارەیەکی ترنییە،بۆیە ئەمریکیەکان گەیشتونەتە ئەوەی، یان دەبێت بکشێنەوە یان دەبێت توانای سەربازی خۆیان لەو وڵاتە بەهێزتر بکەن، لەحاڵەتی کشانەوەشیاندا بۆشاییەکی دیاری ئەمنی دروست دەبێ و تالیبان دەروازەیەکی تری بۆ دەکرێتەوە و  گەشەده‌کات، هەر چۆنێک بێت مانەوەی سەربازانی ئەمریکی باشترە لە چۆڵکردن و دەرفەتدان بەو تیرۆریستانە. 

ئەڵمانیاو فەرەنسا پێیان باشە
هەریەک لەئەڵمانیاو فەرەنسا پشتیوانی خۆیان بۆ بڕیارەکەی ترەمپ دووپاتکردەوە لە هێشتنەوەو بەهێزکردنی سوپای ئەمریکا لەئەفغانستان لەپێناوی پاراستنی باری ئەمنی و ڕێگرتن لەتەشەنەکردنی تیرۆرو بەرپەرچدانەوەی بزوتنەوەی تالیبان و سەقامگیری ئاشتی و ئارامی لەو وڵاتەدا.
تالیبان دەستی پێکردۆتەوە
شایانە باسە، هەفتەی ڕابردوو تره‌مپ لەمیانی وتەیەكدا، بەڵێنیدا هەڵمەتە سەربازییەكانی وڵاتەكەی لە دژی تالیبان چڕتر بكاتەوە،چونکە لەم دواییەدا ئەو بزوتنەوەیە لەمیانی شەڕەكانیاندا لەگەڵ هێزەكانی سوپای ئەفغانستان، چەندین ناوچەی ئەو وڵاتەیان كۆنتڕۆڵكردەوەو بەڵێنیانداوە وڵاتەکە بكەنە گۆڕستانێک بۆ ئەمریکیەکان.
دەیانەوێت ئەفغانستان بگرنەوە
١٦ ساڵ لەمەوبەر بزوتنەوەی تالیبان لەسەر دەستی ویلایەتە یەكگرتووەكانی ئەمەریكا، ڕایکردو دەسەڵاتی لەئەفغانستان لەدەستدا، ئێستاش هەو ڵدەدات بۆ حوكمی ئیسلامی بۆ ئەو وڵاتە بگەڕێنێتەوە.لەوەتەی شەڕی ئەفغانستانیش دەستیپێكردووە، نزیكەی ٢٤٠٠  سەربازی ئەمەریكی لەو وڵاتەدا كوژراون و زیاتر لە ٢٠٠٠ یش برینداربوون ،ئێستاش تالیبان دەیەوێت دیسان ئەفغانستان بگرێتەوە.


ناو:  
ئیمه‌یل:    
سه‌رنج:  

#7373
26/9/2017
ئه‌رشیف
وه‌رزش
‌ هه‌ڵبژارده‌ی‌ ئه‌وروپا جامی لیڤه‌ری برده‌وه‌ 26/9/2017
‌ پێگه‌ی‌ فوتباڵ لیكس ورده‌كاری بۆندی نێیمار بڵاوده‌كاته‌وه‌ 26/9/2017
زانست
‌ پاسێكی كارەبایی ژمارەی پێوانەیی جیهانی تێكشكاند ئایندە بۆ ئۆتۆمبیلی كارەباییە 25/9/2017
‌ وریای سوپەر مەلاریا بن 25/9/2017
‌ دیزاینەرە گەورەكەی ئەپڵ 25/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP