سەرەکی » هەواڵ » بەرخۆدانی عەفرین دوای مانگێك

بەرخۆدانی عەفرین دوای مانگێك

هێرش و پەلامارەكانی سوپای توركیا ‌و هاوپەیمانەكانی لە گروپە چەكدارەكانی سوریا، بۆ سەر كانتۆنی عەفرین لە رۆژئاڤای كوردستان زیاتر لە مانگێكی تێپەڕاند و عەفرین-یش بەردەوامە لە بەرخۆدان.

هەزاران كەس بەرەو خاكی زەیتون دەڕۆن
وێڕای بێدەنگیی نێودەوڵەتیی لە بەرامبەر لەشكركێشییەكەی سوپای توركیا و هاوپەیمانەكانی بۆ سەر كانتۆنی عەفرین، بەڵام زیاتر لە مانگێكە لە عەفرین بەرخۆدان بەردەوامە و دوێنێش هەزاران كەس لە دانیشتووانی كانتۆنی جزیرە بەرەو ناحیەی تەل تەمر رۆیشتن، تا لەوێوە بەرەو عەفرین (خاكی زەیتون) بڕۆن‌ و بەڵێنی بەرخۆدان بۆ شەڕڤانان‌ و دانیشتووانەكەی دووپات بكەنەوە.

شەهیدبوونی هاووڵاتیان
سوپای توركیا بە چڕی بۆردومانی كانتۆنی عەفرین دەكات ‌و لە دوو رۆژی رابردووشدا ناوەندی عەفرین ‌و ناوچەكانی دەوروبەری بۆردومان ‌و تۆپباران كرد ‌و بەوهۆیەوە نۆ هاووڵاتی شەهید ‌و برینداربوون، كە زۆربەیان منداڵن.
بەگوێرەی سەرچاوەكانی هەواڵ لە رۆژئاڤای كوردستانەوە، لەو تۆپبارانانەی سوپای توركیادا، كچێكی تەمەن 13 ساڵ شەهید بووە‌ و هەشت كەسیش بریندار بوون، كە حەوت كەسیان منداڵن‌ و تەمەنیان لەنێوان چوار بۆ 13 ساڵدایە.

50 هەزار خوێندكار لە خوێندن بێبەش بوون
هەروەها لە سەرەتای دەستپێكردنی پەلامارەكانی توركیاوە لە 20/1/2018-ەوە تائێستا نزیكەی ٣٢٠ خوێندنگە لە ناوچەكانی عەفرین بەتەواوی خوێندنیان تێدا راگیراوە و 50 هەزار خوێندكاریش لە خوێندن بێبەش بوون.
هاوكات لە بەردەوامیی پشتیوانی هاووڵاتیانی ناوچەكانی دیكەی سوریا ‌و رۆژئاڤا بۆ بەرخۆدانی عەفرین، دوێنی سەدان هاووڵاتی خەڵكی حەلەب لە كورد ‌و پێكهاتەكانی دیكە، خۆیان گەیاندە كانتۆنی عەفرین‌ و ئامادەیی خۆیان دەربڕی بۆ بەشداربوون لە بەرخۆدانی ئەو كانتۆنەدا.

ئا: دیاری سابیر

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەمڕۆ وەفدێكی باڵای حكومەتی هەرێم سەردانی بەغدا دەكات

״گفتوگۆ لەبارەی دۆزینەوەی رێگاچارەی گونجاو بۆ كێشە هەڵپەسێردراوەكانی نێوان هەولێر ...