سەرەکی » هەواڵ » زیانی گیانی و مادیی زۆر بەهۆی بارانی بەخوڕ و لافاوەوە

زیانی گیانی و مادیی زۆر بەهۆی بارانی بەخوڕ و لافاوەوە

بەهۆی بارانبارینی چەند رۆژی رابردوو، لەزۆربەی شارو ناوچەكانی هەرێمی كوردستان، زەرەروزیانی ماددیی زۆر تۆماركراوە. بەداخەوە لە سنووری ناحیەی سەنگاو كچێكی تەمەن 16 ساڵ بەهۆی لافاوەوە خنكاوە. لەئیدارەی گەرمیانیش چەند كەسێك رزگاركراون.
یادگار عەلی پەیامنێرمان لەسنووری ئیدارەی گەرمیان، ئەوەی پێڕاگەیاندین كە بەهۆی بارانبارینی بەخوڕ و لافاوەوە، مەترسییەكی زۆر لەسەر سنووری دەربەندیخان‌و كەلارو كفری‌و بەشێوەیەكی گشتی لەسەر سنووری گەرمیان هەبوو، كە ژیانی چەندین هاووڵاتی كەوتبووە مەترسییەوە، بەو هۆكارەش بۆ پاراستنی گیانی خوێندكاران، بەڕێوەبەرایەتیی پەروەردەكانی كەلارو كفری؛ دەوامی خوێندنی گوندەكانیان راگرت. قائیمقامیەتی قەزای كەلاریش هۆشداریدایە ماڵەكانی نزیك رووباری سیروان ئاگاداری مەترسییەكان بەرزبوونەوەی ئاستی ئاوی رووبارەكە بن.
بەڕێوەبەرایەتیی رێگاوبانی گەرمیانیش، بڵاویكردۆتەوە «پردی دەرەدۆین لەنێوان دەربەندیخان‌و كەلار، بەتەواوی رووخاوە». بەپێی لێدوانێكی رەحمان خانی بەڕێوەبەری بەنداوی دەربەندیخانیش «ئاستی ئاوی بەنداوەكە یەك مەتری ستوونی بەرزبۆتەوە». هەروەها ئاستی ئاوی بەنداوی دوكانیش زیاتر لەمەترێك بەرزبۆتەوە.
هەر بەهۆی بارانی بەخوڕو لافاوەوە، لەچەند ناوچەیەك چەندین ئۆتۆمبیل ژێرئاوكەوتن‌و ژمارەیەك پردیش رووخاون‌و ژمارەیەكی زۆریش پەلەوەرو مەڕو ماڵات لەناوچوون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

كۆبوونەوەی سەركردە سیاسییەكان: چارەسەركردنی كێشەكانی نێوان بەغدا و هەولێر

لەكۆبوونەوەی سەركردە سیاسییەكانی عیراقدا، جەخت لەپێویستیی چارەسەركردنی پرسە هەڵپەسێردراوەكانی نێوان ...