ركابەریی پاترۆل ‌و لاندكرۆزەر توندتر دەبێت
ركابەریی پاترۆل ‌و لاندكرۆزەر توندتر دەبێت ‌ 17/7/2017
دێت، كێبڕكێی نێوان هەردوو كۆمپانیای ژاپۆنی، تۆیۆتا و نیسان توندو توندتر دەبێت، بە تایبەتی لە سەر ئاستی هەردوو ئۆتۆمبیلی بەهێزی نیسان پاترۆل و تۆیۆتا لاند كرۆزەر، بۆیە كۆمپانیای نیسان مۆدێلێكی تری نیسان پاترۆل دەخاتە بازاڕەوە كە خاوەنی مەكینەیەكی شەش پستۆنە.
بەشی رۆژهەڵاتی ناوەراستی سایتی كۆمپانیای نیسان ئاشكرای كرد، كۆمپانیاكە بۆ ساڵی ئایندە مۆدێلێكی (V6)ـی ئۆتۆمبێلی بەناوبانگی پاترۆڵ دەخاتە بازاڕەكانی ڕۆژهەڵاتی ناوەراستەوە.
مۆدێلە نوێیەكەی پاترۆڵ لەسەر هەمان شاسی و شێوازی مۆدیلە (V8)ـەكەی دەبێت و جیاوازییەكە تەنها لە مەكینەو گێڕی ئۆتۆمبێلەكەدا دەبێت، ئاستەكانیش هەمان ئاستی مۆدێلە (V8)ـەكان دەبێت وەك XE SE Platinum، بەڵام هەندێك پارچەی بە مادەی سوكتر دروستكراوە، بەوەش كێشی نزیكی (100) كیلۆگرام كەمترە لە مۆدێلەكانی ساڵانی پێشووی.
مەكینە نوێیەكە هەمان ئەو مەكینە (V6)ــەیە كە لەسەر ئێكس تیرا نوێ دانراوە، تەنها دەستكارییەكی كەمی دیزاین و پرۆگرامی كۆمپیوتەرییەكەی كراوە تا لەگەڵ قەبارە و كێشی پاترۆڵدا بگونجێت.
مەكینەكە توانای 275 ئەسپی هەیە كە نزیكی هەمان توانای مۆدێلی (V6)ـی تۆیۆتا لاندكرۆزەرە، بەڵام بە نزیكی (12٪) تاودانی لە تۆیۆتا لاندكرۆزەر زیاترە و كەمتریش بەنزین سەرف دەكات كە بە شێوەی تێكڕا دەگاتە (11.7) لیتر بۆ هەر (100) كیلۆمەترێك، ئەمەش بەراورد بە مۆدێلە (V8)ـەكەی پاترۆڵ زۆر كەمترە.
كۆمپانیای نیسان لە بارەی مۆدێلە نوێیەكەی پاترۆڵەوە رایگەیاندووە: بەراورد بە هاوتاكانی، بێدەنگتر و لەرزینی كەمتر و بە رێژەی (25٪) یش توانای راكێشان و بە بەرزیدا هەڵگەڕانی باشترە.


ناو:  
ئیمه‌یل:    
سه‌رنج:  

#7320
21/7/2017
ئه‌رشیف
وه‌رزش
‌ نه‌یمار هه‌رگیز ناچێته‌ پاریس سانجێرمان 20/7/2017
‌ جۆ هارت چووه‌ وێستهام 20/7/2017
زانست
‌ دەریا: من و فۆتۆ و کامێرا هاوڕێی هەمیشەیین 21/7/2017
‌ لە بارەی ڕێکخراوی ״کوردستان فۆتۆ״ 21/7/2017
‌ رەسوڵ خوڕڕەم: ده‌مه‌وێ به‌ فۆتۆ جوانییەکانی کوردستانێکی ئارام پێشانی ئه‌وروپیەکان بدەم 21/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP