شەڕەکانی رۆژهەڵاتی ناوەڕاست چەند سەدەیەک دەخایەنێت
شەڕەکانی رۆژهەڵاتی ناوەڕاست چەند سەدەیەک دەخایەنێت ‌ 10/1/2017
ئامادەکردنی: بورهان ئەمین

دکتۆر»ویلفرید بوختا»توێژەرو شارەزا لەبواری ئیسلامی سیاسی لە رێکخراوی نەتەوەیەکگرتوەکان لەدیدارێکیدا لەگەڵ ڕۆژنامەی «دی تسایت»ی ئەڵمانی، باس لە کێشەکانی ڕۆژهەڵاتی ناوەڕاست دەکاو ئەو قۆناغەی ئێستا بە مەترسیدارترین وەسفدەکات،کە تێکچونی باری ئەمنی و کۆمەڵایەتی و سیاسی لێکەوتۆتەوەو خەڵک بەلێشاو لەناوچەیە ڕەودەکەن،دەربارەی شەڕی خوێناوی سوریاو عێراق دەڵێت: لەوانەیە شەڕ لەوناوچەیە چەند سەدەیەک بخایەنێت.

ڕژێمی ئه‌سه‌د
ئه‌و شاره‌زاییه‌ له‌بارەی شەڕی سوریاو چارەنوسی ڕژێمی ئەسەد دەڵێت: لەئێستادا ڕژێمی ئەسەدو هاوپەیمانەکانی گرنگترین شارەکانی سوریایان بەدەستەوەیە جگە لەڕەققەو ئەدلەب نەبێت،شەڕەکانیش لەشەڕی بەرەییەوە بونەتە شەڕی دەستەویەخەو ڕژێمی ئەسەدیش بنەماکانی حکومەتبون وخزمەتی هاوڵاتی پێوە نەماوە.لەماوە دوورودرێژەی شەڕدا ئێستا حوکم بەدەست کەمینەیەکەوە ماوە کەئەسەد و دارودەستەکەی رابەرایەتی دەکەن.

ڕۆژئاوا له‌ کێشه‌کانی ڕۆژهه‌ڵات ناگات
لەودیدارەدا دکتۆر بوختا ڕەخنەلە ڕۆژئاوادەگرێت ودەڵێت:  ئێمە بەهەڵە ئەو وڵاتە ئیسلامیانە وێنا دەکەین وادەزانین بە پەیوەندی ئابوریمان دەتوانین دیموکراسیەتیان بۆ ببەین کەئه‌مه‌ش وانییە. ئەو پێی وایە ڕۆژئاوا بەبەشداری کارای شەڕەکان بەهەڵە هەڵسوکەوت لەگەڵ کێشەکانی ئەو ناوچەیەدا دەکات،ناردنی سوپاو سەربازو جبەخانەکان،کێشەکانی ئالۆزترکردوە،باشیش دەزانن کەبەشداری ڕاستەوخۆیان کارەساتی گەورەی بەدواوەیەو لەفەوتانی هاوڵاتیانی ئاسایی بترازێ، هیچی تری لێ ناکەوێتەوە.

سه‌له‌فیه‌ت جێگه‌ی داعش ده‌گرێته‌وه‌
سەبارەت بەداهاتوی داعش لەدوای دەڕپەراندنیان لەشاری موسڵیش دەڵێت: زەحمەتە چارەنوسی داعش بە موسڵ و ڕەققە ببەستینەوە،چارەنوسی ئەو تاقمەو هاوتاکانیان رون نییە،بەڵام ئەگەر لەهەندێ بەرەی شەڕیش شکست بێنن، ئەوان هەر دەمێنن بەڵام لەوانەیە بەشێوەیەکی تر جموجۆڵ بکەن، دەبێت ئەوەش بزانین کەئەلتەرناتیڤی داعش لەناوچەکە هەیەو زەمینەیان بۆ ڕەخساوە، سەلەفیەت بەچەندین شێوە پەیدابوە کە ڕێی تێدەچێت جێی داعش بگرنەوە.

حکومه‌ته‌ سته‌مکاره‌کانی ڕۆژهه‌ڵات به‌رپرسن
داهاتوی ناوچەی ڕۆژهەڵات و شوێنی ئەوروپا لەو ناوچەیەدا تەوەرێکی تری ئەو دیدارەیەو لەسەر ئەمەش دەڵێت: باری ئابوری زۆربەی وڵاتان لەژێر هەڕەشەدایە لەبەرامبەریشدا ڕۆژ بەڕۆژ دانیشتوانەکانیان زیاتر دەبن و حکومەتەکان بەرگەی بەخێوکردنیان ناگرن،بۆنمونە لە عیراق ومیسر، ڕێژەکان بەشێوەیەکی بەرچاو بەرزبونەتەوە، لەبەرامبەریشدا بێکاری لەئاستیکی بەرزتردایە، حکومەتەکانیش خەریکی دزی وگەندەڵی و بردنی سەرەوەت وسامانی وڵاتەکانیانن ،لەجیاتی چاکسازی و پیشخستنی دیموکراسی ئەو حکومەتانە، خەریکی لێدانن لە لایەنە پارتە بەرهەڵستکارەکان ونەیارەکانیان،ئەو دەسەڵاتە سەرکوتکەرانە کەشێکی بێئومیدی و نائارامیان بۆ کۆمەڵگاکانیان دروست کردوە،ئاسۆی چاکبون وئاسایی بونەوەی پێوەدیار نییە.

داعش پشێویی له‌ ئه‌وروپا دروست ده‌کات
دەربارەی وەزعی ئەوروپاش پێی وایە: لەئایندەی نزیکدا لێشاوێکی تری کۆچبەران ڕوو لەئەوروپا دەکاو لەکاتی شکستی داعشیش لەبەرەکانی شەڕ، کاری خۆکوژی و خۆتەقاندنەوەی پشێوەیەکان لە وڵاتانی ئەوروپا زیاتر دەبێت.


ناو:  
ئیمه‌یل:    
سه‌رنج:  

#7223
20/3/2017
ئه‌رشیف
وه‌رزش
‌ سلێمانی كه‌وته‌ داوی یه‌كسانبوونه‌وه‌ 19/3/2017
‌ ناپۆلی و مێرتینز گه‌یشتنه‌ رێكه‌وتن 19/3/2017
زانست
‌ پیاوان به‌ هه‌ڵه‌ ده‌موچاویان ده‌شۆن 15/3/2017
‌ دانیماركیش پشت بە ئاشی با ده‌به‌ستێت 15/3/2017
‌ چه‌ند گیراوه‌یه‌كی سروشتی بۆ چاره‌سه‌ركردنی گرفته‌كانی پێست به‌هۆی زه‌یتی كونجیه‌وه‌ 15/3/2017

© 2009 KURDISTANY NWE, All RIGHTS RESERVED. | CREATED BY AVESTA GROUP