په‌یوه‌ندییه‌کانی تورکیاو ئه‌ڵمانیا ئاڵۆزتر ده‌بێت
په‌یوه‌ندییه‌کانی تورکیاو ئه‌ڵمانیا ئاڵۆزتر ده‌بێت ‌ ئامادەکردنی: بورهان ئەمین‌ 17/5/2017
هه‌تادێت په‌یوه‌ندییه‌کانی نێوان ئه‌ڵمانیا و تورکیا،گرژی  وئاڵۆزی زۆری تێکه‌وتووه‌، به‌تایبه‌تی له‌پاش به‌ئه‌نجامگه‌یاندنی ریفراندۆم و سه‌پاندنی سیسته‌می سه‌رۆکایه‌تی له‌ تورکیاو پێشێلکارییه‌ زۆره‌کانی حکومه‌تی ئاک پارتی به ‌سه‌رۆکایه‌تی ئه‌ردۆغان له‌بواری مافی مرۆڤ ‌وئادایییه‌ سیاسیی‌و رۆژنامه‌گه‌رییدا، هێنده‌ی تر ئه‌م په‌یوه‌ندییه‌ درزی تێکه‌وت. هه‌رئه‌مه‌ش وایکردووه‌، که‌ رۆژ له‌دوای رۆژ،  په‌یوه‌ندی نێوانیان گرژی زیاتری تێبکه‌وێت.

ناڕەزایی لەدژی فرۆشتنی چەک بەتورکیا
ماڵپەڕی شپیگل ئۆنلاینە بڵاوی کردۆتەوە،ڕۆژی ١٠ ی ئەم مانگە ژمارەیەکی بەرچاو لە هاوڵاتیانی ئەڵمان‌وچالاکوانی بواری کۆمەڵگەی مەدەنی ڕۆشنبیران لەبەردەم هۆڵی کۆبونەوەی ساڵانەی کۆمپانیای «ڕاینمیتاڵ» تایبەت بەدروستکردنی چەکوتەقەمەنی لەبەرلینی پایتەخت، خۆپیشاندانێکی ناڕەزاییان ڕێکخست لە دژی فرۆشتنی چەک بە وڵاتی تورکیا،خۆپیشاندەران لەدروشم‌وداواکاریەکانیاندا ئیدانەی ئەو بازرگانیکردنەوەی چەکی ئەڵمانیایان کرد بۆ وڵاتی تورکیاو پاساوی ئەوەیان بۆ دەسەڵات‌وئەو کۆمپانیایە هێنایەوە، کە ئەو وڵاتە لەدژی هاوڵاتیانی خۆی‌و سەرکوتکردن‌وزیندەبەچاڵکردنی خەڵکەکەی بەکاری دەهێنێ‌وپێویستە ئەو پرسە بەهەند وەربگیرێ‌ و چیتر ئەڵمانیا چەک بە تورکیا نەفرۆشێت.

