کوردئایدڵ و خەونی کوردستانی گەورە
کوردئایدڵ و خەونی کوردستانی گەورە ‌ سه‌ڵاح شێخ سدیق‌ 19/5/2017
یەکگرتنەوەی چوارپارچەکەی کوردستان و  پێکهێنانی دەوڵەتێکی سەربەخۆی کوردیی، خەونی هەر تاکێکی کوردە. ئیتر ئەو تاکە هەڵسوراوی بواری  سیاسەت یان کەلتوریی یان مەزهەبی بێت، گرنگ ئەوەیە کە هەردەم وەک ئاوات و خەونێکی نەتەوەیی لە مێژساڵە لە هزرو بۆچوون و تێروانینی تاکەکاندا وێرای جاوەڕوانی هەوڵ و خەبات و تێکۆشانێکی پڕ قوربانی و دەریایەک خوینی بۆ رژاووە.
زەمەن هات وچوو، بزووتنەوەی سیاسی کوردان پاش جەندین شوڕش و نسکۆ و هەستانەوە، توانرا لە لەیەک لە چوار پارچەکان لە باشووردا هەرێمێکی سەربەخۆ یان دەسەڵاتێکی خۆماڵی پێکەوەبنرێ و چارەکێک لە خەونە گەورەکە هەتا رادەیەک وەدیبێت .
بەڵام قسەکە لێرەدا ئەوەیە کە داخۆ ئەم هەرێمەی باشوور هەتا چ رادەیەک هاوکارو پشتگیرو رێگەخۆشکەرو ئاسانکارییکارە بۆ  سێ پارچەکەی دی ، ئایا ئەم چارەکە بەردەبازە بۆ پارچەکانی دیکە لە کاروانی سەفەری نەتەوەیی دا بۆ ئازادی و سەربەخۆیی و پێکهێنانی دەوڵەتی سەربەخۆ لە  کوردستانه‌ گەورەکەدا ،
بێگومان نەخێر نەوەکی هەر ئەوهالە  نەبووە، بەڵکو زۆرجاران شەڕی بەوەکالەتیش کراوەو رووی چەکەکان کراوەتە براکان و وەک ئەوەی کە داگیرکەرانی کوردستان خەونی پێوەدەبینن، لە دواجارا  وەدیهاتنی خەونی داگیرکەران خراوەتە بری خەونە نەتەوەییە گەورەکە.
ئەگەر لە هەوڵی سیاسیەکان و حزب و رێکخراوەکانیان بگەرێین و سەرنجێک لە بواری هونەرو مۆسیقا بدەین ئەوا لەم بوارەدا گەلێک باشترو دڵسۆزانەترو جددییتر هەوڵ و کۆششەکان بەدی دەکرێن بۆ وەدیهێنانی خەونە گەورەکە .
لەم رۆژانەدا کەناڵی کوردسات وەک هەمیشە رۆڵی گرنگ و داهێنەرانەو پێسەنگانە و هاوچەرخانەی خۆی گێڕایەوەو  زۆر سەرکەوتوانە بەرنامەی  کوردئایدڵ  پیشکەش دەکات. کە خودی بەرنامەکە ستانداردێکی جیهانی و نێودەوڵەتی هەیە،  سەرباری کوالیتی باش و دیقەتی هونەری جوانی وێنەگرتن دەنگ  و پەخشی ستاندارانەی بەرنامەکە، کە هیچی کەمترنیە لە ستانداردە جیهانییەکە بە به‌راوورد لەگەڵ هەمان بەرنامە لەگەڵ ووڵاتانی دراوسێ و هەتا جیهانییەکانیش .
ئەوەی لە کوردئایدڵ دا بۆ کوردان گرنگ و جێگای بایەخە کە بۆ ئێمەی نەتەوەیەکی داگیر و دابەشکراو  هەموو پێودانگەکان دەگۆرێن و هەست و سۆزی نەتەوەیی زیاتر جۆش دەدات و دەگاتە لوتکەی هەستە نەتەوەییەکان.
 ئاخر جاران بۆ کورد زۆر گرنگ و جێگەی بایەخ بوو ئەگەر وەکو کوردێک دەرفەتی ئەوەی هەبووبێت لە عەرەب ئایدڵ بەشداری بکات، بگاتە قۆناغەکانی کۆتایی لەوێوە بە گوێی جیهانیاندا بدات و بڵی ئیمەش وەک کورد خاوەنی کەلتورو مۆسیقاو گۆرانی خۆمانین، وەک ئەوەی لە ساڵانی پێشوودا پەرواز حسێن لە عەرەب ئایدڵ و دارین زانیار لە سوید ئایدڵ دا ئەنجامیانداو رۆڵی دیار و بەرچاویان هەبوو .
زۆر بەووردی بینەری هەموو بەشەکانی کوردئایدڵ-م، بەسەرنجەوە لە گەڵ هەست ونەستی بەشداربووان و کۆمیتەی دادوەرییەکە دا دەژیم.. ئاگام لێیە ئەوانەش کە سەرناکەون بۆ قۆناغەکانی فیناڵ هەموو دەڵین لە  کوردئایدڵ  دا خۆشترین ساتەکانی خۆمان بەسەردەبەین. ئەگەر بۆماوەیەکی کاتیش بێت ئەوا خەونی گەورەی نەتەوەیمان مومارەسە کردو بە کرداریی هەر چوارپارچەکە پێکەوە دانیشتین قسەمان کرد، سەفەرمان کرد، لە خوانەکاندا پێکەوە بووین» لە تۆرەکۆمەڵایەتییەکان بووینە هاوری  ....  شارەزای کەلتوری ناوجەیی یەکدیی بوین جل و بەرگی گەرمیان و کوێستان و هەموو ناوچەو دیالێکتەکامان لە نزیکەوەو بە چاوی خۆمان بە ڵایڤ و راستەخۆ و واقعی بینی .. 
به‌شداربوویه‌ك جوانی پێكا و قسه‌ی دڵی هه‌موومانی كرد، كاتێك وتی:
 ئەوەی سیاسەت و ئایین نەیتوانی لە خه‌ونەکانمان نزیک بکاتەوە ئەگەر بەتەواوی وەدیشی نەهێنێ، بەڵام هونەرو مۆسیقا زۆر سەرکەوتوانەو هاوچەرخانە هەر چوارپارجەکەی لە کەلتورو هونەرو دیداری راستەخۆدا بەیەکگەیاند.


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP