چاپکراوە نوێکانی دەزگای سەردەم کەوتە بەردیدەی خوێنەرانی
چاپکراوە نوێکانی دەزگای سەردەم کەوتە بەردیدەی خوێنەرانی ‌ 13/2/2017
لەچوارچێوەی بڵاوکراوەکانیدا دەزگای چاپ و پەخشی سەردەم، ژمارەیەک کتێبی نوێی خستە بەردەستی خوێنەرانی.

مێژوو چیمان بۆ دەگێڕێتەوە
کتێبی مێژوو چیمان بۆ دەگێڕێتەوە لەدووتوێی 274 لەپەڕەدا کەوتە بەردەستی خوێنەرانی. ئەم کتێبە  د.محەمەد عبدالستار البدری نووسیوێتی‌و هەورامان وریا قانع وەرگێڕاوە.
 ئەم كتێبە باس لە هەندێ ڕووداو دەكات كە بەڕاستەوخۆ یان ناڕاستەوخۆ، كاریگەرییان لەسەر رێڕەوی ژیان و مێژو جێهێشتووە. باس لە كۆمەڵێ جەنگی ناوخۆیی و دڵڕەقی مرۆڤ دەكات بەرامبەر بە مرۆڤ، باس لەوە دەكات لەدێرزەمانەوە ڕقێك لەنێو دڵ و دەرونی هەندێ ئینساندا هەیە كە ژیان تاریك دەكات و بوون پڕ دەكات لە بۆن و ڕەنگی خوێن. هەروەها بە پێچەوانەی ئەوە، باس لە هەندێ مرۆڤی دیكە دەكات كە خاڵێن لە ڕق و تۆڵە و خوێنڕشتن و ژیانیان بۆ كامەرانی و خۆشبەختی مرۆڤەكانی دیكە تەرخانكردووە. بەم مانایە ئەم كتێبە باس لە هەردوو دیوی مرۆڤ دەكات، دیوێكی شەڕانگێز و ئەهریمەنانە و دیوێكی میهرەبان و فریشتەئاسا، دیوێكی شەیتان و دیوێكی ڕەحمان، دیوێكی بكوژو دیوێكی دژە بكوژ. ئا لێرەوە ئەم كتێبە بەو هیوایە كراوەتە كوردی ئەم جەنگە و ئەو ڕق و دڵڕەقییەی مرۆڤ، سنورێكی بۆ دابنرێت و مرۆڤەكان، بە تایبەت سیاسی و فەرمانڕەواكان، لە ئێستاو لە سەردەم و زەمانی ئایندەدا، هەوڵی دووبارە كردنەوەی نەدەن. بەو هیوایەی رۆژگارێك بێت، تەماع و چاوچنۆكی و حەزی گرتنە دەستی دەسەڵات، جەنگی دیكە و كوشتنی دیكە و كارەساتی دیكە بەرپانەكات.

خەم و جوانی
خەم و جوانی لەدووتوێی 298لاپەڕەدا چاپ و بڵاکرایەوە. ئەم کتێبە نووسینی: یاسۆناری كاواباتایەو جەلیل كاكەوەیس لە عەرەبییەوە کردویەتی بەکوردی. 
بێگومان هەر ئافرەتێك لەو شێوازەی كە خۆی حەز دەكات دەستبازیی لەگەڵدا بكرێت، لە یەكێكی تر جیایە. ئایا كایكۆش هەرچەندە كاردانەوەكەی زێدەڕۆیی تێدابوو، لەم جۆرە نەبوو؟ لە ڕاستیدا ئارەزوو و خواستی هەر ئافرەتێك لە زۆر دۆخدا بەپێی ئارەزوو خواستی دۆستەكەی دەبێت، كە جگە لە بەرەنجامی خووەكانی ئەم دۆستەو ئارەزووەكانی هیچیتر نییە. ئاوهاش گۆی مەمكی چەپەی كایكۆ كە لە هەموو هەستەوەرییەك بێبەش بوو، بووبوو بە ئامانجێكی حەزبزوێنی تایبەت بۆ ئۆكی.

دەوڵەت دەسەڵاتێکی رێکخراوی کۆمەڵایەتی
کتێبی دەوڵەت دەسەڵاتێکی رێکخراوی کۆمەڵایەتی لەدووتوێی 133لاپەڕەدا چاپ و بڵاوکرایەوە.
ئەم کتێبە نووسینی كۆمەڵێك نووسەرە.
مرۆڤ هەر بەسروشتی خۆی گیانەوەرێکی کۆمەڵایەتییە، بەغەریزە دەیەوێت لەگەڵ هاوڕەگەزکانیدا بژی. ئەمەش هەر لەسەرەتاوە بوونی دەوڵەتێک دەسەپێنێت بۆ رێک و پێکخستنی نەتەوە، کە هەموو لایەنەکان گوێڕایەڵی رێسا گشتییە هاوبەشەکانی ببن. بۆیە بەبیرکردنەوەیەکی لۆژیکییانە هەر کۆمەڵگەیەک بیەوێت خۆی لەئاژاوەو بێسەرەوبەری بپارێزێت پێویستە لەسایەی دەسەڵاتی دەوڵەتدا بژی.

مارکیز ریالیزمی جادووگەری- سیحراوی
کتێبی مارکیز ریالیزمی جادووگەری- سیحراوی لەدوتوێی 155لاپەڕەدا کەوتە بەردەستی خوێنەرانی.
ئەم کتێبە نووسینی كۆمەڵێك نووسەرە.
گابریل گارسیا مارکیز نووسەرێکی هەرە ناوداری ئەمڕۆی ئەدەبیاتی دنیایە، لەو نووسەرانەیە لەڕێی بەرهەمەکانییەوە بەتایبەتی لەڕۆمانەکانیدا کلتوری ئەمریکای لاتینی بەگشتی‌و وڵاتی کۆڵۆمبیای بەتایبەتی بەرجەستە کردووە چ لەسەر ئاستی مێژووی سیاسی ئەو وڵاتانە یان ئەو ئەفسانە، حیکایەت، سیحرو خورافاتەی دەماودەم لەسەر زمانی نەوەکان گێڕدراونەتەوەو بوونەتە بەشێکی تەواوی پێکهاتە رۆشنبیرییەکەی.


ناو:  
ئیمه‌یل:    
سه‌رنج:  

#7395
20/10/2017
ئه‌رشیف
وه‌رزش
‌ ئیتالیا مه‌ترسی گه‌وره‌ی سه‌رنه‌كه‌وتنی بۆ مۆندیال له‌سه‌ره‌ 19/10/2017
‌ رۆناڵدۆ زیندانی دەکرێت؟ 19/10/2017
زانست
‌ هه‌سارۆكه‌یه‌ك سڵاوی له‌ زه‌وی كرد و رۆیشت 19/10/2017
‌ چه‌ند خۆراكێكی گرنگ بۆ وه‌رزی پایز 19/10/2017
‌ كاریگه‌ری‌ ته‌له‌فزیۆن له‌ دروستكردنی‌ ترس لای‌ بینه‌ر 19/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP