مامی هەمووان
مامی هەمووان ‌ په‌روین بابه‌كر‌ 13/10/2017
من بۆ خۆم كەم دەنووسم، لە بەردەم زۆرێك لە رووداوە ئاساییەكاندا بێدەنگی هەڵدەبژێرم، یاخود‌ هەندێك رووداو بە هۆی كاریگەرییە گەوەرەكەیەوە بێدەنگت دەكات و ناهێڵێت هیچ بڵێیت، چۆن لە ساتی وەفاتی جەنابی مام جەلالەوە دەمویست تەعبیر لە ناخی شێواوی خۆم بكەم و ئەو نیگەرانی و خەمە گەورەیە بە دەربڕین لەسەر شانم كەمتر بكەمەوە، هەرچی جارێك نووسینێكم ئامادە دەكرد، هەر زوو پەشیمان دەبوومەوە و دەمزانی نووسینەكە لە ئاست شكۆ و مێژووی مامدا نییە. 
ئەگەر بمانەوێت بە قسەكردن یان بە نووسین تەعبیر لە رۆیشتنی جەنابی مام جەلال بكەین، یان بمانەوێت بە دەربڕین پێناسەی ئەم زاتە گەورەیە بكەین، بە دڵنیاییەوە دەكەوینە هەڵەوە و بە هیچ شێوەیەك ناتوانین مافی خۆی پێبدەین، قسەكردن و نووسین لەبەردەم شكۆی ئەم سەركردە مەزنەدا كارێكی ئەوتۆی پێناكرێت، هەرچی بڵێین شایستەی باڵای كەسایەتی مام نییە، چونكە مام گەورەتر بوو لە هەموو پێوەر و سنورەكان، مام بە تەنها مامی ماڵی خۆی و یەكێتی و تەنانەت كوردانیش نەبوو، بەڵكو مامی هەمووان بوو بێ جیاوازی، مامی لێقەوماو و نەداران و خەمخۆران و گەنجان و ژنان و هەموو چین و توێژەكان بوو، مامی هەموو پێكهاتە نەتەوەی و مەزهەبییەكان بوو. 
 كۆچی دوایی مام لە یەك كاتدا كۆچی دوایی خەمخۆرێكی هەمیشەیی هەموو لایەنەكانی كۆمەڵگەیە، چۆن مام پاڵپشتی هەمیشەی پزیشكان و نووسەر و ڕۆژنامەنووسان و وەرزشەوانان و ئابووریناسان و تەواوی كایە پێویستەكانی كۆمەڵ و نیشتیمان بوو، لە كوێ زانیبێتی كەموكوڕی هەیە دەستی خۆی پێگەیاندووە، كەی پێویستی كردبێت هاتۆتە مەیدان، لە هیچكام لە قۆناغەكاندا ڕۆڵ و كاریگەری ژنان و گەنجانی لەیاد نەكردووە و هەمیشە پشتی پێبەستوون. 
ئەو ژیانەی مام ژیا، ئەنجامەكەی هەر دەبوو خەمخۆران و كۆمەڵانی خەڵكی كوردستان بەو شێوەیە ماڵئاوایی لێبكەن، سەركردەیەك بەو شێوە شەرەفمەندانەیە ژیابێت و خەمخۆر و پاڵپشتی هەمووان بووبێت، بۆ چركەیەك پشتی نەكردبێتە مافی ڕەوای نەتەوەكەی و بۆ جارێك هەڵوێستێكی ناجۆری نە نواندبێت و هەمیشە لەسەنگەری خەمخۆری و چارەسەری كێشەكان و بەدەستهێنانی مافی كورد و بەرگری لە خاكی پیرۆزی كوردستاندا بووبێت، شایەنی لەوەش زیاترە، ئەوەی لە مەراسیم و پرسەی پڕشكۆیدا بینیمان پشتڕاستی ئەو وتەیەی دەكاتەوە كە بە بێ جیاوازی مام بۆ هەمووان ژیا و خۆشی هی هەمووان بوو. 
درود بۆ گیانی پاكت 
سوپاس بۆ هەموو ئەو دەستكەوتانەی بۆت بەدەستهێناین
سوپاس بۆ ئەو ڕێبازەی بۆت داناین 
سوپاس بۆ هەموو شتێك كە ڕیز ناكرێت و لە توانای دەربڕیندا نییە.


ناو:  
ئیمه‌یل:    
سه‌رنج:  

#7392
17/10/2017
ئه‌رشیف
وه‌رزش
‌ رۆجێر فێدره‌ر بۆ جاری چواره‌م له‌م وه‌رزه‌دا له‌ نادالی برده‌وه‌ 17/10/2017
‌ دۆڤیزیسیۆ قۆناغی ژاپۆنی مۆتۆ جی پی برده‌وه‌ 17/10/2017
زانست
‌ ته‌كنیكی نوێ بۆ نووسینی نامه‌ بێ ده‌ستدان له‌ كیبۆرد 17/10/2017
‌ ئه‌ندۆنیزیا چاوه‌ڕوانی هه‌ڵپژانی گڕكانێكه‌ 17/10/2017
‌ زرێبار هه‌ورامی: ژیان جه‌نگه‌، له‌گه‌ڵ خۆت و له‌گه‌ڵ بارودۆخه‌كه‌ت 16/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP