با زانكۆكان ژمارەی مامۆستایان و كارمەندانیان رێژەیی بێت بەرامبەر ژمارەی خوێندكارانیان
با زانكۆكان ژمارەی مامۆستایان و كارمەندانیان رێژەیی بێت بەرامبەر ژمارەی خوێندكارانیان ‌ پ.ی‌. د. وه‌لی‌ مه‌حمود‌ 18/5/2017
ئەمرۆ لەسەرتاسەری وڵاتانی دونیا بابەتی دارایی زانكۆكان و رێزبەندی زانكۆكان پەیوەستە بە بابەتی رێژەی خوێندكار بۆ مامۆستاو كارمەندانی كارگێری و تەكنیكی .وە لە لایەكی تریش لایەنی داهات و دەوڵەمەندی زانكۆكان و پەیداكردنی تەكنیكی نوێ و بەرزكردنەوەی ئاستی باڵەخانەو لابۆرو هۆكارەكانی تر پلە بەندی دەكرێت و خاڵێكی گرنگی ئەژماركراوە لە بابەتی رێزبەندی زانكۆكان .
رێژەی مامۆستا بۆ خوێندكاران دەگۆڕێت لە نێوان جۆرێك پسپۆری بۆ پسپۆریەكی تر وە لە وانەی تێوری بۆ پراكتیكی، بەڵام بە شێوەیەكی گشتی (ستانداردی جیهانی هەیە لە لایەن (Unisco)  وە دیاری كراوە)، وە دەتوانرێت بڵێین چەند بتوانرێت ئەم رێژەیە لە ستانداردی (Unisco)  نزیكتر بكرێتەوە ئەوەندە باشەو چاكە بۆ ئەو زانكۆیە یاخود پەیمانگایە .وە لە هەمان كاتدا ژمارەی كارمەندو فەرمانبەری كارگێری و تەكنیكی دەبێ بەهەند وەربگیرێت و بۆیە دەبێت ئەمساڵ لە مانگی (٩/٢٠١٧) كە بۆ جاری سێیەم ریزبەندی نیشتیمانی زانكۆكانی كوردستان رادەگەیەندرێت بابەتی ژمارەی مامۆستا – ژمارەی خوێندكاران وە ژمارەی فەرمانبەران – ژمارەی خوێندكاران وە تێكرای خەرجی و پارەی خەرج كراو لەهەر زانكۆیەك ساڵێكی خوێندن و ژمارەی خوێندكارو توێژینەوە ئەژماربكرێت و لێپێچینەوەی لەسەر بكرێت .چونكە ناكرێت ئەم بابەتە تەنها وەك لایەنی ستانداردی جیهانی ئەژمار بكرێت .وە لە وڵاتێكی دراوسێ ی وەكو ئێرانمان چەند مامۆستا هەبێت ئەوەندە فەرمانبەرەش هەیە وە ژمارەی مامۆستایان (بەرامبەر هەر ٢٥-٣٠ خوێندكارێك) مامۆستایەكی هەڵگری بڕوانامەی دكتۆراە ئەژمار دەكەن .واتە ئەگەر بۆ نمونە (٤٠٠) مامۆستایان هەبێت ئەوە دەبێ نزیكەی (٤٠٠) فەرمانبەریشمان هەبێت و نزیكەی (١٠٠٠٠) خوێندكاریشمان دەبێ .بەڵام دەتوانن بە دامەزراندنی كاتی و خوێندكارانی دكتۆرا و ماستەریشیان سوود لێ ببینن بۆ ووتنەوەی بابەتەكە پراكتیكی و كرداریەكان وە هاوكاری مامۆستایانی ستاف بكەن .
وە ماوەی (٢) ساڵە لە زانكۆكانی هەرێم بابەتی دامەزراندنی یەكەم و دووەم و سێیەمی سەربەشەكان لە زانكۆكان دانەمەزراون كەچی ئەوان لە لایەك لە هەندێك بەش و پسپۆری زۆر پێویستن وە لە لایەكی تر پرۆسەی دامەزراندنی یەكەمەكان هەمیشە هۆكاری هاندان و كێ بركێ و بەرزكردنەوەی ئاستی زانستی خوێندكاران بووە .من نالێم لە هەموو پسپۆریەك دەرچوانی زانكۆكان پێویستە لە زانكۆ و لە هەمان بەشەكانی خۆیان دابمەزرێن. بەڵام بەدڵنیاییەوە لە زۆر بەش و پسپۆری پێویستن بۆ نمونەش بەشەكانی (فیزیاو كیمیا و بایۆلۆجی و كارەبا و كۆمپیوتەر ......هتد) حالی حازر لە زۆر زانكۆ كەمی كادیری هەڵگرانی بكالۆریۆس واتە (معید) هەیەو زانكۆكان پێویستیانە. بۆیە لەوانەیە لەم قەیرانەو دوای چارەسەری قەیرانیش دامەزراندنی هەموویان لە زانكۆكان زۆر پێویست نەبێت،بەڵام واچاكە زانكۆكان پێداچونەوە بكەن بە پێویستیان بە ژمارەی فەرمانبەرانیان و یەكەمەكان بەڵام دەكرێت لە ئێستادا یەكەم و دووەم و سێیەمەكان هەمویان دابمەزرێندرێن) بەڵام ئەوەی لە زانكۆكان پێویست ئەبن (بە پێ ی پێداویستی باقی وەزارەتەكان و دام و دەزگاكانی دەوڵەت دابمەزرێندرێت ) چونكە هەم بۆ كێ بڕكێ و ئاستی خۆماندو كردنی خوێندكارانی زانكۆكان شتێكی باشەو هەم پێداویستیەراستەقینەكانی زانكۆكان و فەرمانگەو وەزارەتەكانی تر پڕدەكاتەوە بۆیە لە بابەتی ریزبەندی نیشتیمانی زانكۆكانیش دەبێ ئەم  بابەتە لەبەر چاو بگیرێت و بە هەند وەربگیرێت چونكە ناكرێت هیچ پارەیەكی دەوڵەتی لە پرۆسەیەك خەرج بكرێت بەرهەمەكەی دیار نەبێت .
*سەرۆكی زانكۆی كۆیە


ناو:  
ئیمه‌یل:    
سه‌رنج:  

#7393
18/10/2017
ئه‌رشیف
وه‌رزش
‌ له‌مه‌ودوا كێ له ‌خه‌می وه‌رزشكاراندا بێت؟ 18/10/2017
‌ فوتساڵی کچان 18/10/2017
زانست
‌ توێژینه‌وه‌یه‌كی نوێ هۆكاری جیاوازی ره‌نگی پێست ده‌رده‌خات 18/10/2017
‌ دوای چوار ده‌یه‌ كونه‌ ئالۆزه‌كه‌ی ئه‌نتاركتیكا ده‌رده‌كه‌وێته‌وه‌ 18/10/2017
‌ ئاژه‌ڵی ماڵیی بۆ چاره‌سه‌ری ده‌روونیی 18/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP