كاری بێریڤانەكان لە گەرمای هاویندا
كاری بێریڤانەكان لە گەرمای هاویندا ‌ 17/7/2017
لە شارۆچكەی چاتاك سەربە پارێزگای وانی باكووری كوردستان، ژنە بێریڤانەكان (شیردۆشەكان) لە گەرمای تاقەتپڕوكێنی هاویندا، هەموو رۆژێك سەدان مەڕ، مانگا و بزن دەدۆشن و بەشداریی لە دابینكردنی بژێویی خانەوادەكانیاندا دەكەن. 
بێریڤانەكان كە سەر لەبەیانی زوو لە گەڕەكی نارلیجای خوارووەوە كە ٢٥ كیلۆمەتر لە شارۆچكەكەوە دوورە بەرەو كوێستانەكان دەكەونەڕێ، گەشتەكەیان بە پاسە بچووكەكان ماوەی دوو كاتژمێر دەخایەنێت. 
دوای ئەوەش كە دەگەنە ئەو شوێنانەی ئاژەڵەكانی لێیە، ئامادەكارییەكان ئەنجام دەدەن و دەست بە دۆشینی سەدان مەڕ و بزن دەكەن. 
لەگەڵ خۆیاندا ئەو دەبە پڕ لە شیرانە دەبەنەوە بۆ گوندەكان كە لە ئەنجامی دۆشینی ئاژەڵەكان پڕیان كردوون و پەنیر، ماست كەرە و قەیماغی لێ دروست دەكەن و دەیفرۆشن، بەو شێوەیەش رۆڵیان لە بەهێزكردنی ئابووریی خانەوادەكانیان و دابینكردنی بژێویدا دەبێت.
خالید ساری ئاماژەی بەوە كرد كە بەیانیان زوو بەڕێدەكەون بۆ دۆشینی مەڕ و بزنەكان و دوای بڕینی رێگاكە بەو گەرمایە دەگەنە لای ئاژەڵەكان و، وتی: لە ژیانی لادێدا بەچڕی كار دەكەین. دووچاری سەختی دەبین. لەم گەرمایەدا مەڕەكان دەدۆشین. بژێوی ژیانمان لەسەر ئاژەڵداریە. ئەگەر مەڕ و مانگا نەبن ژیانی ئێمەیش نابێت. لە گونددا گەر كار نەكەیت ناژیت. 
خالید كارادومان كە یەكێكە لە شوانەكان باس لەوە دەكات كە بێریڤانەكان ژیانێكی سەختیان هەیە و، وتی: بێریڤانەكان رۆژانە بەم گەرمای تەمووزە دووجار دەچنە هەوارەكان بۆ دۆشین. هەندێكجار پلەی گەرما دەگاتە 40 پلە. هەموو رۆژێك دەیان كیلۆمەتر رێگا دەبڕن و دێنە ئێرە.


ناو:  
ئیمه‌یل:    
سه‌رنج:  

#7368
20/9/2017
ئه‌رشیف
وه‌رزش
‌ ده‌ست به‌فرۆشتنی بلیته‌كانی مۆندیال كرا 20/9/2017
‌ 10 پاڵێوراوه‌كه‌ بۆ پێی زێڕین 20/9/2017
زانست
‌ كاسینی شۆڕشێك له‌ زانیاری ده‌رباره‌ی زوحه‌ل 19/9/2017
‌ رۆبۆته‌كان ده‌بنه‌ جووتیار 19/9/2017
‌ لە هەر ١٠ كەسێك، یەكێكیان خواردنی پێویستی نییە 18/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP