گەڕان بە دوای گەردوونێكی تردا
گەڕان بە دوای گەردوونێكی تردا ‌ 5/7/2017
لەوكاتەوەی ئاشكرابووە ئەو جیهانەی تێیدا دەژین كۆتایی نییە، زانایان بە هەموو رێگەیەك هەوڵدەدەن بگەنە ئەو بوونەوەرانەی كە لە بۆشایی ئاسمان و لە هەسارەكانی دیكە دەژین. 
سیتڤن هۆكینگ، یەكێك لە بەناوبانگترین زاناكانی بواری فیزیا، جەختی كردەوە ئەو هەوڵدانانە بۆ گەیشتن بەو بوونەوەرانە دەرئەنجامی خراپیان دەبێت، لەوانەیە ببێتە هۆی دروستكردنی كارەسات بەسەر مرۆڤدا لەلایەن ئەو قەومانەی كە لە مرۆڤ زیرەكتر و بەهێزترن. 
هۆكینگ وتیشی، ئەگەر زمانێكی هاوبەش لەگەڵیاندا بدۆزینەوە (بونەوەرەكانی بۆشایی) ئەوا جەنگی وێرانكەر بەسەر زەویدا دێت، بڕواشموایە پەیوەندیكردن بەوانەوە هیچ سودێكی نیە، ئەگەری زۆریشە بونەوەرانی هەسارەكانی دیكە نەك تەنها لە روانگەی فیزیاییەوە، بەڵكو لە روانگەی فكری و زمانیشەوە جیاواز بن. بۆیە ئەستەمە پەیوەندیكردن لەگەڵیاندا ببێتەهۆی نەمان و چارەسەری كێشەكان، بەڵكو  لە ئەنجامی ئەوەدا بونەوەرانی هەسارەكانی دیكە زەوی داگیردەكەن و مرۆڤ دەبێتە كۆیلەیان. 
ئاماژەشی بەوەكردووە، هیچ هۆكارێك نییە هەوڵبدرێت پەیوەندی بەو بونەوەرانەوە بكرێت، چونكە بە بڕوای ئەو لەوانەیە ئەو بوونەوەرانە زۆر زیاتر بەهێز تر و زیرەكتربن و كارەسات بەسەر مرۆڤدا بهێنن.
لە لایەكی ترەوە، هۆشداری داوە لەوەی تا ١٠٠ ساڵی دیكە پێویستە مرۆڤ زەوی جێبهێڵێت و هۆشداریشی داوە لەوەی بە هۆی ئەگەری بەرپابونی جەنگی ئەتۆمی و گەرمبونی زەوی و گۆڕانكاری لە جیناتی ڤایرۆسەكاندا تا ساڵی ٢١١٧ پێویستە مرۆڤ زەوی جێبێڵێت.
هۆكینگ رایگەیاندوە، مرۆڤ یان دەبێت هەسارەی زەوی جێبێڵێت و هەسارەیەكی دیكە بۆ ژیان بدۆزێتەوە یان روبەڕوی لەناوچونی یەكجارەكی دەبێتەوە.
ئەو زانا جیهانییە ئاماژەی بۆ ئەوە كردوە، ئایندەی مرۆڤایەتی لە بۆشایی ئاسماندایە و دەبێت نەوەی داهاتومان لە ماوەی سەدەیەكدا گەردونێكی دیكە داگیر بكات ئەگەر نا روبەڕوی شتێكی دیكە دەبێتەوە كە بیری لێنەكراوەتەوە.


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP