سەرەکی » زانست » فێستیڤاڵی رەنگەکان Holi

فێستیڤاڵی رەنگەکان Holi

ئامادەکردنی: بورهان ئەمین

ئەگەر بۆ گەلی کورد نەورۆز هێمای هاتنی بەهارو سەوزایی وسەرەتای ساڵ وئازادی وسەربەستی وزاڵ بون بێت بەسەر ئیرادەی شەڕو ڕۆژێکی نوێ بێت، ئەوا لە هیندستان ڕەنگی جوان وئاڵ و واڵاوگوڵ وگوڵزار گوزارشت لەهاتنی وەرزی بەهارو کرانەوەو خۆشی دەکاو خەڵکی لەرۆژێکی تایبەتیدا فێستیڤاڵی بۆ سازدەکەن.

ئەمساڵیش هەرچەندە کۆرۆنا هەیە بەڵام هندییەکان دەستبەرداری ئەو رۆژە نەبون و لەچەند شارو شارۆچکەیەکدا بەزم وسەفایان گێڕاو بەتێکەڵاوکردنی بۆدرەی رەنگاوڕەنگ و پرژکاندن بەیەکدی ڕۆژێکی نوێ وهاتنی وەرزی بەهاریان پیرۆزکرد، هیندۆسەکان لە مانگی ئازارەوە رۆژیکی هەتاوی دادەنێن وناویان لێناوە» هۆلی» و 16 ڕۆژ ئاهەنگی تێدا دەگێڕن، ئەمساڵ کەوتە کۆتایی مانگی ئازار و 28 ی مانگ کرایە پشویەکی فەرمی لەسەرتاسەری وڵات وبە رێکاری خۆپارێزیەوە لەهەموو لایەکەوە ئاهەنگ وخۆشیان گێرا.

دیرۆکی مێژوویی
مێژوویی ئەو فێستیڤاڵە دەگەڕێتەوە بۆ چەند سەربردەیەکی زەمانی زۆر زوو ،یەکیان باس لە خواوەندێکیان دەکات کەناوی» کریشنا» بوەو لەگەڵ «ڕادا» ی برای جمک بوە، گوایە ئەوەی یەکەم سپی پێست وئەوی دیش ئەسمەر ، ئەسمەرەکە نازانێت لەداخا چی بکات وئیرەیی بەبراکەی دەبات بۆیە دەچێت ڕەنگێکی ناشیرین لەگەڵ تەنی ڕەش بەدوەموچاوی جمکەبراکەیدا دەپڕژینێ ، کەدەبینێت ڕوخساری تێکچوەو ،ئیدی لەخۆشیا ئۆقرەناگرێت و ئاهەنگ دەگێڕێت، فەرمانیشی داوە هەموو ساڵێک لەو رۆژەدا خەڵکی ئاهەنگ وسەما بکەن، ئیدی لەوساوە بۆتە کلتور لەناویاندا.

ڕەگەزە پیرۆزەکان لای هیندۆس
سەربردەی دوەم دەگەڕێتەوە بۆ ئەوەی کەلای هیندیەکان واباوە لەناو گەردوندا چوار ڕەگەز هەن کەتیشک دەدەنەوە بەهەموو جیهانداپەخشی دەکەن ئەوانیش ئاوو ئاگرو خۆڵ وهەوان،تیشکدانەوەی ڕەنگەکان لەئەنجامی ئەو ڕەگەزانە دروستدەبێت بۆیە خۆشەویستی وپیرۆزی ڕەنگەکان بۆ ئەو چوار بەهایە دەگەڕیتەوە کە بەپیرۆز ناویان دەبەن وبۆیەش ڕەنگیان لا پیرۆزو بەنرخە، سیناریۆی سێیەمیش ڕەگ وریشەی ئەو فێستیڤاڵە بۆ داستانی هیندۆسی» هۆلیکا» دەگەڕێنێتەوە کە برابچوکی شا» هیرانیاکاشیاب» دەبێ ولای ئەوان گوایە حاکمی ڕەهای ئەو دونیایەبوەو پیاوێکی زاڵم وزۆردرابوە، بۆیە هۆلیکا دەیکوژێ و بەمجۆرە دەڵێن لایەنی خێر سەرکەوتوە بەسەر لایەنی شەڕو ئەو روداوە لەوەرزی بەهاردەبێت بۆیە تائیستاش هەر ئاهەنگی سەرکەوتن دەگێڕن وبەتێکەڵاوکردنی ڕەنگەکان ، دیمەنی جوان ودڵڕفێن دروست دەکەن.

هەموو دونیا
بەو پێیەی هیندۆسەکان جگەلەوڵاتی هیند لەزۆر شوێنی تری دونیشدا هەن ، بۆیە لە وڵاتی دیکەش ئەو فێستیڤاڵە دەکەن، لەوانە بەنگلادیش وسریلانکاو پاکستان ونیپال وباشوری ئەفریقیاو لەوڵاتانی تری ڕۆژئاواش وەک ئەمریکاو بەریتانیا کە هیندۆسی لێن هەمان شێوە ئاهەنگ سازدەکەن، هەرچەندە ئەو ڕوداوە ئاینیەو تایبەتەبەخۆیان بەڵام ئێستا لەزۆر وڵات وایلێهاتوە هەمان شێوەی هیندیەکان جەژنی ڕەنگەکان دەگێڕن وڕەنگ وەک هێمای ئاشتی وجوانی وتەبایی وپێکەوەژیان سەیردەکەن.

ئەڵمانیا
بەو پێیەی ئەڵمان حەزیان لە فێستیڤاڵ‌ و کۆبونەوەو بەزم وڕەزمە، چەند ساڵێکە لەو وڵاتەش فێستیڤاڵی رەنگەکان دەکریت بەلام بەومانایەی هیندۆسەکان نایکەن بەڵکو بۆ گێرانی ئاهەنگ وبەسەربردنی کاتێکی خۆشە، لەهەر یەک لە بەرلینی پایتەخت و هامبۆرگ و ژمارەیەک شاری تریش سازدەدرێ وگەنجان لە کوڕو کچ بە جلوبەرگی سپیەوە بۆ ماوەی چەند سەعاتیک بەدەم گۆرانی ومیوزیک وخواردنەوە وپڕژاندنی پۆدرەی ڕەنگەکان بەیەکتری چەند سەعاتێک بەڕێ دەکەن، ئەمساڵ ئەگەر کۆرۆنا بهێڵیت بڕیار وایە لەبەرلین لەمانگی ئاب ولەهامبۆرگ لە ئەیلول سازبدرێ و ئەگەر بکرێت لەوانەیە ئەمساڵ جیا لەسالانی تر پێشوازی گەرمتری لێ بکرێت چونکە ساڵیک زیاترە هیچ ڤیستیڤاڵ وکۆبونەوەیەکی جەماوەری نەکراوەو خەڵکی تامەزرۆی ئەو کۆبونەوان.

کوردستان
هەرێمی کوردستانیش یەکێکە لەوانەی لەمساڵانەی دواییدا گەنجان ڤیستیڤاڵی بۆ سازدەکەن ودونیا پڕ دەکەن لە ڕەنگی جوان ولەورۆژە گوزارشت لە جوانی وتەبایی وئاشتی وخۆشی ژیان دەکەن، ئەوەی جێی سەرنجە ئیستا لەسەر ئاستی هەموو دونیا جەژن وچالکی وبۆنە نیستیمانیو نەتوەیی وئاینیەکان خەریکە بەرەو جیهانی بون دەڕۆن وهەر میللەتێک حەزی لێبیت دەیکاتە کلتورێکلی باو لەناو کۆمەڵگاو پیادەی دەکات.

 85 جار بینراوە