کەریم زەند، گه‌ڕیدە و مێژوونووسی كورد کۆچی دوایی کرد
تۆماری تەمەن، یەکێک لە گرنگترین کتێبەکانی کەریم زەند، گه‌ڕیدە و مێژوونووسی كورد کۆچی دوایی کرد ‌ 12/10/2017
رۆژی 10/10/2017، کەسێتییەکی ناودار و نیشتمان پەروەر و گه‌ڕیدە و مێژوونووس‌ و جوگرافیاناسی ناسراوی كورد، مامۆستا كه‌ریم زه‌ند بەهۆی نەخۆشییەوە لە تەمەنی ٩٣ ساڵیدا له ‌شاری سلێمانی كۆچی دوایی كرد، دوانیوه‌ڕۆی هەمان رۆژیش به‌ئاماده‌بوونی ژماره‌یه‌كی به‌رچاو له‌ خزم‌ و هاوڕێ‌ و كه‌سایه‌تی حكومی ‌و حزبی‌ و هاووڵاتیان لە گردی سەیوان به‌خاك سپێردرا.

لە کۆماری مهاباد 
مامۆستای کوردی بووە
مامۆستا کەریم زەند کوڕی حەمە ئاغای کوڕی ئەمین ئاغایە، لە ساڵی 1924 لە گەڕەکی مەڵکەندی سلێمانی لەدایکبووە،  خوێندنی ئایینی و سەرەتایی و ناوەندی لە سلێمانی تەواو کردووە و ساڵی 1944 خانەی مامۆستایانی لە بەغدا تەواو کردووە، هەروەها لە قاهیرە دبلۆمی باڵای بەدەست هێناوە و لە زانکۆی ماینز گۆتنبێرگ لە ئەڵمانیا پلەی پرۆفیسۆری پێ بەخشراوە، ساڵی 1946 بەشداری لە کۆماری کوردستان لە مهاباد کردووە و لەوێ بۆتە مامۆستای زمان و ئەدەبی کوردی. 
له‌ دوای رووخانی كۆماری مهاباد، مامۆستا كەریم زەند رووی کردۆتە یه‌كێتیی سۆڤێت و ماوەیەك لەوێ ماوەتەوە، دواتر گەڕاوەتەوە كوردستان و لە ژیانیدا نزیكەی 50 وڵات گەڕاوە.
مامۆستا کەریم زەند وێڕای بەشداری کردنی لە شۆڕشەکانی شێخ مەحمودی نەمر و  شۆڕشی بارزان و شۆڕشی قازی محه‌مه‌ددا، لە زیندانی ئەبوغرێب دوو ساڵ زیندانیی قورس بووە، لە ناوچەی ناسریەی باشووری عیراق شەش ساڵ دەستبەسەر بووە، ١٣ ساڵیش ئاوارە بووە.
یەكێك لە دیارترین ئەو شتانەی مامۆستا كەریم زەندی پێ دەناسرێتەوە كڵاوەكەی سەری بوو، كە لە ساڵی 1946 كاتێك چۆتە مهاباد، لەلایەن قازی محەمەد سەرۆك كۆماری كوردستانەوە پێشكەشی کراوە و تا ئەو کاتەی كۆچی دوایی كرد كڵاوەكەی دانەنا.

خاوەنی زیاتر لە ٣٥ کتێب و دەستنووس بووە
مامۆستا کەریم زەند لە ساڵی 1940ەوە دەستی بەنووسین کردووە و بەپیادە هەر چوار پارچەکەی کوردستان گەڕاوە و زانیاری زۆر باشی دەربارەی هەموو شوێن و هۆز و تیرە و رەگەز و زمان و مێژووی کوردستانی گەورە نووسیوە، لە ساڵی ١٩٥٨ دا جوگرافیای کوردستانی بڵاوکردۆتەوە.
مامۆستا کەریم زەند خاوەنی زیاتر لە ٣٥ کتێب و دەستنووس بووە لە بواری مێژوو و جوگرافیای کوردستان و زیاتر لە ٦٠٠ وتاری لە گۆڤار و رۆژنامەکاندا بڵاوبۆتەوە، ماوەی ١٥ ساڵ سەرپەرشتیاری نەهێشتنی نەخوێندەواریی بووە، بریکاری سەندیکای مامۆستایان بووە. ماوەی ١٥ ساڵ جێگری ئەنجومەنی شارەوانی سلێمانی بووە.
یەکێک لە گرنگترین کتێبەکانی مامۆستا كه‌ریم زه‌ند بریتییە لە تۆماری ته‌مه‌ن، كه‌ له‌ پێنج به‌رگ پێكهاتووه‌ و باس لە جوگرافیا و شێوەزاری میللەتانی کوردستان دەکات، هەروەک یه‌كه‌م كه‌س بووە‌ کە كتێبی ئینجیلی كردووه‌ به‌ كوردی.

پرسه‌‌و سه‌ره‌خۆشی
بۆ كۆچی دوایی مامۆستا كه‌ریم زه‌ند، پرسه‌و سه‌ره‌خۆشی خۆمان ئاڕاسته‌ی خانه‌واده‌‌و كه‌سوكار‌و بنه‌ماڵه‌ تێكۆشه‌ره‌كه‌یان ده‌كه‌ین‌و هاوبه‌شی خه‌میانین.
به‌كۆچی دوایی مامۆستا كه‌ریم زه‌ند، گه‌لی كورد كه‌سێكی نیشتمان په‌روه‌ر‌و دڵسۆز‌و مێژوونووس‌و جوگرافیاناسێكی گه‌وره‌ی  له‌ده‌ست دا.
له‌ خوای گه‌وره‌ داواكارین مامۆستا كه‌ریم زه‌ند به‌به‌هه‌شتی به‌رین شاد بكات‌و سه‌بووری‌و دڵنه‌وایی به‌ خانه‌واده‌كه‌ی ببه‌خشێت.
کوردستانی نوێ



ناو:  
ئیمه‌یل:    
سه‌رنج:  

#7392
17/10/2017
ئه‌رشیف
وه‌رزش
‌ رۆجێر فێدره‌ر بۆ جاری چواره‌م له‌م وه‌رزه‌دا له‌ نادالی برده‌وه‌ 17/10/2017
‌ دۆڤیزیسیۆ قۆناغی ژاپۆنی مۆتۆ جی پی برده‌وه‌ 17/10/2017
زانست
‌ ته‌كنیكی نوێ بۆ نووسینی نامه‌ بێ ده‌ستدان له‌ كیبۆرد 17/10/2017
‌ ئه‌ندۆنیزیا چاوه‌ڕوانی هه‌ڵپژانی گڕكانێكه‌ 17/10/2017
‌ زرێبار هه‌ورامی: ژیان جه‌نگه‌، له‌گه‌ڵ خۆت و له‌گه‌ڵ بارودۆخه‌كه‌ت 16/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP