دڵنیایی بە هاووڵاتیانی هەرێم دەدرێت.. خۆراك عەمبار كراوە
دڵنیایی بە هاووڵاتیانی هەرێم دەدرێت.. خۆراك عەمبار كراوە ‌ 3/8/2017
یەکەی ئابووری
لەدوا كۆبوونەوەی ئەنجومەنی پارێزگای هەولێر، هۆكاری گرانبوونی نرخی گەنم ئاشكراكراو سەرۆكی ژووری بازرگانی هەولێریش دەڵێت: «عەرەب هۆكاری گرانبونی گەنمە لەكوردستان»، هاوكات پەیامی دڵنیایی بە هاووڵاتیانی هەرێمی كوردستان درا.
لەدوا كۆبوونەوەی ئەنجومەنی پارێزگای هەولێر كە رۆژی سێشەممەی رابردوو ئەنجام درا، ژمارەیەك بەرپرسی فەرمانگە حكومییەكان بانگهێشتكران سەبارەت بە روونكردنەوەیان لەبارەی گرانی بازاڕو نرخی گەنم.
لەكۆبوونەوەكەدا، دارا جەلیل خەیات سەرۆكی یەكێتی ژوورە بازرگانی‌و پیشەسازییەكانی هەرێم رایگەیاند، تائێستا هیچ نرخێك گران نەبووە، جگە لە هەندێ بەرزبوونەوەی نرخی گەنم نەبێت كە هۆكارەكەی بۆ بازرگانانی عەرەب دەگەڕێتەوە، ئەوان دەیكڕنەوە‌و ئەمەش وایكردوە كەمێك نرخەكان بەرزبێتەوە، بەڵام بەهیچ شێوەیەك بازاڕ تێكنەچووە.
هەر لەو كۆبونەوەیەدا سۆران ئەبوبەكر جێگری ژووری بازرگانی هەولێر وتی: «هاووڵاتیان بە هەڵەداچوون لەبارەی رەوشی بازاڕەوە، ئەو دەنگۆیانەشی لەمیدیاكان باسكراوە كاریگەری هەبووە لەسەر بازاڕو هاووڵاتیان».
ئەوەشی وت: «میدیا وایكردوە هاووڵاتیان كاڵای زۆر بكڕن‌و عەمباری بكەن‌و بە هەمانشێوە بەشێك لەبازرگانان ئەو شمەكەی هێناویانە خەزنی دەكەن».
دوای كۆبونەوەكەش، لەكۆنگرەیەكی رۆژنامەوانیدا سەرۆكی ئەنجومەنی پارێزگای هەولێرو قائیمقامی هەولێر، دڵنیاییان بە هاووڵاتیاندا كە بەشی پێویست خۆراك لە هەرێم لەكۆگاو سایلۆكاندا هەیە.
عەلی رەشید سەرۆكی ئەنجومەنی پارێزگای هەولێر جەختیكردەوە، «بەشی پێویست خۆراك‌و كەلوپەل‌و پێداویستی هاووڵاتیانمان هەیە».
لەلایەكی دیكەشەوە، نەبەز عەبدولحەمید قائیمقامی هەولێر ئاشكرایكرد، چوار تا پێنج هەزار كۆگای پڕ لەخۆراك هەیەو رێگریان لەبەرزبونەوەی نرخ كردوەو ئەو هەڵمەتی كڕینی كەلوپەل‌و پێداویستیانەش كە لەلایەن هاووڵاتیانەوە دەستی پێكرابوو، ئێستا نەماوەو ئاسایی بۆتەوە.


ناو:  
ئیمه‌یل:    
سه‌رنج:  

#7347
22/8/2017
ئه‌رشیف
وه‌رزش
‌ جارێكی تر هالیپ شكستی هێنا بچێته‌ پێشه‌نگی ریزبه‌ندییەوە 22/8/2017
‌ ریاڵ مه‌درید گرێبه‌ستی كه‌ریم بنزیمه‌ نوێ ده‌كاته‌وه‌ 22/8/2017
زانست
‌ هەسارەیەك لە زەوی نزیك دەبێتەوە 21/8/2017
‌ نۆكیا 8 ركابەریی ئایفۆن و گالاكسی دەكات 21/8/2017
‌ پێنج هەڵەی باو لەكاتی راكردندا 21/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP