ئازاد جندیانی: لهڕابردوودا كوتلهكان لهگهڵ یهكتردا جددی نهبوون
1/8/2010
سلێمانی، بههرۆز فهرهیدون
دوێنێ 31/7/2010، ئازاد جندیانی بهرپرسی مهكتهبی راگهیاندنی یهكێتیی نیشتمانیی كوردستان لهبارهگای مهكتهب لهگهڵ كۆمهڵێك لهڕاگهیاندنكارو ژمارهیهك لهڕۆژنامهنووس و نووسهرانی كهناڵهكانی راگهیاندن گفتوگۆیهكی سازداو تێیدا تیشكی خستهسهر دوا گۆڕانكاری و پێشهاتهكانی مهسهلهی سیاسی لهعیراق و بهتایبهت رۆڵی كورد لهپێكهێنانی حكومهتی نوێی عیراق و دواتریش لهلایهن رۆژنامهنووسانهوه سهرنج و پێشنیازهكان خرانهڕوو.
جندیانی لهبهشێكی وتهكانیدا ئاماژهی بهوهكرد، لهچهند رۆژی رابردوودا چهكهرهی چهند گۆڕانكارییهك لهكوردستان و عیراقدا سهریههڵداوهو پێویسته نووسهران و رۆژنامهنووسان بهئاگادابن لهدوا گۆڕانكاری و پێشهاتهكان وتیشی: لهبهرئهوهی ئێمهی كورد بهشێكین لهپرۆسهی سیاسی لهعیراق و لهدوای ههڵبژاردنهكانهوه ههوڵی جیاجیا ههیه بۆ بهیهكگهیشتن و دهستنیشانكردنی پۆسته سیادییهكان، زۆرجار شعورێك لای هاوولاتیانی عیراق و لهكوردستان دروستدهبوو كهڕهنگه كوتلهكان پێكبێن و حكومهت پێكبێت و كۆتایی بهو قهیرانهبێت كهڕووبهڕووی پرۆسهی سیاسی و پرۆسهی پێكهێنانی حكومهت بۆتهوه، بهلام دهبینین مهسهلهكان ههڵوهشاونهتهوه، ههموو گۆڕانكارییهكانی رابردوو ئهوهمان پێدهڵێن، هیچ كوتلهیهك لهڕابردوودا جددی نهبوون لهگهڵ یهكتردا، بهڵكو ههموویان جۆرێك لهوهی پیلانیان لهدژی یهك گێڕاوه، باسی لهوهشكرد كهولاتانی ئیقلیم رۆڵ و كاریان لهسهر پێكنههێنانی حكومهتی عیراق ههیه.
وتیشی: تائێستا هیچ هیوایهك نییه پێكهاته سیاسییهكانی عیراق تا رۆژی 4/8/2010، بگهنه ئهنجامێك بۆ پێكهێنانی حكومهت و كاریگهریی ببێت لهسهر بڕیاری ئهنجومهنی ئاسایش لهسهر مهسهلهی پێكهێنانی حكومهت.
لهژمارهكانى داهاتوودا لهوبارهیهوه راپۆرتێك دهخوێنیتهوه.
|
|
|
|
|
|
|
|
|