مام جەلال یەکێک بوو لەو سەرکردانەی کە  بە قەناعەتەوە باوەڕی بە بەشداری کردنی ژن هەبوو
مام جەلال یەکێک بوو لەو سەرکردانەی کە بە قەناعەتەوە باوەڕی بە بەشداری کردنی ژن هەبوو ‌ 10/10/2017
ئا: سیڤا ئازاد 
   کەنار قاسم

ژنان  هەر وەکو هەموو ئۆرگانەکانی تری کۆمەڵگەو  جیاوازتر شیوەن بۆ سەرۆک مام جەلال دەگێرن ، ئەوان بە گریانەوە دەیانوت ئیتر کێ پشتوپەنامان بیێت. ئەوان دەڵێن لە دوای نەخۆشکەوتنی مامەوە هەتا کادری ژن و رۆڵی ژن لەسەرجەم دامودەزگاندا کەمیکردووە.
هەر لەبەردەم مەڵبەندی یەکی یەکێتینیشتیمانی کوردستان، ژمارەیەکی ئێجگار زۆر لە خانمانی یەکێتی و هەموو لایەنەکان بە هەموو چینەکانەوە هەر لە ژنی ماڵەوە هەتا پۆستە بەرزەکان بە دڵێکی پڕ لە حەسەرەتەوە کۆببونەوە و بەم شێوەیە بۆ کوردستانی نوێ دووان:
کوێستان ئەکرەم سەرۆکی شارەوانی هەڵەبجە: له‌یه‌كه‌م كۆبوونه‌وه‌ له‌ساڵی ١٩٩٥ له‌ شاری هه‌ولێر له‌كوبوونه‌وه‌ی خولی كادیران كۆتا رۆژ مام سه‌ردانت كردین وه‌ك ژنان پشتگیرمان بوویت ئه‌وه‌ی هه‌رگیز له‌ یادم ناچێت له‌قسه‌كانتا فه‌رمووت:- «پێویسته‌ ژنان له‌ سه‌ رجه‌م كایه‌كانی ژیان دا بێت و‌ هه‌ رگیز له‌گه‌ڵ‌ دوو ژنی و فره‌ژنی دا نیم دووه‌م»، دووه‌م كۆبوونه‌وه‌ له‌قه‌ڵاچوالان ساڵی ١٩٩٦ بوو به‌ هه‌مان شێوه‌ باسی روڵی ژنانی بۆ ده‌ كردین كه‌ده‌بێت ژنان باوه‌ڕیان به‌ خویان هه‌بێت تابتوان سه‌ ركه‌وتن به‌ ده‌ ست بێنن هه‌موو ئه‌مانه‌ وایان له‌ من كرد، كه‌ به‌ رده‌وام بم سه‌ ره‌ڕای ئه‌و كۆسپانه‌ی هاتنه‌رێگام خوشبه‌ختانه‌ توانیم زاڵ بم به‌سه‌ ریانداو تێیانپه‌ڕێنم سێیه‌م سه‌ردانه‌ كانی له‌ هه‌ڵه‌بجه‌ بوو، یه‌ كه‌ م جار له‌ ١٦/٣/١٩٩٢ له‌ یه‌كه‌م یادی تاوانی هه‌ڵه‌بجه‌، هه‌ر له‌ و ساڵه‌دا به‌ردی بناغه‌ ی ئاوه‌دانی هه‌ڵه‌بجه‌ ی دانا به‌ هێنانه‌وه‌ی كاره‌با، دواتر بیرۆكه‌ ی دروستكردنی مۆنۆمێنتێك بوو، له‌هه‌ڵه‌بجه‌ تا وه‌ ك ئەرشیفێکی میژووی بێت، بۆ ده‌رخستنی تاوانی رژیمی به‌ عس ده‌ رهه‌ ق به‌ م شاره‌ خۆراگره‌ وه‌ تا هه‌ ركه‌ س دیته‌ هه‌ڵه‌بجه‌ سه‌یری مێژووی شارستانی هه‌ڵه‌بجه‌ له‌ڕابردوودا ببینیت له‌كۆتای دا ده‌ڵێم سه‌ركرده‌یه‌كی وه‌ ك مام دووباره‌ نابێته‌ وه‌ رۆحت شاد شۆره‌ سواری مێژوو به‌ڵێن بێت هه‌موو كات مێژووه‌ پڕ سه‌روه‌ریه‌كه‌ ت خوێندگایه‌ك بێت بۆم.
