ئەڵمانیا بڕیارێكی قورس دەدات
ئەڵمانیا بڕیارێكی قورس دەدات ‌ 9/6/2017
دوای پەسەندكردنی پڕۆژە یاسایەك كە لە لایەن پارتی یەكێتی دیموكراتی كریستیانەوە پێشكەشی پەرلەمان كرابوو، حكومەتی ئەڵمانیا دەستی كردووە بە جێبەجێكردنی یاسای تازەی كۆچ، بەو هۆیەشەوە هەزاران كۆچەر دیپۆرت دەكرێنەوە.
عەلی عەبدوڵڵا، كۆچەرێكی كوردە و ساڵێك و 18 مانگە لە ئەڵمانیا گیرساوەتەوە، لەو ماوەیەدا هیچ نەماوە نەیكەم لە پێناوی ئەوەی باوەڕم پێبكەن كە من كێشەم هەیە لە وڵاتەكەم و نابێت بگەڕێمەوە. لێرە ژیانێكی تازەم بۆ خۆم دروست كردووە، بە شكستهێنانی ئەو ژیانە، تێدا دەچم.
عەلی هەڕەشە دەكات و دەڵێت ئەگەر دڵنیا بێت دیپۆرت دەكرێتەوە، نایەوێ‌ بە زیندوویی بگەڕێتەوە كوردستان و دەڵێت خۆم دەكوژم. لەو رۆژەوەی حكومەتی ئەڵمانیا بڕیاریداوە یاسای نوێی كۆچ جێبەجێ بكات، عەلی لە رەوشێكی دەروونیی ئاڵۆزدایە و ترسی هەیە پۆلیس دەستگیری بكات و دیپۆرتی بكاتەوە.
كوردێكی تر لە لایەن فەرمانگەی كۆچی ئەڵمانیاوە ئاگادار كراوەتەوە كە ئەو وڵاتە جێبهێڵێ‌. ئەو دەڵێت، هاوكارییەكانیان بڕیوم و بۆم هەیە تا سەری مانگ لەم شوقەیە بمێنمەوە، دەڵێت قیروسیا لە من، بەڵام دڵنیام هاوڕێكەم خۆی دەكوژێت، چونكە وەزعی زۆر خراپە.
زیادبوونی هەوڵی خۆكوشتن لەلایەن كۆچبەرانەوە، نیشانەی ئەوەیە كە رەوشی ژیانی ئەوان گەیشتووەتە ئەوپەڕی خراپی. ئانالاند برێگت، بەڕێوەبەری رێكخراوێكی بواری كۆچەرانە لە میونشنی ئەڵمانیا، دەڵێت زیاتر لە دە كەیسی هەوڵی خۆكوشتنمان لایە، كۆچبەران لە ژیانێكی خراپدان.
برێگت كە ئاگاداری كەیسی عەلییە، دەڵێت، هیچ پاساوێك نییە بۆ ناردنەوەی عەلی و 10 كۆچەری دیكە كە من ئاگاداری دۆسیەكەیانم، بەڵام بەداخەوە ئەم یاسا نوێیە پێشێلكاریی زۆری بەرامبەر بە مافی كۆچبەران تێدایە. وتیشی: لە مێژووی نوێی ئەوروپادا، ئەوە یەكەمجارە وڵاتانی ئەوروپا، بەو رەقییە مامەڵە لەگەڵ كۆچەران دەكەن.
لەیس خەفاجی، چالاكڤان و نزیك لە پارتی سۆسیال دیموكراتی ئەڵمانیا، دەڵێت: یاساكە ئەوەندەی رێكارێكی ئەمنییە، ئەوەندە بۆ رێكخستنی پرسێكی وەكو پرسی كۆچەران نییە.
لەیس زانیاری زۆری لەبارەی كۆچەران هەیە، دەڵێت: دەرفەتێكی مەترسیدار هەیە بۆ ئەوەی هەموو وڵاتانی ئەوروپا رێسای لەو شێوەیە پەیڕەو بكەن كە هەمووی كەم و كورتییە و بواری پێشێلكاریی زۆری داوە.
لە یاساكەدا دەسەڵاتی ناردنەوەی دەستبەجێی كۆچەر، هەروەها گرتن و سنوورداركردنی هاتوچۆ و چاودێریی مۆبایل و كەلەپچەی قاچ (GPS) بە پۆلیس دراوە. هەر بە پێی ئەو یاسایە، چارەنووسی دەیان هەزار كۆچەر دیپۆرتكردنەوەیە.
خەفاجی دەڵێت، سەدان عێراقی بەهۆی پەنجەمۆر و ئاشكرابوونی پاشخانیان كە پێشتر لە ئەڵمانیا خۆیان تەسلیم كردووە، لە چەند وڵاتێكی دیكەی ئەوروپییەوە دیپۆرتی ئەڵمانیا كراون و بەمزووانە سنوورداش دەكرێنەوە. بەپێی یاسا نوێیەكە، ئەو كەسانە تاوانباركراون بە ساختەكاری و راكردن لە یاسا، بۆیە نەك هەر دیپۆرت دەكرێنەوە، رەنگە سزاش بدرێن، تەنانەت هەندێكیان دەستگیریش كراون.
نەدیم حەسەكەیی، كچە كوردێكی كۆبەرە و لە ئەڵمانیا بڕیاری ناردنەوەی دەرچووە، دەڵێت لە لایەن ئیدارەی كەمپەكەیەوە لە میونشن ئاگادار كراوەتەوە كە لە كەمپەكەی نەچێتە دەرەوە و تەواو بێهواشیان كردووە لە پێدانی مافی پەنابەری. 
دەڵێت، ئەو بە تەنیا نییە و زۆربەی ئەوانەی هاتوچۆ و تەلەفۆنكردنیان لە كەمپەكە سنووردار كراوە، ئەو كۆچەرانەن كە یەكەمجار پەنجەمۆریان لە ئەڵمانیا وەرگیراوە و لە وڵاتانی دیكەی ئەوروپاوە نێردراونەتەوە ئەڵمانیا.


ناو:  
ئیمه‌یل:    
سه‌رنج:  

#7301
23/6/2017
ئه‌رشیف
وه‌رزش
‌ یۆرۆی لاوان 22/6/2017
‌ رۆناڵدۆ كه‌ی ده‌چێته‌ دادگا؟ 22/6/2017
زانست
‌ دروستبوونی ورگ و هۆكار و چاره‌سه‌ر 22/6/2017
‌ دۆزینه‌وه‌یه‌كی سه‌رنجڕاكێش له‌ پیرۆ 22/6/2017
‌ ناسا : له‌ خۆر نزیك ده‌بێته‌وه‌ 22/6/2017

© 2009 KURDISTANY NWE, All RIGHTS RESERVED. | CREATED BY AVESTA GROUP