خوێندکارانی زانکۆ ئەوە ئەرزو ئەوە گەز
دڵبەند مستەفا
29/7/2010
رەنگە ناونیشانی ئەم نوسینەم زۆرێک بەقورسی تێبگەن، بەڵام ئەوەی مەبەستی منە لەم نووسینەدا ئەو ھەلە بەنرخە زێرینەیە کە ئەمساڵ حکومەتی ھەرێمی کوردستان بۆ خوێندکارانی رەخساند ئەویش بەناردنە دەرەوەی سێ یەکەمی سەرجەم کۆلیژەکانی کوردستان کە ژمارەیەکی زۆر لەخوێندکاران لەم بڕیارە سودمەند دەبن و ھەرکەسەو لەبوارەکەی خۆیدا دەچێتە دەرەوەی کوردستان بۆ تەواوکردنی خوێندن، بێگومان لەسەر ئەرک و مەسرەفی حکومەتی ھەرێمی کوردستان کە دەتوانین بڵێین ئەم ھەنگاوەی کابینەی (٦)ی حکومەتی ھەرێمی کوردستان ھەنگاوێکی بێ وێنەیە و جارێکی تر رۆحێکی نوێی کردەوە بەبواری خوێندنی باڵاداو ھیوایەکی نوێی لەلای خوێندکاران دروستکرد و وایکرد کە لەمەودوا ھەمووان ھەوڵبدەن بۆ بەدەستھێنانی سێ پلەی یەکەم تا لەو بڕیارەی حکومەت سود مەند بن و بچنە دەرەوەی ھەرێم بۆ بەدەستھێنانی بروانامەی باڵاتر، بۆیە من ناونیشانی ئەم نوسینەم واناونا تا بڵێم خوێندکارانی زانکۆ ئەوە ئەرزو ئەوەگەز فەرموون ھەوڵی بەدەستھێنانی ئەو سێ پلە یەکەمە بدەن و راستەخۆ بۆ بەدەستھێنانی بروانامەی باڵا بچنە دەرەوە، کەرەنگە ئەم ھەلە زۆرێک لەخوێندکاران چەندین ساڵە خەونی پێوە ببینن و خەمی گەورەیان بووبێت. ئەوا لەسایەی ئەم کابینەیی حکومەتی ھەرێمدا ھاتە دی .. بۆیە جێگای خۆیەتی دەستخۆشی لەحکومەتی کوردستان بکەین بۆ ئەو ھەنگاوە گەورەیەش کە خستییە سەر خەرمانی کەمتر لەساڵێک تەمەنی پڕ بەرەکەتی.
|
|
|
|
|
|
|
|
|