سەرەکی » ئاراستە » بیرەوەریەك لە كۆچی دوایی هەڤاڵی سەرکردە عادل موراد دا

بیرەوەریەك لە كۆچی دوایی هەڤاڵی سەرکردە عادل موراد دا

د.ئەحمەد بەرزنجی*

پاش رێكکەوتنی 11ی ئازاری 1970 و تێكەڵبوونەوەی باڵی (م .س) لەگەڵ پارتی، من و چەند هاوڕێیەك لە ناوچەی دوكان گیرساینەوەو خوالێخۆشبوو عەبدولحسێن فەیلی لێپرسراوی ناوچە بوو، پیاوێكی تێكۆشەرو سادەبوو، پەیوەندییەكی برایانەی باشمان هەبوو، من بەهۆی ئەو و چەند برادەرێكی تری فەیلی وەک سەباح‌ و بەدری حاجی كازم لە بەغدا كاك عادل مورادم ناسی، هەرچەندە ئەو لەباڵەكەی تری پارتی بوو، بەڵام بۆچوونەكانمان لێك نزیك بوو، لەو كاتەوە كاك عادلم ناسی.
ساڵی 1972 لەگەڵ دەستەیەك لە سەركردایەتیی خوێندكاران دەعوەتێكمان كرد لە دوكان، دوو رۆژ مانەوە، دوای ئاشبەتاڵ، جارێكی تر لە تاران كاك عادلم بینییەوە، كە شۆڕشی نوێش هەڵگیرسا، بەڕابەری مامی گەورەو یەكێتیی نیشتمانیی كوردستان، كاك عادل یەكێك بوو لە دامەزرێنەرانی ی.ن.ك، ئەو پەیوەندیی باشی لەگەڵ مام هەبوو، مامیش زۆر رێزی لێ دەگرت.
كاك عادل نموونەی دڵپاكی و دڵسۆزیی بوو، پیاوێك بوو سەرتاپای رەوشت بەرزی بوو، فەیلییەكان كە بەشێكی نەتەوەی كورد پێكدەهێنن، لە كاروانی خەباتی كوردایەتیدا کەڵەپیاوی رەوشت بەرز‌و پاك‌ و دڵسۆزیان زۆرە، كە مامۆستا عادل موراد‌ و كوردۆ قاسم‌ و لەیلا‌و شەهید ملازم جوامێر‌ و دەیانی تر نموونەکانیانن و ئەگەر سەربازی ون هەبێت‌، ئەوا فەیلییەكان پشكی شێریان بەردەكەوێت.
مخابن دوای رووخانی رژێمی سەدام‌ و لە سەردەمی حكومەتی هەرێمیشدا گرنگییەك بەم پێكهاتەیە نەدراوە‌و قەدریان نەزانراوە.
مامۆستا عادل موراد پیاوێك بوو کە هەر لەمنداڵییەوە تا كۆچی دوایی خەباتی بۆ گەلەكەی كرد، نە منەتی بەسەر كەسدا دەكرد و نەمنەت باری كەسیش بوو، لە راستیدا نموونەی خەڵكی تێكۆشەرو شۆشگێڕبوو، نموونەی سەركردەی خاكی و دڵسۆز بوو.
سڵاو لەو خانەدانەی كە ئەم كەڵە پیاوەیان پەروەردە كرد.
هەزار سڵاو لە گیانی مامۆستا عادل موراد.

*یاریدەدەری سكرتێری گشتی بۆ کاروباری ئایینی

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شه‌هید لوقمان بێریاتی‌

شه‌هید لوقمان عه‌بدولڕه‌حمان ئه‌حمه‌د ئیسماعیل له‌ خانه‌واده‌یه‌كی‌ كوردپه‌روه‌رو دڵسۆزی‌ نه‌ته‌وه‌كه‌مان ...