گەشە دارا حەسەن:  بەداخەوە مام وەكو سەركردەیەكی  پشت‌و پەنای ژنان وێنام كرد‌وە‌و  پێناسەم كرد ، مام جەلال پڕ بوو لە ئەقڵی نوێخوازی ئازادیخوازی كە هەموو ئەو چوارچێوانە بەژنەوە كامل ئەكات بەخەباتی ژنەوە بە وجوودی ژنەوە لە ناوەندەكانی بڕیاڕدا مام جەلال وەكو پێویستی وەكو زەرورەت بۆ كۆمەڵگەو پێشكەوتنی كۆمەڵگە باوەڕی بە ژن بوو نەك وەکو وەسیلە بۆ بەدەستهێنانی دەنگی حزب یاخود جوانكردن‌و ماكیاژكردنی سیاسەتی  حزبەكەی من كەم سەركردە بەتایبەت لە كوردا ببینم  وەكو مام جەلال باوەڕی بەخەباتی ژن هەبێت‌ و باوەڕی  بە  وجودی ژن هەبێت لەهەموو ئۆرگان‌ و ناوەندەكان، بەداخەوە لەهەموو میللەتی كورد رۆیشت بەتایبەتیش لەژنان.
کۆمەڵێکی ئەو خانمانە ئەندامی یەکێتی ژنان بوون ، دەیانوت لەسایەی مامەوە ئێمەش گەیشتوین بە ئەمڕۆ :
سەیوان رۆستەم  ئەندامی سکرتاریەتی یەکێتی ژنان: دەبێت سەرەتا بڵێم مام جەلال تەنها موڵکی کورد نەبوو مام جەلال سەرکردەیەکی جیهانی بوو ، مام هەروەکو گاندی وەکو ماندێلا هەڵگری پەیامی ئاشتی بوو . بەڵێ راستە مام جەلال ئەو خەسارەتەی رەنگە لە هەموو دنیا نەک تەنها کورد کەوتوە بەڵام لە ژنانی کورد زۆر تایبەتترە چونکە بەراستیمام جەلال هاوپشتی خەباتی ژنان بوو ئەو کەسێک بوو کە بەراستەقینە بڕوای بەمافی ژنان بوو ئەو بڕوای وابوو کە کۆمەڵ هەرگیز بەبێ ژنو بە یەکاسانی نەبێت بەرەوپێس ناچێت، مامە هەمیشە جەختی لەوە دەکردەوە کە دەبێت گەلی کوردو یەکێتی نیشتیمانی دەستپێشخەربێ لەوەی مافی ژنان بچەسپێنێت. بەڵێ مام جەلال بوو یاسای فرەژنی قەدەغەکرد مام جەلال بوو کوشتنی ژنی بە بیانووی شەرەفپارێزی قەدەغەکرد  مام جەلال بوو کەهەمیشە دەیوت «ئێوە بڕۆن چیتان ئەوێ من لەگەڵ ئێوەم ئێوە داوابکەن من لەگەڵتانم من لەگەڵتانم» ئەمە هەمیشە ئەو قسەیە بوو لەگەل هەموو کۆبونەکانی ئێمە جەختی دەکردەوە  بەراستی من ناتوانم تەعبیربکەم لە  خەمی مام جەلال  لە توانای مام  جەلال و لە هەوڵەکانی بۆ ژن و بۆ هەموو مرۆڤێکی کورد.
گوڵزار ئیسماعیل بەرپرسی بەشی یاسا لە یەکێتی ژنانی کوردستان: رۆلی مام و کەسایەتی مام هیچ ناوترێت لە ئاستیدا ، بەڵام بەو مێژووی خەباتەی کە ئێمەکردوومانەو و هەمانە دایم وەکو قەڵایەک وابووە لە پشتمانەوە هەم لە رووی کۆمەڵایەتی و هەم لە رووی یاسای هەم لە رووی ماددی و مەعنەوی، چ بە وتاردان بێت چ بە رۆڵی فیعلی بێت پشت و پەنامان بووە ئەوەی ئەمڕۆ ئێمەی تیاین بەرهەمی خەباتی ئەوە بەتایبەتی لەدوای ساڵانی ٢٠٠٠ ەوە لە نەوەدویەک بەدواوە خۆمان دەزانین کۆمەڵگەی کوردی بە کۆمەڵگەیەکی کشتوکاڵی چەکداری زۆردا رۆیشت کۆمەڵێک ژن کوژران  لەدوای ساڵی ٢٠٠٠ وە سەرۆک مام جەلال کۆمەڵیک بڕیاری دەرکرد بەتایبەت لەسەر ئاستی سلێمانی کە جی پەنجەی دیارە ، یەکێک لەوانە  بریاری ٥٩ بوو لەگەڵ بڕیاری ٦٢ کە یەکێکیان تایبەتە بە قەدەغەکردنی فرەژنی و ئەویتریان ژن کوشتن بەناوی شەرەفەوە هەر ئەمە وایکرد کە پەرلەمانی کوردستان هەر بەو بڕیارەی مام جەلال و لە رێگەی پڕۆژەیاسایەکی یەکێتی ژنانەوە وای لی هات لەساڵی ٢٠١٥ پەرلەمای کوردستان ژن کوشتنی قەدەغەکرد بە ناوی شەرەفەوە ئەمانە مێژوو خەباتێکن ئەمانە شۆڕشێکن تا چەند باسبکرێ هێشتا کەمە ئەو رۆلەی مام بە ژنی داوە هیج سەرکردەو سیاسیەک ئەوەی نەکردووە .
لەناو ئەو خانمانەش دەنگی ژنان و کچانی شەهیدانی نیشتیمان ئەو ناوەی پڕکرد بوو:
مەحبوبە فەتاح کچە شەهید: بەدێژای مێژووی مرۆڤایەتی سەرکردەیەکی وا دروست نابێتەوە ، کۆستێکی گەورەمان کەوت ئێمەی مناڵی شەهیدان جارێکی تر بێباوک بووین باوکی دووەمیشمان لەدەستدا، ئەمڕۆ چوارپارچەی کوردستان خەمبارە کۆستیان کەوتوە بۆ مامە هەرگیز ناتوانین بەکەسێکی تر بڵێین مامە جەرگم ژان دەکات وا هەست دەکەم باوکم دووبارەشەهید بۆتەوە .
کۆمەڵێکی تریش بەجلوبەرگی فەرمی ئاسایشەوە، ئەوانیش دەیانوت لەمامەوە کچان و ژنانی کوردستان خاوەنی تواناکانی خۆیانن:
ئەسرین شەریف  وتەبێژی ئەکادیمیای یەکەکانی پێگەیاندنی هێزەکانی ئاسایش: ئێمە وەکو ئەکادیمیای پێگەیاندی ئاسایش وەکو کچان و ژنانی ئەکادیمیاکەمان پرسەو سەرەرەخۆشی خۆمان ئاڕاستەی هەموو گەلی کورد دەکەم بەراستی خەمێکی زۆر گەورەی لە دڵی هەموو میللەتی کوردا دروست کرد بەتایبەتی پشتوپەنانی ژنان بوو لەهەموو لایەکەوە پشتگیری دەکردین کە هەواڵی کۆچی مامەمان پێگەیشت بڕوام نەکرد هیوادارم بە بەهەشتی خودا شاد بێت.


ناو:  
ئیمه‌یل:    
سه‌رنج:  

#7396
22/10/2017
ئه‌رشیف
وه‌رزش
‌ گه‌وره‌ترین پاڵه‌وانی بازی به‌رز وازهێنانی راگه‌یاند 22/10/2017
‌ ئه‌ندام په‌رله‌مانێكی به‌ریتانیا به‌هۆی كاری ناوبژیوانی هه‌را ده‌نێته‌وه‌ 22/10/2017
زانست
‌ هه‌سارۆكه‌یه‌ك سڵاوی له‌ زه‌وی كرد و رۆیشت 19/10/2017
‌ چه‌ند خۆراكێكی گرنگ بۆ وه‌رزی پایز 19/10/2017
‌ كاریگه‌ری‌ ته‌له‌فزیۆن له‌ دروستكردنی‌ ترس لای‌ بینه‌ر 19/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP