فیرعەونەكانی ئێمە
فیرعەونەكانی ئێمە ‌ 11/9/2017
دکتۆر شێرکۆ عه‌بدوڵڵا
+ خۆزگە بمزانیایە ئەم شانسە لە كوێدایە وا من نایبینم؟
ـ كتێب ئەڵێ‌ شانسی هەر كەسێ‌ لە گۆشەیەكی ژیانیدایە.
+ ئەی بۆچی من قەت تەسادوفی ناكەم؟
ـ ئاخر كوڕی باوكم ژیانی تۆ دائیرییە، گۆشەی تیا نییە.
+ بەخوا راست ئەكەی، بۆیە تووشم بووە بە تووشی ئەم مودیرە جوانەوە.
ـ زەمی مەكە بێ‌ سفەت. خوای مودیر گەڕو گول ئەبی.
+ ئاخر ئەگەر نەیكەم شەق ئەبەم. ماڵت بەقوڕنەگیرێ‌ ئەمڕۆ سەلامم لێ‌ كرد كەچی بە (برۆ) جوابی دامەوە..
ـ یەعنی چی بە برۆ؟
+ ئاوا.. بەحاڵ برۆی چەپی بەرزكردەوە، یەعنی عەلەیكە سەلام.
ـ بەو برۆیەی جەنابی مودیرا شتێكی خۆشت بۆ بگێڕمەوە؟ ئەڵێن تەجمیلی (برۆ)ش داهاتووە.. دیارە لە تەجمیلی گوپ و لووت و مەمك زۆرمان هەڵتڕاندووە بۆیە نۆرەی تەجمیلی برۆیە.
+ خوایبكردایە ئەم تەجمیلە پەرەی بسەندایەو تەجمیلی ئەخلاقیشی بگرتایەتەوە، هیچم نەئەویست. 
ـ پەلە مەكە نەمرین ئەوەش ئەبینین.. هاكا بینیمان نووسراوە عیادەی دكتۆر فیسار بۆ جوانكاریی ئەخلاق و وەفا.. عیادەی دكتۆر فڵان بۆ جوانكردنی ویژدان.
+ ئای ئینجا هەر مەسئولت ئەدی تەلەفۆنی ئەكرد نۆرەبڕیی بۆ بكەن بۆ ئەو عەمەلیاتە.
ـ غەڵەتیت رۆڵە.. مەسئولەكانمان قەناعەتیان وا نییە پێویستیان بە جوانكردنی ئەخلاق و ویژدان بێ‌.
+ بە جدییتە؟
ـ ئەرێ‌ وەڵـڵا.. خۆیان بە فیرعەون ئەزانن.
+ خۆزگە سەد خۆزگە فیرعەون بونایە.. ئەگەر فیرعەون بونایە ئەوسا ئیتر وەكو فیرعەونەكانی میسر خەڵك ئەهات بۆ سەیركردنیان و ئێمەش دوو عانەمان لێیان دەست ئەكەوت.


ناو:  
ئیمه‌یل:    
سه‌رنج:  

#7372
25/9/2017
ئه‌رشیف
وه‌رزش
‌ پاڵێوراوانی خه‌ڵاته‌كانی فیفا زه‌ بێسته‌كان به‌ بردنه‌وه‌ی جام و نازناو دیاریی ده‌كرێن یان ئاستی هونه‌ری؟ 25/9/2017
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
زانست
‌ پاسێكی كارەبایی ژمارەی پێوانەیی جیهانی تێكشكاند ئایندە بۆ ئۆتۆمبیلی كارەباییە 25/9/2017
‌ وریای سوپەر مەلاریا بن 25/9/2017
‌ دیزاینەرە گەورەكەی ئەپڵ 25/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP