گڵە سپی
گڵە سپی ‌ 10/8/2017
دکتۆر شێرکۆ عه‌بدوڵڵا
+ مەرحەبایەكت لێ‌ بێ‌ برا.
ـ ئای بەخێربێی خاڵە گیان..
+ ئەوە سێ‌ چوار رۆژە هەر خەریكی زرم‌و كوتی، بەتەمای چیت؟
ـ ئەمەوێ‌ بیرێك لێ‌ بدەم ئوستاز. بەشكو نەجاتم بێ‌.
+ خێرلییە ئیشەڵـڵا..جا باشە پرست بە خوشك‌و براكانت كردووە تۆ ئاوا خەریكە حەوشەكە سەقەت ئەكەی؟
ـ پرسی بۆچییە قوربان؟! هەیە حەز نەكا بیری خۆی هەبێ‌‌و لە تڕومنەتی ئەم‌و ئەو نەجاتی ببێ‌؟!
+ بە قسەی من ئەكەی پرسەگورگانەیەكیش بێ‌ هەر پێیان بكەی باشە.
ـ ئیجاب ناكات بەخوا... پرسیاریشیان لێ‌ بكەم روویان نایە بڵێن نا..
+ حەو ئەوە چییە؟!
ـ كامە ئەفەرمووی؟
+ ئەو گڵە سپییە!
ـ وەڵـڵا قوربان لە دوێنێ‌ بەیانییەوە گەیشتووەتە گڵە سپی، هەرچی هەڵ ئەكەنم هەر گڵی سپییە.
+ دە كەواتە پڕی بكەرەوە، وازی لێ‌ بێنە.
ـ قسەی سەیر ئەكەی! چی پڕ بكەمەوە؟
+ چاڵەكە ئەڵێم.. مادام گەیشتووەتە گڵی سپی تەواو. یەعنی ئاوی تیا نییە.. پڕی كەرەوە.
ـ بۆچی یەعنی كە گەیشتە گڵی سپی ئیتر ئەو شوێنە ئاوی تیا نییە؟
+ تەبعەن. ئەوە كەریش ئەیزانێ‌.. پڕی بكەرەوەو بەخۆڕایی خۆت هیلاك مەكە. گڵی سپی هیچی لەگەڵا ناكرێ‌.
ـ بە قورعان نەمزانیوە.. یەعنی گڵی سپی ئاوایە؟
+ ئا ئا..خۆ ئەوە كەریش ئەیزانێ‌.. پڕی كەرەوە دەی.


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP