هه‌ناسه‌ تیواره‌كان
به‌شێك له‌ قه‌سیده‌ی‌ هه‌ناسه‌ تیواره‌كان ‌ 18/5/2017
محه‌مه‌د كه‌ساس
          1  
من و عه‌شقی‌ سلێمانی‌ 
سیانه‌ی‌ ژینی‌ به‌ ئازارین 
له‌ پاییزی‌ عومری‌ تارا 
وه‌رزی‌ ته‌ڕی‌ پڕ به‌هارین 

          2  
ده‌مێك ساڵه‌ به‌دڵ ده‌گریم 
بۆ ئاینده‌ی‌ نادیارم 
چ بكه‌م چاره‌نووسم وایه‌ 
ده‌گۆڕێت به‌ پاییز به‌هارم 

          3  
حوكمی‌ زاڵم، حوكمی‌ چاوت 
بۆ من هه‌ردووكیان وه‌ك یه‌كن 
ئه‌م حوكمێكی‌ به‌ ئازاره‌ و 
ئه‌ویان پڕ له‌ میهر و ئه‌وین 

          4  
به‌ حوكمی‌ شه‌رعی‌ ئیلاهی‌ و 
به‌ یاسای‌ زه‌مینی ئێستا 
رووباری‌ خوێن له‌ جه‌سته‌ما 
له‌به‌ر نیگای‌ چاوت وه‌ستا 
          5  
عه‌شق له‌ چاوانی‌ تۆدا زاڵمێكه‌ 
نیگای‌ بزه‌م تێده‌گرێ‌ 
بۆیه‌ مه‌رگ له‌به‌ر پێما 
به‌چۆكا دێ‌ و خێرا ده‌مرێ‌ 

          6  
تیری‌ نیگات دڵی‌ پێكام 
له‌ رۆحمه‌وه‌ هاته‌ ده‌رێ‌ 
له‌ سه‌رمه‌وه‌ گوڵێك رووا 
تا په‌یام بۆ، ئاسمان به‌رێ‌

          7  
رۆژێ‌ دێ‌ ئه‌م ئه‌وینه‌ی‌ من
ده‌مگه‌یه‌نێت به‌ فه‌نابوون 
یان ده‌مباته‌ خه‌ڵوه‌تگایه‌ك 
یان شێتێكی‌ لانه‌ زه‌بوون 

          8  
له‌ یه‌كه‌م چركه‌ی‌ بینینا تیری‌ نیگات 
مه‌لی‌ دڵی‌ پڕ حه‌سره‌تی‌ زامدار كردم 
له‌ چاوانتا ئاسمانێك عه‌شق و خه‌مم دی‌ 
هێدی‌ ، هێدی‌ .. بۆ فه‌نابوونیان ده‌بردم 

          9  
وه‌كو خۆرێ‌ له‌ ئاسمانی‌ تاری‌ دڵما 
بارگه‌ت خست و به‌ ئه‌وینت بوومه‌ سووتوو
بوویته‌ چرا بۆ شه‌وانی‌ ته‌نیایی‌ دڵ 
دڵنیام كه‌، ئه‌وینیشت بووه‌ په‌رجوو 

          10  
ئاگری‌ دووریت رۆحی‌ سووتاندووم 
هه‌ناسه‌م بۆسۆی‌ ئه‌وینی‌ لێدێ‌ 
تانوپۆم پڕه‌ له‌ سكڵی‌ جوانی‌
زه‌ن ده‌كه‌م مه‌رگ و سووتانی‌ پێ‌ بێ‌


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP