داعـش ئـەوروپا دەکاتە ئامانج
داعـش ئـەوروپا دەکاتە ئامانج ‌ ئامادەکردنی: بورهان ئەمین‌ 13/9/2017
سەرچاوەکانی یەكێتی ئەوروپا بۆ میدیاکان ئاشکرایانکرد نزیكەی پەنجاهەزار «توندڕەو» لەوڵاتانی ئەوروپادا هەن کەمەترسی وهەڕەشەی جدین بۆسەر ئەو وڵاتانە «بەپێی ڕاپۆرتێکی ڕۆژنامەی» دی ڤێڵت»ی ئەڵمانی بێت, «دی كێرژوف ڕێکخەری یەکێتی ئەوروپا بۆکاروباری تیرۆر” ئاشکرایکردوە نزیكەی٣٥هەزار «توندڕەوی ئیسلامی لەبەریتانیا و١٧هەزار لەفەرەنساو ٥ هەزاری لەئیسپانیاو ٥٠٠ ی تریش لەبەلجیکاو چەندهەزارێکی تریش لەوڵاتە جیاجیاکانی ئەوروپا بونیان هەیە.

پۆلیس دەیانناسێت
«كێرژوف» باسی ئەوەشی کردووە، زۆربەی ئەو توندڕەوانە لەلایەن حکومەتەکانەوە چاودێریان خراوەتەسەر و پۆلیس ئاگاداری هاتوچۆو جموجۆڵەکانیانە، بەڵام مەترسی خۆی نیشانداوە لەوەی کەلەوانەیە ڕۆژێک دابێت خۆیان ڕێکخبەن ولەژێر چاودێری حکومەتەکان خۆیان ڕزگار بکەن و کەتنێکی گەورە بکەن لەو ئەگەرانەش
ئەنجامدانی هێرشێكی ئەلكترۆنیە بۆسەر وێستگەكانی وزەی ئەتۆمی وەیان سیستمەكانی چاودێری كەشوهەوا،كیرشۆف وتیشی: پێدەچێت ڕێكخراوی داعش پەنا بۆهاككەرە جیهانیەکان ببەن،بۆنمونە»ڕوسەکان» تاسیستەمی کۆمپیوتەرە جیهانیەکان تێکبدەن.

سەلەفیەکان  زیاد دەکەن
ڕۆژنامەی»ڕاینیشەپۆست»ی ئەڵمانیش بەسود وەرگرتن لەداتاکانی دەزگای پاراستنی دەستور ئاشکرایکردووە کەلەمساڵانەی دواییدا ژمارەی سەلەفیە توندڕەوەکان بە شێوەیەکی بەرچاو زیادیکردوە، لەئەڵمانیا ژمارەیان گەیشتۆتە زیاتر لە١٠ هەزار کەس کەهەمیشە مەترسین بۆسەر ئەمن وئاسایش،گروپە چەکدارەکانی دەرەوە دەتوانن ئەو توندڕەوانە بەئاسانی بەکاربێنن بۆ ئەنجامدانی کاری تیرۆریستی.

بەرەی نوسرە خۆی گەیاندۆتە ئەڵمانیا
لەلایەکی ترەوە گۆڤاری «شپیگل» ی ئەڵمانی ئاشكرایكردووە كەدەیان چەكداری بەرەی نوسرە لەو وڵاتە هەن وئاماژەی بەوەشکردوە كەدەزگای هەواڵگری ناوخۆ،دەستی كردوە بەگەڕان بەدوای ئەو گومانلێكراوانەو لەمڕۆژانە گەنجێکی بەڕەگەز سوری دەستگیر کراوە بەتۆمەتی داعشبونی بەڵام لەدوای لیکۆڵینەوەکان دەرکەوتووە کەسەربە بەرەی نوسرەبووەو پۆلیس ڕاپێچی بەردەم دادگای کردووە.

خۆیان لەناو کۆچبەراندا حەشارداوە
گۆڤارەکە لەڕاپۆرتێكیدا بڵاویكردۆتەوە كەنزیكەی٦٠چەكداری سەربەبەرەی نوسرە ئێستا لەئەڵمانیادەژین و ئەو چەكدارانە پێشترسەر بەگروپی “لیوای قەرەنی”بون و لەناو ئاپۆرەی کۆچبەراندا خۆیان حەشارداوەو گەیشتونەتە ئەڵمانیا، ئێستا لەناو کەمپەکان دەژین و بەنهێنی کار دەکەن،بەپێی ڕاپۆرتەکە کەزانیاری لەدەزگا هەواڵگریەکانی ئەڵمانیاوەرگرتوە ئەوگروپە سەرەتا شانبەشانی سوپای سوریای ئازاد شەڕیان كردووە،پاشان لەو سوپایە جیابونەتەوەو پەیوەندیان بەبەرەی نوسرەی دۆستی ڕێكخراوی قاعیدەكردوەو بەشدارییان لەچەندین کاری کوشتوکوشتارو تیرۆریستی لەناو خاکی سوریادا کردووە،بەڵام لایەنە ئەمنیەکان ئێستا دەستیان بە پرۆسەیەکی ووردو پڕ زانیاری لێکۆڵینەوە کردووەو دەیانەوێت بەتەواوی کۆنترۆڵیان بکەن، زانیارییەكانی ئەو راپۆرتە ئەوە دەگەیەن، دەسەڵاتدارێتییە ئەمنییەكانی ئەڵمانیا لەو بڕوایەدان 18 هەزار پاسپۆرتی سوری لەدەزگا تایبەتەكانی سوریا دزراوەو لەوانەش هەزارانی كەوتۆتە دەست رێكخراوی تیرۆرستی داعش.

پاسپۆرتی ساختەیان پەیداکردووە
هەروەها هەفتەنامەی»بیڵد ئوم زۆنتاگ» بەپشتبەستن بەزانیاریەکانی پۆلیسی ئاشكرایكردووە كەڕێكخراوی تیرۆرستی داعش نزیكەی یانزە هەزار پاسپۆرتی سوری بەتاڵی دەستكەوتووەو بۆئەندامانی خۆیانیان پڕکردۆتەوە تا بیانپەڕێننەوە بۆ ئەوروپاو ژمارەیەک خەڵکیشیان بەمشێوەیە گەیاندووە،ڕۆژنامەكە باسی ئەوەشی کردووە کە لێكۆڵەرەوانی ئەو كەیسە بەداتاو زانیاری تەواو لەسەر ئەو پاسپۆرتە بەتاڵە سوریانە بۆ ساغبۆتەوەو دەركەوتووە پاسپۆرتی تەواون و دەتواندرێت پڕبکرێنەوەو خەڵکیان پێ دەرباز بکرێت. 

داعشە روسەکان گەڕاونەتەوە ئۆکرانیا
هەرلەسەر ئەو بابەتە پێگەی»سکای نیوز»بڵاویکردۆتەوە کە٥٠٠تیرۆریستی سەر بەداعش خۆیان گەیاندۆتە ئۆکرانیاو ئێستا وەک پەنابەر لەو وڵاتە دەژین،هەروەها ئاشکرابووە کەزۆربەی ئەو کەسانە هاوڵاتی ڕوسن و پێشتر شانبەشانی داعش لە سوریاو عیراق شەڕیان کردوە،لەگەڵ شکستەکانیاندا ڕایانکردوەو ناوێرن بچنەوە وڵاتی خۆیان، چونکە ناویان لەناو لیستەکەی حکومەتداهەیە، بۆیە خۆیان گەیاندۆتە ئۆکرانیاو لەوێ گیرساونەتەوە،ئێستا نیازی ئەوەیان هەیە بپەڕنەوە بۆ وڵاتانی تری ئەوروپاو لەوێ گیریان خواردووە، چونکەلەمدواییەدا ئۆکرانیا پەساپۆرتی هاوڵاتیانی خۆی لەکاغەزەوە گۆڕیوە بەمادەیەکی پلاستیکی و بەشێوەی بایۆمێتری کە تەزویر کردنی زۆرسەختەو ئەو تیرۆریستانە ناتوانن سودی لێوەرگرن هەربۆیە تا ئێستالەوێ ماونەتەوە.

لەناو هەرزەکارەکاندا کار دەکەن
ڕۆژنامەی»دەیلی میل»ی بەریتانیش بڵاویکردۆتەوە کە لەم دواییەدا داعش جموجۆڵی خۆی لەسەرخانەوادەو کەسوکارەکانیان لەوڵاتانی ئەوروپا خەستکردۆتەوە بە تایبەتیش لەناوچینی هەرزەکارەکاندا، بەپێی زانیاری»یوروپول» لەسەر ئاستی ئەوروپادا لەساڵی ڕابردودا ژمارەی ئەوکەسانەی بەتۆمەتی تیرۆرگیراون و لیکۆڵینەوەیان لەگەڵ کراوە ژمارەیان گەیشتۆتە٧١٨ کەس و زۆربەیان تەمەنیان لە ٢٥ ساڵ کەمترە.

سود لەتەکنەلۆژیای تازە وەردەگرن
ئاژانسی پیادەکردنی یاسا ئەوروپیەکانیش لەڕاپۆرتێکیدا هۆشداری ئەوەیداوە لەوانەیە داعش و هەوادارانیان لەئەوروپا پەنا بۆفڕۆکەی لاسلکی وبێفڕۆکەوان ببەن بۆ ئەنجامدانی تیرۆرو کۆشتنی خەڵکی،هەر لەسەر ئەومەترسیانەش تۆڕی کۆمەڵایەتی فه‌یسبوک لەبەرامبەر فشاری حکومەتەکانی ئەوروپا هەموو پروپاگەندەو پۆستەرو وێنەیەکی قەدەغەکرد کەتوندوتیژی بوروژێنێ وکار لەسەر ڕاکێشانی سۆزی هەرزەکاران بکات. 
مەترسی دەخەنەسەر ئەوروپا
شایانی باسە وڵاتانی ئەوروپا لەو باوەڕەدان کەلەگەڵ شکست وپاشەکشەکردنی داعش لە سوریاو عیراق، مەترسییەکانی ئەنجامدانی ھێرش بۆسەر ئەوان زیاتر بووە، بەتایبەت لەگەڵ گەڕانەوەی ژمارەیەک «توندڕەو» لەشەرگەکان وناوچەی ململانێی ڕۆژھەڵاتی ناوەڕاست بۆ وڵاتەکانی خۆیان،مەترسییەکانی گەڕانەوەی ئەو کەسانە وایکردووە ڕێكخراوی «ئینتەرپوڵ»یش بێتەسەرخەت و ھۆشداری لەو بارەیەوە بدات.

کەتیبەی ڕاهێندراویان هەیه‌
بەپێی ئینتەرپوڵ،ئەو توندڕەوانەی»ناویان لەلیستێکی تایبەتیدا هاتووە،پێدەچێت مەشقیان پێکرابێت لەسەر دروستکردنی تەقەمەنی ئەگەری گەڕانەوەیان بۆئەوروپا ھەیە، ئاماژە بەوەشکراوە ئەوکەسانەی کەئامادەکراون بۆ ئەنجامدانی تیرۆر وەک تۆڵەسەندنەوەیەک لەبەرامبەر ئەو شکستانەی ڕێکخراوەکەیان لە ڕۆژهەڵاتی ناوەڕاستدا ڕووبەڕووی بووەتەوە ئەنجامی دەدەن.

ئەگەری کاری تیرۆریستی لەپایتەختەکان زیاتربوە
شایانی باسە ساڵی پاریش دەزگای ھەواڵگری ئەمریكا ئاشكرایكرد ٤٠٠كەس لەلایەن ڕێكخراوی داعشەوە ڕاھێنانیان پێكراوە تا لەوڵاتانی ئەوروپا تەقینەوەو كاری تیرۆریستی ئەنجامبدەن و لەوڵاتانی ئەوروپا خۆیان بتەقێننەوە،ئەوکات زانیارییەكانی كەمپی ڕاھێنانی ئەو ئەندامانەی داعش لەسنوورەكانی عیراق‌و سوریا، ھەروەھا ھەندێك ناوچەی یەكێتی سوڤیەتی پێشوو بوون‌و ڕاھێنراون تا ھێرشی هاوشێوەی پاریس‌و برۆكسل وبەرلین وبەرشلۆنە لەھەموووڵاتێكی ئەوروپا دا ئەنجام بددەن، سەرچاوەکانی هەواڵ و چاودێران دەڵێن: ھەرچەندە داعش لەعیراق‌و سوریا زەوی لەدەست بدات،ئەگەری جمۆجۆڵ وچلاکی وکاری تەقاندنەوە، لەوڵاتانی ئەوروپا بەتایبەتیش شارەگەورەکان زیاتر دەبێت.


ناو:  
ئیمه‌یل:    
سه‌رنج:  

#7370
22/9/2017
ئه‌رشیف
وه‌رزش
‌ پاسكیلسوارێكی به‌ریتانی به‌ 80 رۆژ به‌ده‌وری زه‌ویدا ده‌سوڕێته‌وه‌ 21/9/2017
‌ لیستی پاڵێوراوانی خه‌ڵاتی گۆڵدن بۆی بڵاوكرایه‌وه‌ 21/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP