بە دوو ساڵ یەك بەرمیل نەوت دەدرێتە هاووڵاتیان
رۆژێك دێت ئاویش بە هەرێم دەفرۆشرێت بە دوو ساڵ یەك بەرمیل نەوت دەدرێتە هاووڵاتیان ‌ 11/9/2017
بەڕێوەبەری دابەشكردنی نەوت و كانزاكانی سلێمانی رایدەگەیەنێت، تا بەغدا بەردەوام بێت لە ناردنی نەوتی رۆژانە، ئەوانیش بەسەر هاووڵاتیاندا دابەشی دەكەن، بەڵام ئاسۆیەكی رون دیارنییە بۆ بەردەوامی ناردنی نەوت لەلایەن حكومەتی ناوەندەوە.
محەمەد حەسیب بەڕێوەبەری دابەشكردنی نەوت و كانزاكانی سلێمانی رایگەیاند، لە ئێستادا دابەشكردنی نەوتی ساڵی پار لە قەزای چەمچەماڵ و ناحیەی بازیان و شۆڕش و سەنگاو بەردەوامە و لە ماوەیەكی نزیكیشدا لە هەڵەبجە  و دەربەندیخان و زەڕایەن دابەشكردن دەستپێدەكات، دواتر لە سەنتەری سلێمانی نەوت دابەش دەكەن كە بەتەنها سەنتەری سلێمانی 45 ملیۆن لیتری پێویستە.
ئاماژەی بەوەشكرد: ئەو نەوتەی دابەش دەكرێت هی ساڵی رابردوە و تائێستا نەوتی ئەمساڵ باسی لێنەكراوە، كەواتە بە دوو ساڵ یەك بەرمیل نەوت دەدرێتە هاووڵاتیان.
محەمەد حەسیب بەڕێوەبەری دابەشكردنی نەوت و كانزاكانی سلێمانی رونیكردۆتەوە، رۆژانە پێنج تانكەر نەوتیان لە بەغداوە بۆ دێت هەتا هاتنی ئەو پێنج تانكەرە بەردەوام بێت ئەوانیش بەردەوام دەبن لە دابەشكردنی، بەڵام ئاسۆیەكی رون دیارنییە بۆ بەردەوامی هاتنی ئەو نەوتە.
لە لایەكی ترەوە، وەزیری كشتوكاڵ رایدەگەیەنێت، ئەگەر هەرێمی كوردستان پێداویستییەكانی لە رووی ئاوەوە دابین نەكات، رۆژێك دێت دەبێت ئاو لە وڵاتانی دەرەوە بكڕێت.
بەپێی راگەیەنراوی راگەیاندنی وەزارەتی كشتوكاڵ، عەبدولستار مەجید وەزیری كشتوكاڵ و سەرچاوەكانی ئاوی هەرێمی كوردستان رایگەیاندوە، بە فەرمی داوایان كردوە كۆبونەوەیەكی ئەنجومەنی وەزیران تایبەت بكرێت بە ئاو و ئەو هەنگاوانەی لە داهاتودا پێویستە بگیرێنەبەر بۆ پاراستنی سەرچاوە ئاوییەكان، پێویستە بە تەواوی پێداویستییەكانی هەرێم لە رووی نان و ئاوەوە دابین بكرێت بۆئەوەی پێویستی بە وڵاتان نەبێت، چونكە رۆژێك دێت ئاویش بە هەرێم دەفرۆشرێت.
ئاماژەی بەوەشكردوە، هەرێمی كوردستان خاوەنی نان و ئاردی خۆی نییە لە ناوخۆداو هەمیشە داكۆكی كردوە لەوەی عیراقیش وەك پێویست گەنمی هەرێم ناكڕێت لە كاتێكدا بەرهەمی گەنم زۆر لە پێداویستی ناوخۆ زیاترە.


ناو:  
ئیمه‌یل:    
سه‌رنج:  

#7370
22/9/2017
ئه‌رشیف
وه‌رزش
‌ پاسكیلسوارێكی به‌ریتانی به‌ 80 رۆژ به‌ده‌وری زه‌ویدا ده‌سوڕێته‌وه‌ 21/9/2017
‌ لیستی پاڵێوراوانی خه‌ڵاتی گۆڵدن بۆی بڵاوكرایه‌وه‌ 21/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP