سەرەکی » هەمەڕەنگ » كۆنفرانسی سەد ساڵەی لە دایكبوونی دڵدار

كۆنفرانسی سەد ساڵەی لە دایكبوونی دڵدار

رۆژی 20/2/2018 سەرۆكایەتی زانكۆی كۆیە لەهۆڵی سەرۆكایەتی كۆنفرانسی زانستی یادی سەدساڵەی لەدایكبوونی دڵداری سازکرد. ئەمە سێیەم كۆنفرانسی زانستی كەسایەتییەكانی كۆیەیە کە بەناوی دڵدار شاعیری رەسەنایەتی زمان و شیعرو هزرو نەتەوەیی و لەسەدساڵەی لەدایكبوونیدا بەڕیوەچوو کۆنفرانسەکەش سێ رۆژ بەردەوامدەبێت.
كۆنفرانسەكە بەئامادەبوونی ژمارەیەكی بەرچاو لەنووسەران و توێژەران و شاعیران و بنەماڵەی دڵدار بەمارشی نەتەوەیی ئەی رەقیب دەستی بەكارەكانی كرد، لەكردنەوەی كۆنفرانسەكەدا وتاری زانكۆی كۆیە لەلایەن سەرۆكی زانكۆی كۆیەو وتاری لێژنەی كۆنفرانس و وتاری بنەماڵەی دڵدار خوێندرانەوە. هەروەها فیلمێکی بەڵگەنامەیی دەبارەی دڵدارو قسەكانی عەبدوڵڵا زەنگەنە پێشكەشكران و بۆ یەكەمجار ئەوەش ئاشكرا كرا كە دڵداری شاعیر لەبنەماڵەكەیدا ژماریەك شاعیرو كەسایەتی رەچەشكێن هەبوون لەنێویشیاندا خوشکێكی گەورەی دڵدار بەناوی زەنەبە کە شاعێرێكی بەتوانا بووەو لەلایەن عەبدوڵڵا زەنگەنەوە شیعرەكانی دۆزراوەتەوەو ساغكراونەتەوەو لەچاپدران و ژمارەیەك لەشیعرەكانیشی خوێندرانەوەو خەڵاتی زانكۆی كۆیەش پێشكەشی بنەماڵەی دڵدار كرا.
تەوەرەكانی كۆنفرانس بەسەر یانزە تەوەردا دابەشكراون و لەدوو هۆڵی جیادا بابەتەكان پێشكەشكران و تێكڕا 38 بابەت و توێژینەوە لەلایەن شارەزایان لێکۆڵیارانەوە پێشکەشکران.
دێدەوانی یەعقوب

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

میوزیكی سەرشەقام لە سەرای سلێمانی

لەچوارچێوەی چالاکییەکانی بەشی سەنتەرە رۆشنبیری و تیپە هونەرییەكانی سلێمانی سەر ...