پـۆلۆنیا یــەکێتی ئــەوروپای تووڕەکردوە
پـۆلۆنیا یــەکێتی ئــەوروپای تووڕەکردوە ‌ بورهان ئه‌مین‌ 8/8/2017
چەند ڕۆژێک لەمەوبەر پارتی»یاساودادپەروەری» دەسەڵاتدار لە پۆڵۆنیا، لە پرۆژەیەکدا هەمواری هەندێ یاسای بواری دادوەری کردوەو پەرلەمانیش بەزۆرینەی دەنگ بڕیارەکەی پەسەندی کرد،بەپێی ئەو بڕیارە تازەیەوە دەسەڵاتی وەزیری داد زیادکراو بەبێ گەڕانەوە بۆ پەرلەمان سەرپشکی دەکات لەدیاریکردن و دامەزراندنی دادوەرو داکارانی گشتی‌وپیاوانی یاسا لە دەزگای دادوەریدا، هەروەها سەربەخۆیی و دەسەڵاتی دەزگای دادوەری لە زۆربواری تر کەمدەکاتەوە،بەو پێیەش سەرۆکی وڵاتەکە و سەرۆکی حکومەت دەستیان کراوەتر دەبێت لەبواری دادوەری و گۆڕینی یاساکانی وڵاتەکەدا.
ڕای گشتی ناڕەزایی دەربڕی
بەپێی ڕاپۆرتێکی ڕۆژانەمی «دی ڤێڵت»ی ئەڵمانی بێت ئەم پڕۆژەیە لەلایەن ئەو پارتە ڕاستڕەوە پێشکەشکراوە کەلەساڵی ٢٠١٥ ەوە دەسەڵاتی لەو وڵاتە لەئەستۆ گرتوەو ئەوان وڵاتەکە بەرەوتاکڕەوی‌وجیاخوای دەبەن ولەسایەی ئەو پارتەوە وڵاتەکە تادێت خۆی لە بنەما سەرەکیەکانی دامەزراندنی یەکێتی ئەوروپاودیموکراسی و ئازادیەکان  دوردەخاتەوەو بەپێچەوانەی خواستی گشتی ناوەوەو دەرەوە کاردەکات، دەستکاریکردنی یاسای دادوەری لەو وڵاتە شەقامی‌وروژاندولەڕێی ڕێپێوان و خۆپیشاندانی توندوتیژ ناڕەزاییان بەرامبەر بەم بڕیارە تازانە دەربڕی و لەلایەن هەندێ کەناڵی گرنگی دەرەکیشەوە ئیدانە کرا.

ئەوروپا سزای دەدات
بەو پێیەی ئەو وڵاتە ئەندامی یەكێتی ئەوروپایە لەسەر بەندەکانی ڕێککەوتنی نێوانیان کەپاراستنی دیموکراسی‌وعەدالەت ومافی مرۆڤ ودادپەروەری وئازادیە سیاسی‌وگشتیەکانەو ئەم بڕیارە تازانەی ئەو حکومەتش پێچەوانەی ئەو بەندانەیە کەلەسەری ڕێککەوتون،کۆمسیۆنی یەکێتی ئەوروپا بڕیاریدا چەند سزایەکی توند بەسەر حکومەتی پۆلۆنیا بسەپێنێت،لەوانە داداگایی کردنی حکومەتی وارشۆیە لە بەردەم دەزگا یاساییەکانی ئەوروپاو بەکارهێنانی مادەی حەوتە لەدژیدا کەمافی دەنگدانی لێ قەدەغە دەکات لەپرۆسە دیموکراسیەکان و دەنگدان لەسەر بڕیارەکانی یەکێتی ئەوروپادا، هەروەها سزای داراییشی بەسەردا دەسەپێنێت کە کەمکردنەوەی یارمەتی دارایی یەکێتیەکە بۆ ئەو وڵاتە.
مانگێکیان بۆ دیاریکردووە
پێگەی گۆڤاری «فۆکۆس»ی ئەڵمانی نوسیویەتی یەکێتی ئەوروپا لەسەرەتای مانگی ئابەوە ماوەی مانگێکی بۆپۆلۆنیا دیاری کردوە تا بەبڕیارەکەیدا بچێتەوەو ئەو دەسەڵاتانە بۆ پەرلەمان بگەڕێنێتەوە، بەپێچەوانەوە توشی لێپرسینەوەی یاسایی دەبێتەوە،بەڵام بەرپرسانی حکومەت لەو وڵاتە ڕایانگەیاندوە ئەو داوایەی برۆکسێل بەجێ ناهێنن و لەبڕیارەکەیان پاشگەزنابنەوە.
داوای هەڵوەشاندنەوەی دەکەن
کەناڵەکانی میدیای ئەڵمانی ڕایانگەیاند:برۆکسێل هۆشداری داوەتە حکومەتی وارشۆ کە چیدی دیموکراسیەت لەو وڵاتە پیشێل نەکاو هاوتەرینی بنەماکانی یەکێتی ئەوروپا ڕەفتار بکات،کۆمسیۆن بیرخەرەوەیەکی ناردوەو داوایکردوە ئەو یاسایانە هەڵوەشێننەوە کە دژی پرەنسیپەکانی ژیانی دیموکراتین لەوانە لێسەندنەوەی سەربەخۆیی‌وسەوەری دەزگای دادوەری و جیاکردنەوەی تەمەنی ژنان‌و پیاوان لەیاسای خانەنشینی و جیاوازیکردنی لەنێوان ئەو دوو ڕەگەزەدا.
سزای قورستری ده‌ده‌ن
«فرانس تیمەرمانس»جێگری یەکەمی سەرۆکی یەکێتی ئەوروپا پەیمانیداوە ئەگەر پۆلۆنیا ئەو بڕیارانە جێبەجێ بکات، سزای قوڕستری بەسەردا دەسەپێنن و هەموو ئەو مافانە لەو وڵاتە دەسەننەوە لە پرۆسەکانی دەنگدان وسزای تریشی بەدواوە دێت.

هەنگاریا پشتیوانی دەکات
لەسەر ئەمە «ڤیگتۆرئۆربان»ی سەرەک وەزیرانی هەنگاریا کەهەمان کات سەرۆکی پارتی ڕاستڕەوی وڵاتەکەشە ڕایگەیاند: وڵاتەکەی پشتیوانی پۆڵۆنیا دەکاو لە دژی بڕیاری سزادانەکانی ئەوروپا دەوەستێتەوەو ڕەوتەکەیان بەناوی «فێسگراد» ئەکتیڤ دەکەن تا بەشێوەیەکی یاسایی، نەهێڵن پۆلۆنیا سزا بدرێت.
فیسگراد دروست بووە
شایانی باسە لەنێو وڵاتانی یەکێتی ئەوروپا ڕەوتێک یان جەمسەرێک بەناوی «فیسگراد» پەیدابووە کە پارتە دەسەڵاتدارە ڕاستڕەوەکان ڕابەرایەتی دەکەن و لە دژی هەندێک بڕیاری یەکێتیی ئه‌وروپا هەڵوێست وەردەگرن و خۆیان یەکدەخەن، هەریەک لە وڵاتانی «چیک،هەنگاریا،سلۆفاکیا،پۆلۆنیا» لەناو ئەو جەمسەرەدا جموجۆڵیان دەستپێکردوەوسۆزیانداوە کە لەو کەیسەی وارشۆدا هەڵوێست وەرگرن،ئەو گروپە پیشتریش لەسەرمەسەلەی کۆچبەران و وەرگرتنیان مشومڕێکی زۆریان هەبووە لەگەڵ وڵاتانی ترو بەو پشکەڕازی نەبون کە یەکێتیەکە بۆدیاریکردبون کەهەر وڵاتە ژمارەیەکی دیاریکراو کۆچبەر وەربگرێت‌و مافی پەنابەرێتیان بداتێ، بۆیە ئەمانە هەمیشە ناکۆکیان هەیە لەناو یەکێتیەکەو لەگەڵ بنەماکانی بەرنامەو کارکردنیان ڕێکناکەون.


ناو:  
ئیمه‌یل:    
سه‌رنج:  

#7346
21/8/2017
ئه‌رشیف
وه‌رزش
‌ له‌ وه‌رزی نوێی NBA -دا (1230) یاریی دەکرێت 21/8/2017
‌ شاراپۆڤا داوه‌تنامه‌ی‌ گراندسلامی ئه‌مریكای پێشكه‌ش كرا 20/8/2017
زانست
‌ هەسارەیەك لە زەوی نزیك دەبێتەوە 21/8/2017
‌ نۆكیا 8 ركابەریی ئایفۆن و گالاكسی دەكات 21/8/2017
‌ پێنج هەڵەی باو لەكاتی راكردندا 21/8/2017

© 2009 KURDISTANY NWE, All RIGHTS RESERVED. | CREATED BY AVESTA GROUP