من بتناسم
من بتناسم ‌ 12/10/2017
حه‌سه‌ن ساڵح قه‌ره‌داغی

من بتناسم
تۆ له‌و گۆڕه‌دا خۆت ناگـری،
ماندووی مانــدوو ره‌نگه‌ سه‌ر خه‌وێ بشكێنی ...
به‌س نامری
من بتناسم
مردن ده‌ره‌قه‌تت نایه‌
تۆ دێیته‌وه‌ و ئه‌م سه‌فه‌ره‌ت سه‌ردانێكه‌
بۆ لای خوایه‌....!
من بتناسم 
توڕه‌بیت و گۆچانه‌كه‌ت راوه‌شێنی، 
عه‌ینه‌كه‌كه‌ت چاك ئه‌كه‌یت و لەگۆڕه‌كه‌ت سەردەردێنی....!
من بتناسم 
ئه‌و گۆڕه‌ هه‌رگیز تۆی پێ داگیر ناكرێ،
ناچار ئه‌بێ كۆڵت لێبا و 
له‌جیاتی تۆ مردن بمرێ....!
من بتناسم 
هێزێك نییه‌ له‌سه‌ر په‌یژه‌ راتوه‌ستێنێ،
مردنیش ئه‌كه‌ی به‌ نوكته‌ و
باوی گۆڕیش 
هه‌ر نامێنێ....!
من بتناسم
 ئه‌بێ ده‌رگای گۆڕه‌كه‌ت
 وه‌ك ئۆتۆمبێله‌ تایبه‌ته‌كه‌ت بۆ بكه‌نه‌وه‌،
مردووه‌كانیش هان ئه‌ده‌ی له‌گه‌ڵتا زیندووببنه‌وه‌....!
من بتناسم 
گۆڕ ناوێرێ رێگه‌ له‌تۆ بگرێ قوربان،
هاكا ده‌ستت كرد به‌ پیاسه‌
له‌ داخی مه‌رگ
له‌ ده‌باشان....!
من بتناسم 
تاریكی گۆڕ شه‌وقی جه‌لال
ئه‌یبه‌زێنێ،
مردن ئه‌بێ به‌ ئه‌فسانه‌ و جه‌واهیریش
گوڵ ئه‌هێنێ....!
من بتناسم
ئه‌و گۆڕه‌ ته‌نها نوچه‌یه‌كه‌ بۆ تۆ،
هاكا دیسان به‌شه‌یدایی گه‌شتیته‌وه‌
گوڵه‌ هێرۆ....!!


ناو:  
ئیمه‌یل:    
سه‌رنج:  

#7392
17/10/2017
ئه‌رشیف
وه‌رزش
‌ رۆجێر فێدره‌ر بۆ جاری چواره‌م له‌م وه‌رزه‌دا له‌ نادالی برده‌وه‌ 17/10/2017
‌ دۆڤیزیسیۆ قۆناغی ژاپۆنی مۆتۆ جی پی برده‌وه‌ 17/10/2017
زانست
‌ ته‌كنیكی نوێ بۆ نووسینی نامه‌ بێ ده‌ستدان له‌ كیبۆرد 17/10/2017
‌ ئه‌ندۆنیزیا چاوه‌ڕوانی هه‌ڵپژانی گڕكانێكه‌ 17/10/2017
‌ زرێبار هه‌ورامی: ژیان جه‌نگه‌، له‌گه‌ڵ خۆت و له‌گه‌ڵ بارودۆخه‌كه‌ت 16/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP