فیلمی هەڵۆکانی جەنگ، قارەمانێتیەکانی پێشمەرگە نمایش دەکات
فیلمی هەڵۆکانی جەنگ، قارەمانێتیەکانی پێشمەرگە نمایش دەکات ‌ 29/9/2017
ئا: زانیار محمد حەسەن
هەڵۆکانی جەنگ فیلمێكیی سینەمای کوردییە و باس لە شەری پێشمەرگە دەکات لەگەڵ تیرۆرستانی داعشدا و بەتایبەت لەم فیلمەدا تیشک خراوەتە سەر ژیانی شەهید»لیوا حسەین مەنسور»كه‌ بەرپرسی هێزی پشتیوانی دووی یەکێتی نیشتیمانی کوردستان بووە و وەک دەرهێنەی فیلمەکەش دەڵێت:»ساڵێک و دوو مانگ سەقاڵی وێنەگرتنی ئەم فیلمە بووین و دەمانەوێت لە ڕێگەیەوە قارەمانیەکانی پیشمەرگە نیشان بدەین».
فیلمەکە لە نوسینی شوان جەزاییە و کاروان ئاوات کاری سینارست و دەرهێنانی بۆ کردووە و تێیدا هونەرمەند بەکر مستەفا ڕۆڵی شەهید لیوا حسەین مەنسوری بینیووە.
سەبارەت بە فیلمی سینەمایی هەلۆکانی جەنگ کاروان ئاوات دەرهێنەری فیلمەکە لە لێدوانێكیدا تایبەت بە»کوردستانی نوێ» گوتی:»لە فیلمەکەدا باس لە شەهید لیوا حسەین مەنسور کراوە لە کاتی هێرشکردنی داعشەوە تاکو شەهید بوونی ئەو فەرماندەییە ، هەروەها ئەم قارەمانییەکانی پێشمەرگە نیشاندەدات کە چۆن هەوڵی ڕزگارکردنی کوردستانیان داوە و  نەیان هێشتووە هیچ دەسەڵاتێک کوردستان قۆرخ بکات».
وتیشی:» لەسەرەتادا ئێمە دیکۆمێنتارییەکمان ئامادە کرد دواتر لەو ڕێگەیەوە سیناریۆمان بۆ دانا و لەلایەن ستافێکی فارسەوە لە شوێنی جیاواز وێنەکانمان گرتووە لەوانە جەلەولا و کەرکوک و خانەقین و کەلار وسلێمانی و تەلەلوەرد هتر...».
فیلمی هەڵۆکانی جەنگ بە بەژداری زیاتر لە ٢٠ ئەکتەری سەرەکی ئامادەکراوە هەندێک لەوانە وەک : حەمە علی خان ،بەکر موستەفا ،شەهێن جەلال ،شوان جەزا ،شوان عومەر ،پشتیوان عبدللە ،سامان کەریمی وە هەروەها شەنیار کاروان لەگەڵ میرشاد ئاری لە فیلمەکەدا بەژدارن. 
کاروان ئاوات وتیشی:» رۆژی ٢٥ ی مانگی ٧ دا بۆ یەکەمین جار بە ئامادەبوونی زۆرێک لە بەرپرسانی یەکێتی و خانەوادەی شەهیدان و خانەوادە و هاوسەنگەرانی شەهید حسەین مەنسور لە هۆڵی تەوار فیلمەکە نمایشکرا ،وە ئەم فیلمە بەمزوانە لە خانەقین و سلێمانی و کەلار و هەولێر نمایشدەکرێت هەروەها ڕێکەوتنمان کردووە لەگەڵ ستافێک لە شاری بەغدا کە بە دۆبلاژی عەرەبی لەوێ دادەبەزێت ،دەمانەوێت ئەم فیلمە لەدوای ئەم نمایشکردنانە بچێتە فێستیڤاڵەکانەی دەرەوە و پێم وایە ئەم فیلمە دەبێتە نوێنەری هەموو پێشمەرگەکان لە جیهاندا». 
لە درێژەی قسەکانیدا ناوبراو گوتی:» پێویستە سوپاسی ئەو کەسانە بکەین کە هاوکارییان کردووین لەوانە هێزی ٣ و ٧ی تایبەتی بەڕێز کاک کۆسرەت هەروەها هێزی پشتیوانی دوو بە سەرپەرشتی کاک مەریوان وە سوپاس بۆ هێزەکانی٧٠ و کاک شێخ جەعفەر سوپاسیش بۆ هەردوو بەڕێز کاک مەلابەختیار و عدنان مەنسوریش لە خانەقین کە لە ڕووی مادییەوە هاوکاری کردووین».
لای خۆیەوە هونەرمەند بەکر موستەفا کە لە فیلمەکەدا رۆڵی شەهید لیوا حسەین مەنسوری بینیوە لە لێدوانێکدا تایبەت بە»کوردستانی نوێ» گوتی:» خۆشحاڵم کە توانیم بەوشێوەیە ڕۆلی فەرماندەیەکی ئازا و لە خۆبردوو ببینم وە خۆشەویستیم بۆ هەموو شەهیدان و شەهید حسەین مەنسور وای لێکردم خزمەتێکی زیاتر بەو نمایشە بکەم و هەوڵمداوە بە تەواوی حەقیەتی پێبدەم «. 
بەکر موستەفا وتیشی:»من نەک بە هونەرمەندێک بە هەموو مال و کەسێکی ئەم ولاتە و نیشتیمانەی خۆم ئەڵێم با هەموومان لە مالی خۆمانیشدا بێت پالپشتی پێشمەگە بین و هەوڵ بدەین لە ڕێگەی ئەو کارەوەی دەیکەین خزمەت بە پێشمەگە بکەین و نەوەکانی داهاتوو بە قارەمانێتییەکانی پێشمەگە بناسێنین «.
تاکو ئیستا زیاتر له‌ دوازدە فیلمی سینه‌مای لە بارەی پێشمه‌رگه‌وه‌ به‌رهه‌مهێنراوە و له‌سه‌ر سكرینی زۆرێک لە سینەما جیهانییه‌كان نمایشکراون.


ناو:  
ئیمه‌یل:    
سه‌رنج:  

#7394
19/10/2017
ئه‌رشیف
وه‌رزش
‌ ئیتالیا مه‌ترسی گه‌وره‌ی سه‌رنه‌كه‌وتنی بۆ مۆندیال له‌سه‌ره‌ 19/10/2017
‌ رۆناڵدۆ زیندانی دەکرێت؟ 19/10/2017
زانست
‌ هه‌سارۆكه‌یه‌ك سڵاوی له‌ زه‌وی كرد و رۆیشت 19/10/2017
‌ چه‌ند خۆراكێكی گرنگ بۆ وه‌رزی پایز 19/10/2017
‌ كاریگه‌ری‌ ته‌له‌فزیۆن له‌ دروستكردنی‌ ترس لای‌ بینه‌ر 19/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP