ماڵەکەی سەید برایم کرایە کتێبخانە
ماڵەکەی سەید برایم کرایە کتێبخانە ‌ 13/8/2017
لەڕۆژانی رابردوودا بەبۆنەی 19ساڵەی كۆچی دوایی شاعیر سەید برایمی بەرزنجی‌و بەئامادەبوونی ژمارەیەكی بەرچاو لەڕووناكبیران‌و هونەرمەندان‌و هاوڵاتیان چەند چالاكییەك لەکۆیە بەڕێوەچوو. لەسەرەتادا لەگەڕەكی گردی جوان (گەرەكی سەرباخ) كتێبخانەیەكی گشتی بەناوی سەید برایم لەو خانووەدا كرایەوە كە شاعیر سەید برایمی بەرزنجی تێیدا ژیاوەو چەندینجار لەو خانووەدا لەلەلان داگیركەرانەوە دەستگیركراوە، كتێبخانەكەش لە 6هۆدەی جیاجیا پێكهاتووەو هەر هۆدەیەك بەناوی یەكێك لە كچ‌وكوڕان‌و هاوسەری ئەو شاعیرەوە ناونراوە.
لەمبارەیەوە رەهبەری سەید برایم كە سەرپەرشتی كردنەوەی كتێبخانەكەی كردووەو سەرچاوەكانی دابینكردووە وتی: لەم کتێبخانە گشتییەدا شەش هەزار كتێب و نزیكەی دوو هەزار گۆڤار دانراون‌و  كارمەندانی بەشی كتێبخانەی گشتی كۆیە هاوكارن بۆ رێزبەندو پاراستن و رێكخستنیان.
لەبەشێكی تری چالاكییەکاندا كە لەلایەن بەشی كتیێبخانە گشتییەكانی كۆیەوە بۆ ئەم یادە رێكخرابوو وتەی بەڕێوەبەری گشتی كتێبخانەكان‌و فیلمی بەڵگەی ژیان و خەبات و بەرهەمی سەید برایم و لێكۆلینەوەی رەهبەری سەید برایم لەبارەی سەید برایم پێشكەشكران و لەبەشی هونەری گۆرانی‌و موزیكیشدا هەریەك لە شێروان حەوێزو میهرۆز كۆیی بەسەرپەرشتی مەحەمەد رەفیق چەند گۆرانییەكیان لەشیعرەكانی سەید برایم پێشكەشكرد.
شایانی باسە کە سەید برایم بەچەند نازناوێك شیعرو نووسینی بڵاوكردۆتەوەو لەگەلاوێژدا شیعری بڵاوكردتەوە دوو دیوانی چاپكراوی هەیەو چەند جاریكیش بەهۆی كوردایەتیەوە زیندانی كراوەو دورخراوەتەوە.
دێدەوانی یەعقوب


ناو:  
ئیمه‌یل:    
سه‌رنج:  

#7398
24/10/2017
ئه‌رشیف
وه‌رزش
‌ سیمۆنا هالیپ خه‌ڵاتی پۆرشی برده‌وه‌ 24/10/2017
‌ میسی ئێران خه‌ونه‌كه‌ی‌ هێنایه‌دی 24/10/2017
زانست
‌ یه‌كه‌مین نموونه‌ی فڕۆكه‌ی وشكاوه‌كی كاره‌بایی له‌ ڕوسیا خرایه‌ڕوو 24/10/2017
‌ كه‌نگه‌ری خوێنمژ به‌رله‌ ملیۆنه‌ها ساڵ قڕبووه‌ 24/10/2017
‌ سوودی پشوویەكی كورت لە كاتی كاردا 23/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP