یەدەكی دراوی بیانی زیاتر لە سێ تریلیۆن دۆلارە
یەدەكی دراوی بیانی زیاتر لە سێ تریلیۆن دۆلارە ‌ 16/7/2017
یەکەی ئابووری

بانكی ناوەندیی چین رایگەیاند: لە مانگی حوزەیرانی رابردوودا یەدەكی دراوی بیانی بە بڕی سێ ملیار دۆلار زیادیكردوە‌و گەیشتۆتە سێ تریلیۆن‌‌و 57 ملیار دۆلار.
بانكی ناوەندی ئەو وڵاتەت ئەوەشی راگەیاندوە: بۆ پێنجەم مانگی لەسەر یەك‌‌و لە حوزەیرانی رابردوودا یەدەكی دراوی بیانی سی ملیار دۆلار زیادیكردوە، ئەوەش بۆ یەكەمجارە لە دوای مانگی حوزەیرانی 2014وە پێنج مانگ لەسەر یەك، یەدەكی دراو رووی لە هەڵكشان كردبێت.
ئامارەكان ئەوەش روون دەكەنەوە: كە یەدەكی بانكی ناوەندیی چین لە دراوی بیانی گەیشتۆتە سێ تریلیۆن‌‌و 57 ملیار دۆلار، ئەوە لەكاتێكدایە كە لەماوەی چەند مانگی رابردوودا، حكومەتی پەكین مەرجەكانی لەسەر گواستنەوەی سەرمایە بۆ دەرەوەی وڵات توندتر كرد‌و پاڵپشتییەكانی بۆ دراوی نیشتمانی وڵاتەكەی زیاد كرد.
هەر بەگوێرەی ئامارەكان، لەساڵی 2016دا یەدەكی دراوی بیانی چین نزیكەی 320 ملیار دۆلار كەمی كردووە‌و دراوی یوانیش لەبەرامبەر دۆلاری ئەمریكی بە رێژەی (6,5%) دابەزیووە، كە ئەوەش بە بەرزترین ئاستی داكشانی نرخی یوان دادەنرێت، كە لە دوای ساڵی 1994وە تۆمار كرابێت.
هاوكات بانكی ناوەندی چین ئاماژەی بەوەشكردوە، كە بەهای یەدەكی زێڕی بانكەكەیان كە لەمانگی ئایاردا 75 ملیار دۆلاری تێپەڕاندبوو، بەڵام لەمانگی حوزەیراندا بەهاكەی بۆ 73 ملیار‌و 585 ملیۆن دۆلار دابەزیووە.


ناو:  
ئیمه‌یل:    
سه‌رنج:  

#7371
24/9/2017
ئه‌رشیف
وه‌رزش
‌ بارسێلۆنا بۆندی چه‌ند یاریزانێكی نوێ ده‌كاته‌وه‌ 24/9/2017
‌ ئه‌ندریه‌ واردی پاڵه‌وانی جیهان وازهێنانی راگه‌یاند 24/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP