سەرەکی » هەواڵ » سەرۆك كۆمار: یەكدەنگیی ‌و یەكهەڵوێستی

سەرۆك كۆمار: یەكدەنگیی ‌و یەكهەڵوێستی

دوێنێ، د.بەرهەم ساڵح سەرۆك كۆمار، لەمیانی پێشوازی لە جوبران باسیل وەزیری دەرەوەو كاروباری كۆچبەرانی لوبنان، بانگهێشتنامەیەكی فەرمیی میشیل عون سەرۆكی لوبنانی پێشكەشكرا، بۆ ئامادەبوونی لەكۆنگرەی باڵای ئابووریی عەرەب لەبەیروت.
لەدیدارەكەدا، سەرۆك كۆمار، ئەوەی دووپاتكردەوە كە عیراق هەوڵدەدات باشترین پەیوەندیی هەبێت لەگەڵ دراوسێكانی‌و وڵاتانی عەرەبیدا بۆ هێنانەكایەی قۆناغێكی نوێی هاریكاریی بنیاتنەرو سەركەوتوو لەهەموو ئاستەكاندا، هەر لەوڕووەشەوە بایەخی كاراكردنی رێككەوتنە دووقۆڵییەكانی نێوان بەغداو بەیروتی لەبوارەكانی ئابووری، خوێندن، گەشتیاری‌و وەبەرهێنان، خستەڕوو، داواشیكرد كە كۆمپانیاكانی لوبنان بەشێوەیەكی كاریگەرتر بەشداریی بكەن لەپرۆسەی ئاوەدانكردنەوەی ناوچە وێرانەكانی عیراقدا.
لەكۆتایی دیدارەكەشدا، سەرۆك بەرهەم ساڵح‌و جوبران باسیل، تەئكیدیان لەگرنگیی هەماهەنگی‌و یەكدەنگی‌و یەكهەڵوێستی لەكۆڕو كۆبوونەوە نێودەوڵەتییەكاندا كردەوە، بەتایبەت ئەوەی پەیوەستە بەقەیرانی سوریاو كاركردن بۆ گەڕاندنەوەی ئارامی‌و ئۆقرەییەكەی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

باڵیۆزی هندستان:سەرۆك مام جەلال..

باڵیۆزی هندستان: سەرۆك مام جەلال یەكێك بووە لە كاریگەرترین ‌و ...