ڕۆژنامەنووسێکی ئەڵمانی لەتورکیا دەستگیرکرا
له‌لایه‌کی تره‌وه‌ ئاژانسەکانی هەواڵی ئەڵمانیا ئاشکرایان کرد کە دەزگای دژەتیرۆری تورکی ڕۆژنامەنوسێکی ئەڵمانی دەستگیرکردوە کە بۆ دەزگایەکی میدیای چەپەکان کاریدەکرد،ئەو ڕۆژنامەنوسە ناوی «میسال تۆلۆ»یەو بەڕەگەزتورکە،وەک وەرگێڕلە «ئاژانسی ئیتا»کاری کردوە،ڕۆژی ١٢/٥ لەلایەن یەکەیەکی تایبەتی پۆلیسی تورکیا لەهەڵمەتێکدا بەناوی گەڕان بەدوای تیرۆریستان لەشوققەکەی خۆیدا لە ئەستنەبۆڵ، لەگەڵ کوڕە دووساڵانەکەی دەستگیر کراوەو بۆ شوێنێکی نادیاریان گواستۆنەتەوە،ژنە ڕۆژنامەنوسی ئەڵمانی»میساڵی تولو»ئەندامی ڕێکخستنێکی چەپ بوەو پێشتریش لەڕادیۆی هەمان ڕەوت کاری میدیایی کردوە، لە ٢٠٠٧ وە ڕەگەزنامەی ئەڵمانی پێ بەخشراوە،بەبەردەوامی لە ڕۆژنامەکانی ئەڵمانیا دەنوسێ و زنجیرەیەک ڕاپۆرتی لەسەر ڕەوشی سیاسی تورکیاو کێشەکانی ئەو وڵاتە بڵاوکردۆتەوەو ڕەخنەی گرتوە،هەمان دەزگا پێشتر ڕۆژنامەنوسێکی تری ئەڵمانی بەڕەگەز تورک دەستگیرکرد بەناوی «دێنیزیوجێل»و ئەم مەسەلەیە گرژیەکی تری خستە نێوان پەیوەندیەکانی هەردوو وڵات.

ئەڵمانیا مافی پەنابەرێتی دەداتە دیپلۆمات و ئه‌فسه‌رو سه‌ربازه‌ تورکەکان
لەدوای کودەتا شەکستەکەی ساڵی رابردووی تورکیا،حکومەتی ئاکەپە هەڵمەتێکی ڕەشبگیری لەدژی هەزارەها تۆمەتبار دەستپێکرد کەبە هەوڵدان بۆ ڕوخاندنی دەسەڵات تێوەگلابون‌وگوایە پەیوەندیان بە فەتحوڵلا گویلەن، سه‌رۆکی بزووتنه‌وه‌ی خزمه‌ت هەبوە،بەپێی هەواڵیکی پێگەی «تاگشەو»ی تەلەفزیۆنی  ARD  لەترسی ئەو هەڵمەتە پۆلیسیە ٤١٤ دیپلۆماتکارو سەربازو ڕوناکبیری تورک پەنایان بۆ ئەڵمانیا بردوه‌و خۆیان ڕادەست کرد بەمەبەستی وەرگرتنی مافی پەنابەرێتی، بەپێی تازەترین هەواڵ کەلە ڕۆژنامەی سود دۆیچەزایتۆنگ بڵاوکراوەتەوە سەدان کەس لەوانە مافی پەنابەرێتیان پێدراوە کە زۆربەشیان لەو سەربازانەی هێزەکانی ناتۆن کە لە ئەڵمانیا جێگیر کراون، وەزارەتی ناوخۆش زانیاریەکانی ئەو ڕۆژنامەیەی پشتڕاست کردۆتەوە. پرسی مافی په‌ناهه‌نده‌ دان به‌و که‌سانه‌ش، گرژییه‌کی تری خستۆته‌ نێوان ئه‌ڵمانیا و تورکیاوه‌.


ناو:  
ئیمه‌یل:    
سه‌رنج:  

#7280
30/5/2017
ئه‌رشیف
وه‌رزش
‌ كیربیر ماڵئاوایی كرد 30/5/2017
‌ به‌ڵێنه‌كه‌ی‌ ده‌باته‌ سه‌ر 30/5/2017
زانست
‌ خواردنه‌وه‌ی دوو كوپ قاوه‌ له‌ ڕۆژێكدا به‌سووده‌ 30/5/2017
‌ به‌ر له‌ به‌كارهێنانی بۆنخۆشكه‌ری هه‌وا ده‌بێت ئه‌م ڕاپۆرته‌ بخوێنینه‌وه‌ 30/5/2017
‌ كیوكن هۆف، سه‌رچاوه‌ی نان به‌ گوڵ 28/5/2017

© 2009 KURDISTANY NWE, All RIGHTS RESERVED. | CREATED BY AVESTA GROUP