رێگا بە ئەردۆغان نادرێ ریفراندۆمی داهاتوو لە ئەڵمانیا بکات
رێگا بە ئەردۆغان نادرێ ریفراندۆمی داهاتوو لە ئەڵمانیا بکات ‌ ئامادەکردنی: بورهان ئەمین‌ 10/5/2017

بەپێی ڕاپۆرتێکی ژمارەی ڕۆژی ٥/٥ ی ڕۆژنامەی سوددۆیچەزایتۆنگی ئه‌ڵمانیا بێت،حکومەتی ئەڵمانیا ئەمجارە ڕێگا بەتورکیا نادات بنکەی ڕیفراندۆم لەناو خاکی ئەڵمانیا دابنێت بۆ دەنگدان لەسەر گەڕاندنەوەی یاسای لەسێدارەدان لەتورکیا.

ره‌وه‌ندی تورکی جێگه‌ی پرسیاره‌
ڕۆژنامەکە ئاماژەی بەوەشکردوە کە لە ڕیفراندۆمی هەموارکردنەوەی دەستورەکەی زۆرینەی ڕەوەندی تورکی لەئەڵمانیا، دەنگیان بەپڕۆژەکەی حکومەتی ئاکپارتی داو ئەو مەسەلەیە هەرایەکی زۆری ناوەتەوە کەئایا بۆچی ئەو تورکانەی ئەڵمانیا لەژێرسایەی ئازادی ودیموکراسیدا، داوای گەڕاندنەوەی دیکتاتۆریەت بۆ وڵاتی زگماکی خۆیان دەکەن وچی وای لێکردون کە هاوسۆزیان لەگەڵ ئەوسیستەمەو دارودەستەی ئەردۆغان زیاتر بێت لەو سیستەمەی کەلەبەریدا حەساونەتەوە.

دژی بنه‌ماکانی ئه‌وروپا و ئه‌ڵمانیایه‌
لەمبارەیەوە»ستیڤان زیبەرت»ی وته‌بێژی حكومه‌تی ئه‌ڵمانیا لەبەرلینەوەبۆ میدیای ولاتەکەی ووتی: ڕیفراندۆمی لەمشێوەیە‌ له‌ئه‌ڵمانیا نابێ بکرێت،هیچ مەعقول نییە ڕێ بەسیاسەتێک بدەین کە پێچەوانەی بنەماکانی سیاسەت‌ونەریتە باوەکانی ئەوروپاو ئەڵمانیا بێت. وتیشی: ئه‌گه‌ر توركیا بەتەمای ئەوەبێت له‌باڵیۆزخانه‌و کونسولەکانی هه‌ڵبژاردن ڕیفراندۆم بکات، ئێمه‌ ڕێگه‌ی پێ ناده‌ین‌وتا ئێستاش هیچ داوایەکی لەمشێوەیامان پێ نەگەیشتووە،ئەگەر پێشمان بگات ناهێڵین‌وئێمە سورین لەسەر پاراستنی بنەماکانی ژیانی مرۆڤایەتی ودەستورو دیموکراسیەت.

رێگه‌ نادده‌ین
هەرلەسەر  پرسه‌، «مارتین شۆڵز» سایسەتمەداری پارتی سۆسیالدیموکرات وکاندیدی پۆستی ڕاوێژکاری ئەڵمانیا بۆ هەڵبژاردنی چەند مانگی داهاتوو بۆ ماڵپەڕی شپیگل ئۆنلاینە ڕایگەیاند: ئەو وڵاتە بۆی نییە لەناو ئەڵمانیا کار بۆ گەڕاندنەوەی سزای لەسێدارەدان بکات‌وناهێڵین ڕەوەندی تورکی فێری دابونەریتی سیاسەتی دیکتاتۆرانە ببن‌ودەنگی بۆ بدەن.
زۆربه‌ی پارته‌کان دژن
پێشتریش «زیگمار جوبرائیل»ی وەزیری دەرەوەی ژمارەیەک بەرپرس وسیاسەتمەداری تری وەک «جەم ئۆزدەمیر»ی سەرۆکی پارتی سەوزو سەرۆک‌وبەرپرسانی هەریەک لەپارتی سەوزو چەپەکان ڕایان ئەوەبوە کە نابێت بهێڵدرێت تورکیا لەناو خاکی ئەڵمانیا بانگەشە بۆ بەرنامەکانی بکاو هەوڵی گەڕاندنەوەی ئەو سزایە بکات چونکە ئەمە لەگەڵ سیستەمی وڵاتەکەیان ناگونجێت.

په‌رله‌مان ناهێڵێت
شایانی باسە ڕۆژانی ڕابردوو ڕۆژنامەی «ساربروکەزایتۆنگ» لەڕاپۆرتێکیدا ئەوەی ئاشکراکردوە، کەلەناو پەرلەمانی ئەڵمانیا رایەکی وا هەیە کەبەیاسا ڕێگا بەتورکیا نەدەن کاری لەمجۆرەبکاو چونکە خۆی لەخۆیدا سزای لەسێدارەدان پێچەوانەی دەستورو دابونەریتی پێشکەوتنخوازانەو بازنەی توێژینەوەکانی ناو پەرلەمان راپۆرتێکیان ئامادەکردوە، کە ڕێگالەم هەوڵەی تورکیا دەگرێ وحکومەت ڕادەسپێرێت کە ڕێگری لەهەر هەوڵێکی لەمجۆرەی تورکیا بکات.
مێرکلیش دژی ده‌وه‌ستێته‌وه‌
ئەنجێلا مێرکلیش تا ئێستا راستەوخۆ باسی لەو ڕیفراندۆمە شتی وانەکردوە، بەڵام لەچەندین بۆنەدا، داوای لەتورکیا کردوە کەبنەماکانی مافی مرۆڤ ودیموکراسیەت بپارێزێ وسزای لەسێدارەدان نەگەڕێنێتەوە ناو یاساکانی.


ناو:  
ئیمه‌یل:    
سه‌رنج:  

#7371
24/9/2017
ئه‌رشیف
وه‌رزش
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
‌ ئه‌ندریه‌ واردی پاڵه‌وانی جیهان وازهێنانی راگه‌یاند 24/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP