رەنگە چارەسەرەكەی ئاسان بێت  هۆكارێكی ترى قژ رووتانەوە دۆزرایەوە
رەنگە چارەسەرەكەی ئاسان بێت هۆكارێكی ترى قژ رووتانەوە دۆزرایەوە ‌ 10/7/2017

توێژەرانی ئەمریكایی بە رێكەوت هۆكارێكی دیكەی قژڕووتانەوە دەدۆزنەوە، كە لەوانەیە رێگە خۆشبكات بۆ دەستپێكردنی شێوازێكی نوێی رواندنەوەی موو.
توێژەرەكان سەرقاڵی ئەوە بوون بگەنە ئەو بەرەنجامەی خانە دژە هەوكردنەكانی كۆئەندامی بەرگری چ رۆڵێكیان هەیە لە تەندروستی پێستدا و كۆمەڵێك مشكی تاشراویان هێنا و ئەو جۆرە خانانەیان لە چیكڵدانەی مووەكانیان لابردن، ئەوەی تێبینییان كرد ئەوە بوو چیدیكە مووەكان ناتوانن سەر دەربهێننەوە.
پێشووتر وەها زانرابو تەنیا قەدەخانەی نێو چیكڵدانەی مووەكان بەرپرسن لە رووانەوەی موو لەدوای هەڵوەرینی، بەڵام توێژەرەكان بۆیان دەركەوت كارەكە بە هەماهەنگیی قەدەخانەكان و لیمفەخانە رێكخەرەكان روودەدات و لە نەبوونی ئەو خانانەی كۆئەندامی بەرگریدا، پرۆسەی رووانەوەی مووەكان روونادات، هەرچەندە قەدەخانەی تەندروستیش هەبن.
پرۆفیسۆر مایكڵ رۆزنبلۆم، پسپۆڕی بەرگریزانی و نەخۆشییەكانی پێست لە زانكۆی كالیفۆرنیا، دەڵێت چیكڵدانە مووەكان بەردەوام لە نوێبوونەوەدان، كاتێك یەكێك دەكەوێت، دانەیەكی نوێ لە جێگەی سەرهەڵدەداتەوە.
دەشڵێت، وامانزانیبوو ئەو پرۆسەیە تەنیا پشت بە قەدەخانەكان دەبەستێت، كەچی بۆمان دەركەوت لیمفەخانە رێكخەرەكانیش رۆڵی بنچینەییان هەیە لەو پرۆسەیەدا. بە جۆرێك، ئەگەر ئەو لیمفەخانە رێكخەرانەی هاوسێی قەدەخانەكان لاببەی، ئەوە مووەكە ناڕوێتەوە.
توێژینەوەیەكی نوێی ئەمریكی دەریخستووە جگەرەی فلتەركراو مەترسیدارترن لەوانەی فلتەر نەكراون، چونكە زۆرتر دەچنە قوڵایی سییەكانەوە و مەترسی شێرپەنجەی سییەكان زیاد دەكەن.
جگەرە نوێیەكان زۆر مەترسیدارن لە بارەی شێرپەنجەی سییەكان، چونكە دیزاینی جگەرە نوێیەكان وایە كە هەواگۆڕكێیان هەیە بە هۆی ئەو كونانەی كە تێیاندایە، ئەمەش شێوازی سووتاندنی تووتنەكە دەگۆڕێت و جگەرەكە مەترسیدارتر دەكات، بەوەی یارمەتیی هەڵمژینی بڕێكی زۆرتر لە دووكەڵ دەدات. 
كۆمپانیاكانی پیشەسازیی تووتن زیاتر لە 50 ساڵە سیستمی فلتەر پاڵاوتنی بۆ جگەرەكان زیاد كردووە و دەڵێن هەڵمژینی قەتران كەمدەكەنەوە، هەروەها بە هۆی كونە بچوكەكانی نێو جگەرەكە هەوای پاك زۆرتر دەمژن، بەڵام بە گوێرەی راپۆرتە نوێیەكە دەركەوتووە، فلتەرەكانی جگەرە زۆرتر هۆكارن بۆ شێرپەنجەی سییەكان. 
كاتێك ئەم كونانە لە جگەرەكان هەن، خەڵكی بە قوڵتر جگەرەكان هەڵدەمژن، بەمەش زۆرتر دەچێتە قوڵایی سییەكان و لە هەمان كاتیشدا مەترسی جۆری شێرپەنجەی ئەدینۆكارسینۆما دروستدەبێت. 


ناو:  
ئیمه‌یل:    
سه‌رنج:  

#7368
20/9/2017
ئه‌رشیف
وه‌رزش
‌ ده‌ست به‌فرۆشتنی بلیته‌كانی مۆندیال كرا 20/9/2017
‌ 10 پاڵێوراوه‌كه‌ بۆ پێی زێڕین 20/9/2017
زانست
‌ كاسینی شۆڕشێك له‌ زانیاری ده‌رباره‌ی زوحه‌ل 19/9/2017
‌ رۆبۆته‌كان ده‌بنه‌ جووتیار 19/9/2017
‌ لە هەر ١٠ كەسێك، یەكێكیان خواردنی پێویستی نییە 18/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP