ئەڵمانیا: بە ترەمپکـردنـی نـاوچەکە کارێکی مەترسیدارە
ئەڵمانیا: بە ترەمپکـردنـی نـاوچەکە کارێکی مەترسیدارە ‌ ئامادەکردنی: بورهان ئەمین‌ 13/6/2017
تەنگژەی نێوان وڵاتانی کەنداو لەمرۆژانە بوە جێی بایەخی میدیاو نێوەندە سیاسیەکان لە ئەڵمانیاو زۆربەیان پلاریان گرتە وڵاتە یەکگرتوەکانی ئەمریکاو دۆناڵد تره‌مپ کە ئەو بەزموئاژاوەیان لەناوچەکە ناوەتەوە،لەسەر ئەمە لەکاردانەوەی حکومەتی ئەنجێلا مێرکلدا «زیگمارجوبرائیل»ی وەزیری دەرەوە پشتیوانی بۆ قەتەر ڕاگەیاندو لەدژی سیاسەتی ئەمریکا لەناوچەکە وەستایەوەو ئاماژەی بەوە کرد کەترەمپ لەوسەردانەیدا بۆ کەنداو ویستی سیاسەتی خۆی فراوانترو گشتگیربکا لەمبارەیەوە ووتی: ترەمپکردنی ناوچەکە کارێکی مەترسیدارە.

ناوچەکە وەک بەرمیلە بارودە
وەزیری دەرەوەی ئەڵمانیا بۆ ڕۆژنامەی «هاندلسپلات» نیگەرانی وڵاتەکەی لەم بارە نەخوازراوەی کەنداو ئاشکراکردوڕایگەیاند کە ئەو گرێبەستە گەورانەی چەک و تەقەمەنی بۆ سعودیە ئەو گۆبەندەی بەدواوەبوەو داوای لەلایەنەکان کرد کە دانیشتن ودیالۆگ بکەن بۆ چارەسەرکردنی کیشەکان ومەرامی ترمپ بەدی نەهێنن،چونکە ناوچەکە پڕ کێشمەکێشمەو وەک بەرمیلێک بارودی سیاسی و سەربازی وایەو نابێت بهێڵدرێت لەوە زیاتر تەشەنە بسەنێت،هەمان کات ناوبراو لەدوای کۆبونەوەی لەگەڵ وەزیری دەرەوەی سعودیە وتیشی لەسەر هەموو ئەو ئەندامانی هاوپەیمانێتی نێودەوڵەتی کەلەدژی داعش شەردەکەن پێویستە نەهێڵن کۆمەکە حکومی و غەیرەحکومی بۆ گروپە تیرۆرستیەکان بڕوات.

لەدژی هەژمونی ئێرانە
ڕۆژنامەی بەناوبانگی ئەڵمانی»دی ڤێڵت» لەمبارەیەوە دەڵێت:سعودیەو میسر رابەرایەتی ئەو هاوپەیمانێتیە سونیەدەکەن کەلەدژی هەژمونی ئێران لەناوچەکەدا بەپشتیوانی ئەمریکاوئیسرائیل دروستکراوە، ئابڵوقەدانی قەتەریش یەکەمین هەنگاوی جموجۆڵی ئەو هاوپەیمانێتیەو بەپراکتیزەبونی سیاسەتی تره‌مپە لەوناوچەیەدا 

قەتەر تەمبێ دەکەن
هەروەها ڕۆژنامەی «فرانکفۆرتە ئەلگێماینە زایتۆنگ» نوسیویەتی، تەنگژەکان لەخۆڕا ڕونادەن، ئەوەی ئەمداواییەی کەنداو لەپاش سەردانەکەی تره‌مپ هات بۆ سعودیە،وەهابیەکانی سعودیە دەریان خست کەبۆ خزمەتی ئەمریکیەکان کۆڵەگەی ئاشتەوایی وئارامین بۆسوننەکانی ناوچەکە،ئەگەرچی بەکردار قەتەر لەمساڵانەی دواییدا دەرگای بۆهەندی ڕەوت وگروپی سیاسی وچەکداری ئیسلامی کردوە لەوانە ئیخوانەکانی میسر،هەر بۆیەش دەرگای پەیوەندیەکانی لەگەڵ ئێران کراوەتر و فراوانتر بو،بۆیە دراوسێکانی دەیانەوێت دەرسێکی وای بدەن کەهەرگیز لەبیری نەچێتەوە،سعودیە بەپشتیوانی تره‌مپ و بەوبەسیاسەتەی دەیەوێ ڕایبگەیەنێت کە کێ ئاڕاستەی پەیوەندیە هەرێمیەکانی پادشاکانی کەنداو دیاریدەکات.
یان لەبەرەی ئێران یان دژایەتیکردنی
ماڵپەڕی « شپیگل ئۆنلاینە»س نوسیویەتی،دەرودراوسێ‌وئەمریکیەکان بە هاوکاریکردنی تیرۆر ئەو وڵاتە تۆمەتبار دەکەن، ئێستا ئەو وڵاتە لەبەردەم دوڕیانێکدایەو یەک لەم دوو ڕێگایەی لەبەردەمدایە یان دەبێت پشت بکاتە ئێران ودۆستایەتی نەکان یان دەبێت لێی نزیکتر بێتەوەو ببنە پشتو پەنای یەکتر.

هەردو وڵات هاوکاری تیرۆریان کردوە
ڕۆژنامەی «تاگسزایتۆنگ»یش بەهەمان شێوە دەڵێت:لەماوەی ساڵانی ڕابردوو هەردوو وڵاتی قەتەرو سعودیە یارمەتی‌وهاوکاری گروپە توندڕەوەکانی وەک حەماسی فەلەستینی قاعیدەی پێشووو سەرەتاکانی دروستبونی داعشیش،هەردولاش بەبەردەوامی ئەو تۆمەتانەیان بەسەر یەکدیدا بەخشیوەتەوە، جگەلەوەش قەتەر بەپەخشکردنی کەناڵی ئەلجەزیرەی هەواڵی وبەتواناو تەکنه‌لۆژیایەکی پێشکەوتوو نیمچە ئازاد بوە جێی سەرنج وتوڕەیی زۆرێک لەو وڵاتانەو بە هاوکاری کردنی تیرۆریستان تۆمەتبار کران.
ئەمریکا سەبەبکارە
«زودڤێست برێسە»ش ئەمریکا بەدروستکەری ئەو بارە نالەبارەی کەنداو دەزانێ و دەڵێت:سعودیه‌ودۆستەکانیان لە هاریکاری کەنداو باش لە مەبەستی ترمپ تێگەیشتون کە لەسەردانەکەیدا مەبەستی دروستکردنی هاوپەیمانێتیەکی کەنداو بوە بۆ دوژمنداری ئێران ،لەو هاوکێشەیەشدا خۆدەبێت سەرەتا دۆستەکانی ئێران تەمبێ بکەن.

بەرژەوەندی هاوبەشی ئەڵمانیاو قەتەر
شایانی باسە وڵاتی قەتەر بە سێیەم گەورە بازاڕی هەناردەکانی ئەڵمانیا دەژمێردرێت،بڕی هەناردەکانی ئەو وڵاتە بۆ قەتەر ساڵانەخۆی لە ٢٥ ملیار یۆرۆ دەدات، ڕێژەی پشکەکانی قەتەریش لە کۆمپانیا ئەڵمانیانیەکان زۆرە، بۆنمونە لە ڤۆلکسڤاگن ١٧ ٪ یە،جگەلەوەش ١١،٢ پشکەنایابەکانی هەیە کەدەکاتە نزیکەی ١٢ ملیار یۆرۆ،پشکی لە «دۆیچە بانک» ١٠٪ یە،لەکۆمپانیای «سێمنس» ٣٪ ولەکۆمپانیای «هاباغ لوید؟ ١٤٪ یە،جگەلەوەش ٦٤ کۆمپانیای ئەڵمانیا لەدەوعەی پایتەخت کاردەکەن.


ناو:  
ئیمه‌یل:    
سه‌رنج:  

#7344
18/8/2017
ئه‌رشیف
وه‌رزش
‌ له‌ نێو لیستی باشترین 10 یاریزانی ئه‌وروپادا ناوی نه‌یمار نییه‌ 17/8/2017
‌ یاریزانانی سلێمانی پێشه‌نگ بوون 17/8/2017
زانست
‌ لەسەر زمانی ئێمەیە‌و لەسەر پەنجەی كەڕولاڵەكانیشە 18/8/2017
‌ ئه‌وانه‌ی‌ ئاره‌زوو ده‌كه‌ن ببن به‌ دایك ئه‌م بابه‌ته‌ بخوێننه‌وه‌ 18/8/2017
‌ منداڵ هه‌ستی‌ حه‌وته‌میشی‌ هه‌یه‌ 18/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP