سەرەکی » مانشێت » ״پارێزەری دەستكەوتەكان بین و هەوڵ بۆ باشتركردنی ژیان و گوزەرانی كەسوكاری سەربەرزی شەهیدان بدەین״

״پارێزەری دەستكەوتەكان بین و هەوڵ بۆ باشتركردنی ژیان و گوزەرانی كەسوكاری سەربەرزی شەهیدان بدەین״

پە‌یامی قوباد تاڵە‌بانی بۆ رۆژی شەهیدی یە‌كێتی:

رۆژی شەهیدی یەكێتی، رۆژێك بۆ شكۆداركردنی یادەوەریی قوربانیدانی رۆڵەكانمان لەپێناوی هێنانەكایەی ئەمڕۆی ئازادی و سە‌ربە‌ستی، رۆژێك كە تێیدا یادەوەریی ئەو هەزاران شەهیدەی یەكێتیی نیشتمانیی كوردستان دەكەینەوە كە خوێنی پیرۆزی خۆیان كردە قوربانی بەرگریكردن لەم خاك و نیشتمانە.

لە رۆژی شەهیدی یەكێتی-دا رایدەگەیەنین كە؛ كێلی شەهیدەكانمان گەورەترین ناسنامەمانە‌، لەم رۆژەشدا پەیمان و وەفا دووپاتدەكەینەوە كە پارێزەری دەستكەوتەكان بین و هەوڵ بۆ باشتركردنی ژیان و گوزەرانی كەسوكاری سەربەرزی شەهیدان بدەین.

لەم رۆژە پڕشكۆیەدا، سەرباری دووپاتكردنەوەی بەڵێنی بەهێزتركردنی ریزەكانی یەكێتی، رایدەگەیەنین كە؛ هەمووان لەبەردەم دەرفەتێكی مێژووییداین بۆ گەڕانەوەی متمانەی گەلەكەمان، بەتایبەت لە قۆناغی دوای هەڵبژاردن بە گرتنەبەری شێوازە دیموكراتییەكان وەك هۆكارێك بۆ گۆڕانكاری لەپێناوی راستكردنەوە و بەرەوپێشبردن و بەدیهێنانی سەركەوتنی زیاتر بۆ هەرێمەكەمان، بەگرنگ دەزانین.

خوای گەورە كوردستانەكەمان بپارێزێت و سە‌ری رێز دادە‌نە‌وێنین بۆ رۆحی شەهیدە‌كانمان و هە‌میشە‌ خۆمان بە ‌قەرزدارباری كە‌سوكارە‌ سە‌ربە‌رزە‌كانیان دە‌زانین.

قوباد تاڵەبانی
جێگری سەرۆكی ئەنجومەنی وەزیران

 585 جار بینراوە