نان و ئازادی بۆ ئەدیـب
نان و ئازادی بۆ ئەدیـب ‌ 9/10/2017
قوبادی جه‌لیزاده‌

محەمەد موکری - چیرۆک نووس و رۆمان نووس و شاعیرو شێوەکارو وەرگێڕو رۆژنامە نووس - و...وەک من لەنزیکەوە ناسیبێتم ، کە هاوڕێی تەمەن بوو ، نە جەلالی بوو ، نە یەکێتی نیشتمانیی . موکری نوسەریکی ئازادی خوازونوێگەرو رکابەر بوو ، کەلەشار بوو لەگەڵ دەسەڵاتدا هەڵی نەدەکرد ، لەشاخیش درێژەی بەو رکەبەرییەی دا .ئەو لەکایەکدا دەگەڕا ، ئازادانە تێیدا بنوسێت و دەنگی خۆی تێدا هەڵبڕێت.
کەبڕیاری دا ببێت بەپێشمەرگەی نووسەر یان نووسەرێکی پێشمەرگە ، ئەو شاخ و دۆڵ و هەڵەتانەی هەڵبژارد ، کە سەنگەری یەکێتیی نیشتمانیی کوردستان بوون ، چونکە پێی وابوو بەتەنێ ئەوێ و لەوێدا دەتوانێ لە نوسینەکانیدا بیرورای ئازادو بۆچونی جیاواز پیادە بکات ، لەویش - پێی وابوو - پتر لە سێبەری خودی بەریز مام جەلال خۆیدا. لەسایەی بۆن و بەرامەی چەپکە گوڵەکەدا.
موکری کە لەشاخدا ، رۆمانی « سەگوەر>> ی بلاو کردەوە بوو بەهەرایەک ، ئەوسەری نەبێتەوە ، موکری بە بەبڵاو کردنەوەی ئەو رۆمانە وەک نووسەرێکی پووچگەرایی ودوژمن بە شۆڕش ، مامەڵەی لەگەڵدا کرا ، بەوە تۆمەتبار کرا کە سووکایەتی بە شۆڕش و پێشمەرگەو شەهید و قوربانیدان دەکات. لاوەکان لە خەباتو شۆڕشگێریی سارد دەکاتەوە. ئەم تۆمەتانە سەرەتا لەناو توێژی نوسەرو ئەدیب و سیاسەتمەدارەکانی ناو شۆڕشدا سەری هەڵدا ، پاشان وەک ئاگری بڵێسە سەندووی ناو پوش و پەڵاش ، تەشەنەی کردوو پەڕییەو ناو تەواوی پێشمەرگە کانی شاخ وتەنانەت رێکخستەنە نهێنیەکانی شاریش .
زۆربەی پێشمەرگەکانی ئەو دەمە بەحوکمی نەبوونی ژمارەیەکی ماقوڵ لەرۆمانەکە 
و بە حوکمی نەخوێندەواری بەشێکی پان و بەرینی چەکدارەکان ، رۆمانەکەیان نەخوێندبۆوە ، بەلام لەهەموو ئەوانە توورە تر بوون ، لەهەموو ئەو توێژە خوێندەوارو نووسەرو ئەدیبانەی کە رۆمانەکەیان خوێبدبۆوە. موکری کوشتن ، لەبەر دەمارگیری نەتەوە پەرستی کوردایەتی و کەف وکوڵی شۆڕشگێڕیەتی ، بوو بە خولیای زۆریك لەو پێشمەرگانە .ئیدی وەک کورد دەلێ : ئەوەی موکری بکوژێت دەستی کەسک دەبێت.
ئەم لافاوی رق و کینەی ، کە دەرحەق بە موکری ، هەستی پێشمەرگەکانی غەرق کردبوو ، بەرهەمی نوسەرو ئەدیبەکان و سایسەتمەدارەکانی ناو شۆڕش بو پەریبۆەوە نێو رێزەکانی پیشمەرگە سادەو ساکارەکان.
ئەگەر مام جەلال فریای موکردی نەکەوتایە ، ئەوا ئیستا یادی موکریمان وەک یەکەم شەهیدی شاخ ، لە پێناو بیرورای ئازادا ، یاد دەکردەوە.
مام ، بەو نوسەرو سیاسەتمەدارو پێشمەرگانەی گوت :
موکری بەچی لیی داون بەوە لێی بدەنەوە ..
بەچەک لیی داون یان بە قەڵەم .... 
گوتی ئێ .. کەواتە بەقەڵەم وەلامی بدەنەوە.
رۆمانی سەگوەر و بانگەوازەکەی مام ، دروشمێکی تازەیان لەشاخ داهێنا ( نان و ئازادی بۆ ئەدیب )
کەواتە دروشمی نان و ئازادی بۆ ئەدیب ؛
رۆمانەکەی موکری و هزری ئازادی خوازی مام جەلال ، بەرهەمیان هێنا.


ناو:  
ئیمه‌یل:    
سه‌رنج:  

#7392
17/10/2017
ئه‌رشیف
وه‌رزش
‌ رۆجێر فێدره‌ر بۆ جاری چواره‌م له‌م وه‌رزه‌دا له‌ نادالی برده‌وه‌ 17/10/2017
‌ دۆڤیزیسیۆ قۆناغی ژاپۆنی مۆتۆ جی پی برده‌وه‌ 17/10/2017
زانست
‌ ته‌كنیكی نوێ بۆ نووسینی نامه‌ بێ ده‌ستدان له‌ كیبۆرد 17/10/2017
‌ ئه‌ندۆنیزیا چاوه‌ڕوانی هه‌ڵپژانی گڕكانێكه‌ 17/10/2017
‌ زرێبار هه‌ورامی: ژیان جه‌نگه‌، له‌گه‌ڵ خۆت و له‌گه‌ڵ بارودۆخه‌كه‌ت 16/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP