كەمكردنەوەی مووچەی پەرلەمانتاران
كەمكردنەوەی مووچەی پەرلەمانتاران ‌ 13/2/2017
یەکەی ئابووری
مووچەی ئەندامانی ئەنجومەنی نوێنەرانی عیراق رێكدەخرێت‌و لەم مانگەشەوە دەرماڵەی بڕوانامە بۆ پەرلەمانتاران خەرج ناكرێت.
ئەحمەد حاجی رەشید بڕیاردەری لیژنەی دارایی لە ئەنجومەنی نوێنەرانی عیراق لە لێدوانێكی تایبەتدا بۆ كوردسات نیوز رایگەیاندووە، پێشتر دەرماڵەی بڕوانامە بۆ ئەندامانی ئەنجومەنی نوێنەرانی عیراق خەرج دەكرا، بەڵام ئێستا بەپێی یاسای بودجەی گشتیی عیراق، دەرماڵەی بڕوانامەی پەرلەمانتاران ناهێڵدرێت‌و سەرجەم ئەندامانی ئەنجومەنی نوێنەرانیش وەكو یەك مووچە وەردەگرن.
بڕیاردەری لیژنەی دارایی لە ئەنجومەنی نوێنەرانی عیراق وتیشی: «پێشتر هەر ئەندامێكی ئەنجومەنی نوێنەران ئەگەر بڕوانامەی دكتۆرای هەبوایە، ئەوا مووچەكەی دوو هێندەی ئەندامێكی ئەنجومەنی نوێنەران بوو، ئەگەر بڕوانامەی ئامادەیی هەبوایە، بۆیە لەم مانگەوە دەرماڵەی بڕوانامە بۆ پەرلەمانتاران خەرج ناكرێت، چونكە پەرلەمانتاری كارێكی گشتییەو بە بڕوانامە دانامەزرێت».
لەدرێژەی وتەكانیدا بڕیاردەری لیژنەی دارایی لە ئەنجومەنی نوێنەرانی عیراق ئاشكراشیكرد، لەدوای یەكخستنی مووچەی ئەندامانی ئەنجومەنی نوێنەران‌و بڕینی پارەی باج‌و خانەنشینی لێیان، هەر پەرلەمانتارێك مانگانە بڕی نۆ ملیۆن‌و 500 هەزار دیناری بۆ دەمێنێتەوە.
بەردەوام لە شەقامی سیاسی عیراق‌و لەلایەن مووچەخۆرانەوە گلەیی ئەوە دەكرێت، كە ساڵانە حكومەتی عیراق بودجەیەكی زەبەلاح بۆ مووچەی پەرلەمانتاران تەرخان دەكات، لەكاتێكدا بارودۆخی ئابووری‌و دارایی وڵات بەدۆخێكی دژواردا تێدەپەڕێ. چالاكوانانی بواری مەدەنی دەڵێن: «مووچەی پەرلەمانتارێك یەكیانە بە مووچەی نزیكەی 22 كەسی تازە دامەزراو، كە ئەمە ئەوپەڕی نا دادپەروەرییە كە بەرامبەر بە خەڵكی دەكرێت».


ناو:  
ئیمه‌یل:    
سه‌رنج:  

#7204
26/2/2017
ئه‌رشیف
وه‌رزش
‌ نه‌ورۆز، شیروانه‌، كه‌ركوك، پ.هه‌ولێر بۆ چوارگۆشه‌ی زێڕین 26/2/2017
‌ پێكانه‌كه‌ی‌ كازۆرلا تا كۆتایی وه‌رز درێژه‌ی ده‌بێت 26/2/2017
زانست
‌ هۆكاری خه‌وتنی مرۆڤ و زینده‌وه‌رانی تر ئاشكرا بوو 22/2/2017
‌ میكانیزمێكی نوێ بۆ وه‌ستاندنی خوێنبه‌ربوونی مێشك 22/2/2017
‌ كونێكی ڕه‌ش له‌ گه‌له‌ ئه‌ستێره‌كه‌ماندا خۆی شاردووه‌ته‌وه‌ 22/2/2017

© 2009 KURDISTANY NWE, All RIGHTS RESERVED. | CREATED BY AVESTA GROUP